Esdras 5:12 - CHUYA QELLQA La Biblia en Quechua de Ayacucho 2012

¹² Ichaqa ñawpaq taytayku hanaq pachapi munaychakuq Tayta Diosta piñachisqankuraykum paykunata Caldea lawpi Babilonia nacionpa reynin Nabucodonosorman qoykurqa. Chay reymi kay templota tuñirachispan paykunata Babiloniaman presota aparqa.

Quechua Ayacucho Bible 1987

¹² Ichaqa hanaq pachapi munaychakuq Diosta abueloyku piñachisqanraykum paykunata qoykurqa Caldea lawmanta kaq Babilonia nacionpa reynin Nabucodonosorman. Chay reymi chay templota tuñichispan presochasqata Babilonia lawman paykunata pusarqa.

Chuya Qellqa 1992

¹² Ichaqa ñawpaq taytayku hanaq pachapi munaychakuq Tayta Diosta piñachisqankuraykum paykunata Caldea lawpi Babilonia nacionpa reynin Nabucodonosorman qoykurqa. Chay reymi kay templota tuñirachispan paykunata Babiloniaman presota aparqa.

Esdras 5:12 Iomraidhean Croise

2~Reyes 24:2

Tayta Diosmi Joacimpa contranpi kachamurqa Caldea, Siria, Moab hinaspa Amón tropakunata. Paykunatam Tayta Dios kachamurqa serviqnin profetakunawan nisqanpi hina Judá nacionta chinkachinanpaq.

2~Reyes 25:1

Isqon wataña rey Sedequías munaychakuchkaptinmi, chunka kaq killapa chunka punchawninpi Babilonia nacionpa reynin Nabucodonosor, llapa tropankunawan Jerusalén llaqtapa contranpi hamuruspan muyuriqninpi churakururqa. Campamentonta sayarachispanmi rampakunata llaqtapa muyuriqninpi hatarirachirqa.

2~Crónicas 36:20

Wañuymanta puchuqkunatañataqmi Babilonia nacionman presota aparqaku, hinaptinmi reypa chaynataq churinkunapa esclavonkunaña karqaku; chaynaqa karqaku Babilonia nacionpi Persia nación munaychakuyta qallarinankamam.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Jeremías 5:29

¿Manachu chaykuna ruwasqankumanta castigasaq? ¿Manachu chayna nacionmanta vengakusaq? Ñoqa Tayta Diosmi chaynata nini.

Jeremías 51:59

Judá nacionpi rey Sedequías tawa wataña munaychakuchkaspanmi Babi-lonia nacionman rirqa, paywanmi rirqa Maasiaspa willkan otaq Neriaspa churin Seraiaspas paymi riqkunata pusarqa; hinaptinmi Babiloniapi Israelpa mirayninkunaman huk kunakuyta profeta Jeremías apachirqa.

Jeremías 52:12

Babilonia nacionpa reynin Nabuco-donosor chunka isqonniyuq wataña munaychakuchkaptinmi pichqa kaq killapa chunka kaq punchawninpi, Jerusalén llaqtaman chayaramurqa reyta waqaychaq soldadokunapa kamachiqnin Nabuzaradán.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Jueces 2:14

Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Jueces 4:2

chaymi paykunata cananeokunapa reynin Jabinpa makinman Tayta Dios qoykurqa. Jabinqa Hazor llaqtapim munaychakurqa, Sisarañataqmi tropankunapa kamachiqnin karqa, payqa Haroset-goim llaqtapim yacharqa.

Jueces 6:1

Israelpa mirayninkuna Tayta Diospa qayllanpi mana allinkunata ruwaptinkum madianitakunaman qanchis watapaq qoykurqa.