Esdras 4:12 - CHUYA QELLQA La Biblia en Quechua de Ayacucho 2012

¹² Reynillayku, kaytam willamuykiku: Babilonia nacionmanta ñoqaykupa kasqaykuman kutichimusqayki judiokunam Jerusalenman chayaramuspanku kay mana allin hinaspa mana kasukuq llaqtata kaqmanta hatarichichkanku. Cimientonkunata churaruspankum murallankunatapas hatarichichkanku.

Quechua Ayacucho Bible 1987

¹² Yachayá reyllayku, qampa kasqaykimanta ñoqaykuman hamuq judiokunam Jerusalen llaqtaman chayaruspanku hatarichichkanku mana kasukuq chaynataq mana allin runakunapa *f**yachanan llaqtata. Cimientonkunatapas allichaspankum murallantapas qespiykachichkankuña.

Chuya Qellqa 1992

¹² Reynillayku, kaytam willamuykiku: Babilonia nacionmanta ñoqaykupa kasqaykuman kutichimusqayki judiokunam Jerusalenman chayaramuspanku kay mana allin hinaspa mana kasukuq llaqtata kaqmanta hatarichichkanku. Cimientonkunata churaruspankum murallankunatapas hatarichichkanku.

Esdras 4:12 Iomraidhean Croise

2~Reyes 18:20

Qanmi nichkanki: Ñoqapaqqa kachkanmi consejaqniykunapas chaynataq guerrapaq allinnin qari-qari soldadoykunapas, nispa; yanqam chayqa. ¿Piman hapipakuspaykitaq contraypi hoqarikuchkanki?

2~Reyes 24:1

Rey Joacimpa tiemponpim Babilonia nacionpa reynin Nabucodonosor, Judá nacionpa contranpi hamurqa. Venceruptinmi kimsa wata Joacim servirqa, chaymantam Nabucodonosorpa contranpi hoqarikururqa.

2~Crónicas 36:13

Rey Nabucodonosormi Sedequiasta Diospa sutinpi jurachirqa payta kasunanpaq, ichaqa Sedequiasmi paypa contranpi hatarirurqa. Sonqonta rumiyarachispanmi Israelpa yupaychasqan Tayta Diosmanpas mana kutirikurqachu.

Esdras 4:11

Kaymi chay carta apachisqankupa copian: “Reynillayku Artajerjes, Eufrates mayupa kaylawninpi kaq serviqnikikunam rimaykamuykiku.

Esdras 4:15

chaynapi ñawpaq taytaykikunamanta rimaq librokunapi maskachinaykipaq, chay librokunapim tarinki kay runakunaqa mana kasukuq llaqta kasqanta, reykunatapas chaynataq wakin llaqtakunapas sasachakuyman churaq kasqanta; paykunaqa ñawpaq tiempomantaraqmi hoqarikuq runakuna karqaku, chayraykum kay llaqtaqa purmachisqa karqa.

Esdras 4:19

Kamachisqayman hinam librokunapi maskaspanku tarirunku chay llaqtaqa ñawpaqmantaraq reykunapa contranpi hoqarikuq kasqanta hinaspa ñataq-ñataq hoqarikuyllapi kasqankuta.

Esdras 5:3

Chay tiempopim, Eufrates mayupa waklawninpi kamachikuq Tatnaiwan Setar-boznai hinaspa paykunawan kaqkuna rispanku nirqaku: ¿Pitaq kay templota kaqllamanta hatarichinaykichikpaq hinaspa kay perqakunatapas qespichinaykichikpaq kamachisurqankichik? nispanku.

Esdras 5:9

Chaymi kamachiqninkunata kaynata tapurqaniku: “¿Pitaq kamachisurqankichik kay templota chaynataq perqankunatapas hatarichinaykichikpaq?” nispayku.

Nehemías 1:3

Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Nehemías 6:6

Chay cartam kaynata nisqa: Nacionkunapi runakunam rimachkanku, Gesempas hina chaynallatam nin, qamtaqsi judiokunawan kuska rey Artajerjespa contranpi hoqarikuyta tanteachkanki, chaypaqtaqsi murallatapas kaqmanta hatarichichkankichik. Paykunapa reynin karuyta munaspaykitaqsi

Ester 3:8

Hinaptinmi rey Asuerota Amán nirqa: Munaychakusqayki llaqtakunapim huk casta runakuna cheqesqa hinaspa rakinasqa yachachkanku, leyninkupas sapaqmi, manam wakin llaqtakunapa hinachu, kamachikuynikikunatapas manam kasukunkuchu. Manam allinchu reypa munaychakuyninpi kayna runakunapa kawsayninqa.

Jeremías 52:3

Chayraykum Jerusalén llaqtapa chaynataq Judá nacionpa contranpi Tayta Dios piñakuruspan qayllanmanta wischururqa. Chaymantam Sedequiasqa Babilonia nacionpa reyninpa contranpi hoqarikururqa.

Daniel 3:8

Caldea runakunañataqmi chayman hapipakuruspanku rey Nabucodono-sorman asuykurqaku judío runakunata acusanankupaq.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Lucas 13:34

¡Jerusalén, Jerusalén! ¡Profetaku-natam wañuchinki! Diospa kachamususqayki willakuqkunatam rumiwan chamqapanki, ¡maynatam munarqani chiwchinkunata rapran ukupi huñuykuq wallpa hina wawaykikunata huñuykuyta, ichaqa manam munarqankichu!

Hechos 24:5

Kay Pabloqa peste onqoy hinam. Tukuy hinastinpim judiokunata rakinamuchkan, payqa nazareno partidopa cabecillanmi.

1~Tesalonicenses 5:22

tukuy mana allin kaqkunamantayá raki-kuychik.