Esdras 6:14 - CHUYA QELLQA La Biblia en Quechua de Ayacucho 2012

¹⁴ Chaynapim ancianokunaqa Diospa templon ruwaypi ñawpaqman rirqaku, profeta Hageopa hinaspa Idopa churin profeta Zacariaspa nisqanman hina; hinaspam Tayta Diospa kamachisqanman hina, chaynallataq Persia nacionpa reynin Ciropa, Dariopa hinaspa Artajerjespa kamachisqankuman hina qespirachirqaku.

Quechua Ayacucho Bible 1987

¹⁴ Chaynapim judiokunapa kamachiqninkuna aswan-aswan hatarichirqaku Diosmanta willakuq Hageopa hinaspa Idopa churin Zacariaspa nisqanman hina. Chay templo hatarichisqankumá qespichisqa karqa Israelpa yupaychasqan Diospa kamachisqanman hina chaynataq Rey Ciropa, Rey Dariopa hinaspa Rey Artajerjespa kamachisqanman hina, paykunaqa karqa qatinastinpi Persia nacionpa reyninkunam.

Chuya Qellqa 1992

¹⁴ Chaynapim ancianokunaqa Diospa templon ruwaypi ñawpaqman rirqaku, profeta Hageopa hinaspa Idopa churin profeta Zacariaspa nisqanman hina; hinaspam Tayta Diospa kamachisqanman hina, chaynallataq Persia nacionpa reynin Ciropa, Dariopa hinaspa Artajerjespa kamachisqankuman hina qespirachirqaku.

Esdras 6:14 Iomraidhean Croise

Esdras 3:8

Jerusalén llaqtaman chayamusqankumanta iskay wata qepatam, chay watapa iskay kaq killanpi, Salatielpa churin Zorobabelwan Josadacpa churin sacerdote Josué, Tayta Diospa templon hatarichiyta qallaykurqaku. Paykunatam yanaparqaku llapa sacerdotekuna, levitakuna hinaspa Babiloniamanta lliw kutimuqkuna. Llam-kaqkunata kamachinanpaqñataqmi churarqaku levitakunata iskay chunka watayuqmanta hanayman.

Esdras 4:24

Chaynapim Jerusalén llaqtapi Tayta Diospa templon hatarichiyninku sayarurqa, Persia nacionpi rey Dariopa iskay wata munaychakuyninkama.

Esdras 4:3

Chaymi Zorobabelwan Josué hinaspa Israel ayllukunapi kamachikuqkuna nirqaku: Qamkunawanqa manam huklla wakuy-mankuchu Diosniykupa templon hatarichinaykupaqqa. Israelpa yupaychasqan Tayta Diospa templontaqa ñoqallaykum hatarichisaqku, imaynam Persia nacionpa reynin Ciropa kamachimuwasqankuman hina, nispanku.

Esdras 5:1

Profeta Hageowan Iddopa churin profeta Zacariasmi, Judá nacionpiwan Jerusalén llaqtapi yachaq judiokunaman, Israelpa yupaychasqan paykunawan kaq Tayta Diospa sutinpi willarqaku.

Esdras 5:13

Chaywanpas Babilonia nacionpa reynin Cirom munaychakuyta qallarisqan watapi, Tayta Diospa templon musoqmanta ruwasqa kananpaq kamachikurqa.

Esdras 5:2

Chaymi Salatielpa churin Zorobabelwan Josadacpa churin Josué, kaqllamanta Jerusalenpi Tayta Diospa templon ruwayta qallaykurqaku, paykunatam llapa profetakunapas yanaparqaku.

Esdras 6:3

Rey Ciropa munaychakuyta qallarisqan watapim kikin rey Ciro kaynata kamachikurqa: Tayta Diospa Jerusalenpi templonmantam kaynata nini: Cimientonkunata churaspayá perqankunapas musoqmanta hatarichisqa kachun, chaypi Tayta Diospaq lliw kañana sacrificiokunata ofrecenankupaq. Sayayninmi kanqa iskay chunka qanchisniyuq metro, anchonñataqmi iskay chunka qanchisniyuq metro.

Esdras 6:8

Chaynaqa, ñoqam kamachimuykichik, Tayta Diospa templonta ancianokuna hatarichiptinku kaynata yanapanaykichikpaq: Eufrates mayupa waklawninmanta reypaq impuestokuna huñusqaykichikmantam lliw gastokunata pagankichik, chaynapi ruwasqanku mana sayarunanpaq.

Esdras 7:1

Chaykuna pasaruptinmi, Persia nacionpa reynin Artajerjes munaychakuchkaptin, Babiloniamanta Seraiaspa churin Esdras kutimurqa. Seraiasqa karqa Azariaspa churinmi, Azariasñataqmi Hilciaspa,

Esdras 9:9

Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Nehemías 6:15

Muralla ruwaytam tukururqaniku Elul killapa iskay chunka pichqayuq punchawninpi. Chay obratam pichqa chunka iskayniyuq punchawpi qespirachirqaniku.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Hageo 1:1

Rey Darío iskay wataña munaychakuchkaptinmi soqta kaq killapa punta kaq punchawninpi, profeta Hageontakama Tayta Dios rimapayarqa, Judapa kamachiqnin, Salatielpa churin Zorobabelta, chaynallataq Josadacpa churin sumo sacerdote Josueytapas.

Hageo 1:8

Orqokunaman rispa qerukunata apamuychik hinaspa temployta kaqllamanta ruwaychik. Chaynata ruwaptikichikqa, kusikuspaymi chaypi yupaychasqa kasaq.

Zacarías 1:1

Rey Darío iskay wata pusaq killanña munaychakuchkaptinmi, Iddopa willkan chaynataq Berequiaspa churin Zacariasta Tayta Dios kaynata rimapayarqa:

Zacarías 1:16

Chayraykum Tayta Dios kaynata nin: Kunanmi Jerusalén llaqtata yapamanta llakipayaykusaq, hinaptinmi temploypas chaynataq Jerusalenpas musoqmanta hatarichisqa kanqa, nispa.

Zacarías 4:9

Zorobabelmi kay templopa cimientonkunata churarqa, hina kikintaqmi qespichinqapas, nispa. Chaynapim yachankichik Tukuy Atiyniyuq Tayta Dios kachamuwasqanta.

Zacarías 8:9

Tukuy Atiyniyuq Tayta Diosmi kaynata nin: Chaynaqa, temploy musoqmanta hatarichisqa kananpaq cimientonkuna churasqa kasqanmanta kay punchawkunakama profetakunapa willakuyninta uyariqkuna kallpanchakuychik.