Esdras 6:15 - CHUYA QELLQA La Biblia en Quechua de Ayacucho 2012

¹⁵ Persia nacionpi rey Darío soqta wataña munaychakuchkaptinmi, Adar killapa kimsa kaq punchawninpi, Tayta Diospa templon qespichisqa karqa.

Quechua Ayacucho Bible 1987

¹⁵ Rey Dario soqta watamanña gobiernachkaptinmi Diospa templon qespichisqa karqa Adar sutiyoq killapa kimsa kaq punchawninpi.

Chuya Qellqa 1992

¹⁵ Persia nacionpi rey Darío soqta wataña munaychakuchkaptinmi, Adar killapa kimsa kaq punchawninpi, Tayta Diospa templon qespichisqa karqa.

Esdras 6:15 Iomraidhean Croise

1~Reyes 8:63

Rey Salomonmi Tayta Diosman ofrecerqa iskay chunka iskayniyuq waranqa torokunata hinaspa pachak iskay chunka waranqa ovejakunata. Chay animalkunataqa ofrecerqa Dioswan allinlla kasqankumantam. Chaynatam reywan llapallan Israel mirayninkunapas Tayta Diospa wasinta dedicarqaku.

Esdras 4:24

Chaynapim Jerusalén llaqtapi Tayta Diospa templon hatarichiyninku sayarurqa, Persia nacionpi rey Dariopa iskay wata munaychakuyninkama.

Esdras 5:16

Chaymi Sesbasar rispan, Diospa templonpa cimientonkunata Jerusalenpi churarqa, chaymantapunim kunankama temploqa perqachikuchkan, ichaqa manaraqmi qespinraqchu”, nispanku.

Esdras 9:9

Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Ester 3:13

Hinaspam reypa munaychakusqan provinciakunaman carta apaqkunawan apachirqaku. Chay decretopim rey kamachikurqa llapa judiokunata, joventapas yuyaqtapas, wawatapas warmitapas lliwta huk punchawllapi, Adarwan sutichasqa killapa chunka kimsayuq punchawninpi wañuchinankupaq hinaspa llapa tukuy imankutapas hapikuykunankupaq.

Ester 3:7

Rey Asuero chunka iskayniyuq wataña munaychakuchkaptinmi, Nisán sutiyuq punta kaq killapi, Amanpa ñawpaqninpi suerteta qawarqaku, ima killapim hinaspa ima punchawpim chay tanteasqanta ruwayman churananta yachananpaq. Chaymi Adarwan sutichasqa chunka iskayniyuq kaq killapi ruwananpaq lloqsirurqa.

Ester 8:12

Chaynataqa kamachikurqa huk punchawllapi rey Asueropa munaychakusqan lliw provinciakunapi ruwanankupaqmi; chaypaqmi akllarurqaku adarwan sutichasqa chunka iskayniyuq killapa chunka kimsayuq punchawninta.

Ester 9:1

Adar killapa chunka kimsayuq punchawninpim, reypa kamachikusqan decretoman hina judiokunata enemigonkuna munaychakunanku karqa, ichaqa manam cumplikurqachu, aswanqa llapa judiokunam paykunapi munaychakururqaku.

Ester 9:15

Adar killapa chunka tawayuq pun-chawninpim Susa llaqtapi yachaq judiokuna huktawan huñunakuruspanku kimsa pachak runakunatawanraq wañurachir-qaku, ichaqa manam imankutapas aparqakuchu.

Ester 9:17

Tukuy kaykunaqa pasakurqa adar killapa chunka kimsayuq punchawninpim. Chay killapa chunka tawayuq punchawninpiñataqmi samaspanku convidota ruwaspa kusikurqaku.

Ester 9:19

Chayraykum mana murallasqa llaqtachakunapi yachaq judiokunapas, adar killapa chunka tawayuq punchawninpi kusikuywan convidota ruwaspanku regalokunatapas hukninkumanta hukninkukama apachinakunku.

Ester 9:21

Paykunatam kamachirqa sapa wata adar killapa chunka tawayuq hinaspa chunka pichqayuq punchawninpi huñunakuspanku fiestata ruwanankupaq,

Zacarías 1:1

Rey Darío iskay wata pusaq killanña munaychakuchkaptinmi, Iddopa willkan chaynataq Berequiaspa churin Zacariasta Tayta Dios kaynata rimapayarqa:

Zacarías 1:16

Chayraykum Tayta Dios kaynata nin: Kunanmi Jerusalén llaqtata yapamanta llakipayaykusaq, hinaptinmi temploypas chaynataq Jerusalenpas musoqmanta hatarichisqa kanqa, nispa.

Zacarías 4:9

Zorobabelmi kay templopa cimientonkunata churarqa, hina kikintaqmi qespichinqapas, nispa. Chaynapim yachankichik Tukuy Atiyniyuq Tayta Dios kachamuwasqanta.