Esdras 5:11 - CHUYA QELLQA La Biblia en Quechua de Ayacucho 2012

¹¹ Hinaptinmi paykuna niwarqaku: “Ñoqaykuqa kaniku hanaq pachapipas kay pachapipas munaychakuq Diospa serviqninkunam. Kay musoqmanta hatarichisqayku temploqa ñawpaqmantaraqmi ruwasqa karqa, chaytaqa Israelpa hatun reyninmi ruwachispan qespichirqa.

Quechua Ayacucho Bible 1987

¹¹ Paykunam niwarqaku: “Ñoqaykuqa kaniku hanaq pachapi chaynataq kay pachapipas munaychakuq Diospa serviqninkunam. Kay mosoqmanta hatarichisqayku temploqa ñawpaqmantaraqmi rurasqa karqa, chaytaqa Israel nacionpi hatun reymi rurachispan qespichirqa.

Chuya Qellqa 1992

¹¹ Hinaptinmi paykuna niwarqaku: “Ñoqaykuqa kaniku hanaq pachapipas kay pachapipas munaychakuq Diospa serviqninkunam. Kay musoqmanta hatarichisqayku temploqa ñawpaqmantaraqmi ruwasqa karqa, chaytaqa Israelpa hatun reyninmi ruwachispan qespichirqa.

Esdras 5:11 Iomraidhean Croise

Génesis 24:3

hinaspayá cielokunapi chaynataq kay pachapi munaychakuq Tayta Diosrayku prometeway, kay yachasqay Canaán allpapi warmiwanqa churiyta ama casarachinaykipaq.

1~Reyes 6:38

Chunka hukniyuq wataña Salomón munaychakuchkaptinmi, Bul sutiyuq pusaq kaq killapi qespirachirqaku. Planoman hinam tukuy imantinta ruwarurqaku. Qanchis watapim chay templota Salomón qespirachirqa.

1~Reyes 9:10

Rey Salomonmi, Tayta Diospa templontawan kikinpa palacionta iskay chunka watapi ruwachirqa,

Esdras 5:10

Paykunapa sutinkunatapas qanman willamunaykupaqmi tapurqaniku, chaynapi sutinkuta qellqaykuspa apachimunaykupaq.

Daniel 3:26

Chaynata niruspanmi rey Nabu-codonosorqa hornopa punkunman asuy-kurqa, hinaspam qayakurqa: Tukuy imapa hawanpi munaychakuq Diospa serviqnin Sadrac, Mesac, Abed-nego, lloqsimuychik, nispa. Chaymi kimsanku rupachkaq nina ukumanta lloqsimurqaku.

Jonás 1:9

Hinaptinmi Jonás willakurqa: Ñoqaqa hebreo castam kani, lamar qochatapas chaynataq allpa pachatapas unanchaq Tayta Diostam yupaychani, nispan.

Mateo 10:32

Pipas runakunapa qayllanpi mana penqakuspa ñoqamanta willakuqtaqa, ñoqapas hanaq pachapi kaq Taytaypa qayllanpim paymanta willakusaq.

Lucas 12:8

Nikichikmi, runakunapa qayllanpi ñoqamanta willakuqtaqa, runapa Chu-rinpas Diospa angelninkunapa qayllanpim paymanta willakunqa.

Hechos 27:23

Chisi tutam rikuriykuwarqa servisqay Diospa angelnin.

Romanos 1:16

Jesucristomanta allin noticia willakuytaqa manam penqakunichu, chayqa Diospa atiyninmi haykam iñiqkunata salvananpaq, puntataqa judiokunata chaynataq mana judiokunatapas.

Romanos 6:16

Qamkunaqa yachankichikmi, sichum pipas huk patronta kasunanpaq hinaspa esclavon kananpaq entregakun, hinaspaqa chay kasukusqan patronpa esclavonmi rikurirun. Chayqa kaynam: Pipas huchata kasuspaqa wañuymanmi rinqa, Diosta kasukuspam ichaqa allin ñanpi kawsakunqa.

Gálatas 6:14

Ñoqam ichaqa imamanta alabakuytapas mana munanichu, aswanqa Señorninchik Jesucristopa cruzpi wañusqallanmantam. Cruzpi Cristopa wañusqanraykum kay pachapi mana allin ruwaykunataqa wañusqata hinaña saqeruni, chayna-taqmi ñoqatapas kay pachapi mana allin ruwaykunaqa wañusqata hinaña saqeruwan.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.