Esdras 3:11 - CHUYA QELLQA La Biblia en Quechua de Ayacucho 2012

¹¹ Wakiqmi takikunawan Tayta Diosman graciasta qorqaku, wakiqñataqmi kaynata takispa kutichirqaku: Tayta Diosman ancha kuyakuq kasqanmanta graciasta qoychik, Israelpaq kuyapayakuyninqa wiña-wiñaypaqmi, nispanku. Llapallan runakunam hatun kusikuywan qaparispa Tayta Diosta yupaycharqaku, Tayta Diospa templonpa cimientonta churasqankurayku.

Quechua Ayacucho Bible 1987

¹¹ Takiqkunam alabaspanku hinaspa Tayta Diosman graciasta qospanku takirqaku: Payqa ancha allinmi, Payqa Israel casta runakunata wiñaypaq kuyapayaqmi Llapallan runakunam hatun kusikuywan qaparispa Tayta Diosta alabarqaku, chaynataqa takirqaku Tayta Diospa templonta cimientasqankuraykum.

Chuya Qellqa 1992

¹¹ Wakiqmi takikunawan Tayta Diosman graciasta qorqaku, wakiqñataqmi kaynata takispa kutichirqaku: Tayta Diosman ancha kuyakuq kasqanmanta graciasta qoychik, Israelpaq kuyapayakuyninqa wiña-wiñaypaqmi, nispanku. Llapallan runakunam hatun kusikuywan qaparispa Tayta Diosta yupaycharqaku, Tayta Diospa templonpa cimientonta churasqankurayku.

Esdras 3:11 Iomraidhean Croise

1~Crónicas 16:34

Allin kasqanraykuyá Tayta Diosman graciasta qoychik, kuyapayakuyninqa wiña-wiñaypaqmi.

1~Crónicas 16:41

Paykunatawan kuskatam saqerqa Hemantawan Jedutuntapas chaynataq takinankupaq sutin-sutin akllasqa kaqkunatapas, wiña-wiñaypaq kuyakuyninmanta Tayta Diosman graciasta qonankupaq.

2~Crónicas 5:13

Trompetakunata tocaspankum llapallanku huklla takispanku Tayta Diosta hatunchaspa graciasta qorqaku. Trompetakunata, platillokunata hinaspa huk rikchaq tocanakunata tocaspankum kaynata takirqaku: “Kuyakuq kasqanraykuyá Tayta Diosta yupaychaychik, kuyakuyninqa wiña-wiñaypaqmi”, nispanku. Hinaptinmi Tayta Diospa templonman puyu huntaykurqa.

2~Crónicas 7:3

Israelpa mirayninkunañataqmi nina wichiykamusqanta hinaspa Tayta Diospa kanchariynin temploman huntaykusqanta qawaykuspanku, uyankuta pampakama kumuykachispa Tayta Diosta kaynata yupaycharqaku: “Tayta Diosqa ancha kuyakuqmi, kuyakuyninpas wiña-wiñaypaqmi”, nispanku.

Nehemías 12:24

Levitakunapa kamachiqninkunam karqaku: Hasabías, Serebías, Jesúa, Cadmiel. Paykunapa chimpanpiñataqmi karqaku castankuna, chaynapi muyuyninpi Tayta Diosta yupaychaspa payman graciasta qonankupaq. Chaynatam kamachikurqa Diospa serviqnin David.

Nehemías 12:40

Chaymantam iskayman rakinasqa takiqkuna, Tayta Diospa templonpi sapakama maymi kanankuman churakuykurqaku. Ñoqapas riqmasiy kamachikuqkunawan kuskam chaypi sayarqaniku.

Éxodo 15:21

Mariañataqmi takispan nirqa: Tayta Diosman takiychik, hatun atiynintam qawachikurqa. Caballokunatapas sillakuqnintintam lamar qochapi chinkarachirqa, nispa.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Hageo 2:3

¿Yaqaraqchum qamkunamanta pillapas kachkanraq ñawpaq tiempopi kay templopa sumaq kayninta rikuq? ¿Imaynatataq kay templota kunan qawachkankichik? ¿Manachum kay qawasqaykichik temploqa ñawpaq templomanqa mana imallanpipas rikchakunchu?

Zacarías 4:7

Hatun orqo, ¿pitaq qamqa kanki? Qamqa Zorobabelpa ñawpaqninpim pampaman tikrasqa kanki. Paymi temploy hatarichisqa kananpaq cimientopaq rumita hurqonqa, llapa runakunañataqmi qaparinqaku: ¡Ima allinmi, ima sumaqmi! nispanku.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Lucas 1:50

Payqa wiñaypaqmi kuyapayan kasukuqninkunataqa.

Josué 6:10

Runakunatam Josué kamachirqa: Qamkunaqa amam qaparinkichikchu, nitaqmi imatapas rimarinkichikchu, aswanqa upallallam rinkichik. ¡Qapa-riychik! niptiyñam llapallan kallpaykichikwan lliw qaparinkichik, nispa.

Josué 6:16

Qanchis kaq kuti muyumuyninkupim sacerdotekuna cornetankuta tocaykuptinku, llapa runakunata Josué kamachirqa: ¡Qapariychik! Llaqtatam Tayta Dios qoykusunkichik.

Josué 6:5

Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.