Esdras 3:1 - CHUYA QELLQA La Biblia en Quechua de Ayacucho 2012

¹ Qanchis kaq killa chayaramuptinmi, Israelpa mirayninkuna sapakama llaqtankupiña kachkaspanku, chulla runa hinalla Jerusalén llaqtapi huñunakururqaku.

Quechua Ayacucho Bible 1987

¹ Qanchis kaq killa chayaramuptinmi Israelpa castan llapallan runakuna llaqtankupiña kachkaspa chulla runa hinalla huñunakururqa Jerusalen llaqtapi.

Chuya Qellqa 1992

¹ Qanchis kaq killa chayaramuptinmi, Israelpa mirayninkuna sapakama llaqtankupiña kachkaspanku, chulla runa hinalla Jerusalén llaqtapi huñunakururqaku.

Esdras 3:1 Iomraidhean Croise

Nehemías 7:72

Llapa runakunamantapas wakiqninkum qorqaku soqta chunka kilo qoritawan waranqa pachaknin kilo qollqeta, sacerdotekunapa pachankunatapas soqta chunka qanchisniyuqtam qorqaku.

Nehemías 7:73

Llapa sacerdotekunawan, levitakuna, punku nanachikuqkuna, takiqkuna, llapa runakuna, templopi servikuqkunaqa sapakamam llaqtankupi yacharqaku. Qanchis kaq killa chayaramuptinqa, Israel runakunaqa llaqtankupiñam sapakama yachakurqaku.

Nehemías 8:1

Chaykunapa qepantam huk runa hinalla llapallanku huñunakamurqaku Yakuwan sutichasqa pukyupa ñawpaqnin plazaman. Hinaspankum sacerdote Esdrasta nirqaku Israelpa mirayninkunaman Moisesnintakama Tayta Diospa qosqan kamachikuy librota apamunanpaq.

Nehemías 8:14

Chay qellqasqa yachachikuypim tarirurqaku Moisesnintakama Diospa kamachikuyninta, qanchis kaq killapa hatun fiestanpi Israelpa mirayninkuna ramadakunapi yachanankupaq.

Levítico 16:29

Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Sofonías 3:9

Chay punchawkunapim ñoqa Tayta Diosta qayakamuwanankupaq runakunapa siminta chuyanchaykusaq, hinaptinmi huk sonqollaña serviwanqaku.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

Deuteronomio 16:16

Sapa watam llapallan qarikuna kimsa kutita Señornikichik Tayta Diospa qayllanman otaq paypa akllasqan sitioman rinqaku. Chaynataqa ruwanqaku mana levadurayuq Tanta fiestapi, Semanakuna fiestapi chaynataq Ramada fiestapim. Amam pipas mana imatapas apaspaqa Tayta Diosmanqa rinqachu.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.