Esdras 3:9 - CHUYA QELLQA La Biblia en Quechua de Ayacucho 2012

⁹ Josueymi churinkunawan chaynataq ayllunkunawan kuska Tayta Diospa templonpi llamkaqkunata kamachirqaku. Paykunatam yanaparqaku Hodaviaspa mirayninmanta kaq Cadmiel chaynataq churinkunapas hinaspa Henadadpa ayllunkunapas.

Quechua Ayacucho Bible 1987

⁹ Josueymi churinkunawan hinaspa ayllunkunawan chaynataq Hodaviaspa mirayninmanta Cadmielpa churinkunapiwan chulla runa hinalla rirqaku Diospa templonpi llamkaqkunata llamkachinankupaq. Chaynatam rurarqa Henadadpa churinkunapiwan hinaspa ayllunkunapiwan, paykunaqa karqa Leviy ayllumanta kaq runakunam.

Chuya Qellqa 1992

⁹ Josueymi churinkunawan chaynataq ayllunkunawan kuska Tayta Diospa templonpi llamkaqkunata kamachirqaku. Paykunatam yanaparqaku Hodaviaspa mirayninmanta kaq Cadmiel chaynataq churinkunapas hinaspa Henadadpa ayllunkunapas.

Esdras 3:9 Iomraidhean Croise

1~Crónicas 23:4

Chay levi-takunamantam iskay chunka tawayuq waranqa runakuna, Tayta Diospa templonta ruwarqaku, soqta waranqañataqmi kamachikuqkunawan juezkuna karqaku,

2~Crónicas 34:12

Chay runakunam allin sonqowan llamkarqaku. Capatazkunam karqaku Leví ayllumanta kaq Meraripa miraynin Jahatwan Abdías, Coatpa miraynin Zacariaswan Mesulam hinaspa rikchaqmana tocanankunata tocaq levitakunapas.

Esdras 2:40

Hodavías ayllumanta kaq Josueypa chaynataq Cadmielpa miraynin levitakunamantam karqa qanchis chunka tawayuq.

Esdras 3:8

Jerusalén llaqtaman chayamusqankumanta iskay wata qepatam, chay watapa iskay kaq killanpi, Salatielpa churin Zorobabelwan Josadacpa churin sacerdote Josué, Tayta Diospa templon hatarichiyta qallaykurqaku. Paykunatam yanaparqaku llapa sacerdotekuna, levitakuna hinaspa Babiloniamanta lliw kutimuqkuna. Llam-kaqkunata kamachinanpaqñataqmi churarqaku levitakunata iskay chunka watayuqmanta hanayman.

Nehemías 3:24

Qatiqnintam allicharqa Henadadpa churin Binúi, Azariaspa wasinmanta qallarispa esquina muyuykunakama.

Nehemías 7:43

Levitakunamanta kutimuqkunam karqaku, Hodaviaspa churinkuna Josueypa chaynataq Cadmielpa mirayninkunamanta qanchis chunka tawayuq runakuna.