Esdras 3:10 - CHUYA QELLQA La Biblia en Quechua de Ayacucho 2012

¹⁰ Tayta Diospa templonpa cimientonta albañilkuna churaptinkum, llapa sacerdotekuna chaypaq hina pachasqakama hinaspa trompetantinkama sayarirqaku, Asafpa churin levitakunañataqmi platillontinkama sayarirqaku, Israelpa reynin Davidpa kamachisqanman hina Tayta Diosta yupaychanankupaq.

Quechua Ayacucho Bible 1987

¹⁰ Tayta Diospa templonpa cimientonta albañilkuna churachkaptinkum sacerdotekuna chaypaq hina pachasqakama cornetillata aptarikuspanku sayarirqaku. Leviy castamanta Asafpa mirayninkunapas sayarirqakutaqmi platillontinkama Tayta Diosta alabanankupaq, chaynataqa rurarqaku Israel nacionpa reynin Davidpa kamachikusqanman hinam.

Chuya Qellqa 1992

¹⁰ Tayta Diospa templonpa cimientonta albañilkuna churaptinkum, llapa sacerdotekuna chaypaq hina pachasqakama hinaspa trompetantinkama sayarirqaku, Asafpa churin levitakunañataqmi platillontinkama sayarirqaku, Israelpa reynin Davidpa kamachisqanman hina Tayta Diosta yupaychanankupaq.

Esdras 3:10 Iomraidhean Croise

1~Crónicas 15:24

Sebaniaswan Josafat, Natanael, Amasai, Zacarías, Benaía hinaspa Eliezerñataqmi, Tayta Diospa Arcanpa ñawpaqninpi trompetakunata tocarqaku. Paykunaqa sacerdotekunam karqaku. Obed-edomwan Jehiaspas Diospa Arcanpa punkunta waqaychaqkunam karqaku.

1~Crónicas 15:27

Davidpas linomanta ruwasqa pachayuqmi rirqa, Arca apaq levitakunawan takiqkunapas hina chayna pachasqakamam rirqaku; Quenaniasmi karqa takiqkunapa directornin. Davidqa linomanta efodwan churasqam rirqa.

1~Crónicas 16:37

Davidmi Asaftawan wawqenkunata saqerqa Tayta Diospa pacto ruwasqan Arcapa ñawpaqninpi, sapa punchaw imam ruwanankupi servikunankupaq.

1~Crónicas 16:42

Hemanwan Jedutunmi trompetakunata, platillokunata hinaspa wakin tocanakunata tocarqaku, takiqkunawan kuska Tayta Diosta yupaychanankupaq. Jedutunpa churinkunañataqmi punkukunata nanachikurqaku.

1~Crónicas 23:5

tawa waranqa runakunañataqmi punkuta nanachikurqaku, tawa waranqañataqmi Tayta Diosta yupaycharqaku Davidpa ruwachisqan tocanakunawan.

1~Crónicas 25:25

chunka pusaqniyuqpiñataq Hananiman,

2~Crónicas 35:14

Chaymantam llapa levitakunaqa kikinkupaqwan llapa sacerdotekunapaqpas mikunankuta ruwarqaku; chaynataqa ruwarqaku Aaronpa mirayninmanta kaq sacerdotekuna tutaykuqkama lliw kañana sacrificiokunatawan wirakunata kañaypi mana haypakusqankuraykum.

2~Crónicas 35:15

Asafpa mirayninmanta kaq takiqkunapas, Davidpa, Asafpa, Hemanpa hinaspa reypa tapukunan profeta Jedutunpa kamachisqanman hinam maymi kanankupi sayarqaku; punkukuna nanachikuqkunapas maymi nanachikusqanku punkupim sayarqaku. Paykunaqa manam chaymanta kuyurirqakuchu, ayllunkumanta kaq levitakuna mikunankuta ruwamusqankurayku.

2~Crónicas 5:12

Llapallan takiq levitakunam karqaku: Asaf, Hemán, Jedutún, sapakama churinkupiwan hinaspa ayllunkuwan kuska fino linowan pachasqakama platillokunata, cimbalokunata hinaspa arpakunata tocaspanku Arcapa waqtan intipa qespimunan lawninpi sayarqaku. Paykunawantaqmi pachak iskay chunka sacerdotekunapas trompetakunata tocarqaku.

Esdras 2:41

Asafpa miraynin takiqkunamantam karqa pachak iskay chunka pusaqniyuq.

Esdras 5:16

Chaymi Sesbasar rispan, Diospa templonpa cimientonkunata Jerusalenpi churarqa, chaymantapunim kunankama temploqa perqachikuchkan, ichaqa manaraqmi qespinraqchu”, nispanku.

Hageo 2:15

Chaynaqa, temploypa perqankuna churayta manaraq qallaykuchkaspaykichikyá tukuy sonqoykichikmanta sumaqta yuyaymanaychik.

Zacarías 4:10

Templo ruwayta qallaykuptinku, “maytaya tukurusun” niqkunapas, Zorobabel qespirachiptinmi kusikunqaku. Chaymantam chay angelqa niwarqa: Kay qanchis mecherokunañataqmi Tayta Diospa ñawinkuna, kaykunam kay allpa pachapi tukuy hinastinta qawachkanku, nispa.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Zacarías 4:7

Hatun orqo, ¿pitaq qamqa kanki? Qamqa Zorobabelpa ñawpaqninpim pampaman tikrasqa kanki. Paymi temploy hatarichisqa kananpaq cimientopaq rumita hurqonqa, llapa runakunañataqmi qaparinqaku: ¡Ima allinmi, ima sumaqmi! nispanku.

Zacarías 6:12

Hinaspam Josueyta ninki, Tukuy Atiyniyuq Tayta Diosmi kaynata nin: Kaymi chay “Ikllirimuq” nispa sutichasqa runa, paymi sapinmanta ikllimuspan Tayta Diospa templonta musoqmanta hatarichinqa.

Zacarías 7:3

hinaspa Tukuy Atiyniyuq Tayta Diospa templonpi kaq sacerdotekunata chaynataq profetakunata kaynata tapumunankupaq: ¿Hinaraqchu pichqa kaq killapi waqasaqku hinaspa ayunasaqku imaynam watan-watan ruwasqaykuman hina? nispanku.

1~Samuel 22:18

Chaymi rey Saulqa kamachirqa Edom castamanta Doegtaña chay sacerdotekunata wañuchinanpaq. Hinaptinmi chay runa pawaykuspan wañuchiyta qallaykuspan chay punchaw wañurachirqa linomanta efodwan pachasqa pusaq chunka pichqayuq sacerdotekunata.