Esdras 2:1 - CHUYA QELLQA La Biblia en Quechua de Ayacucho 2012

¹ Rey Nabucodonosorpa Babilo-niaman preso apasqankunamanta Jerusalenman, Judá nacionman, sapakama llaqtankuman kutimuqkunam kaykuna.

Quechua Ayacucho Bible 1987

¹ Juda law llaqtayoqkunata Babilonia nacionpa reynin Nabucodonosorpa Babiloniaman preso apasqankunam kutimurqaku Jerusalen llaqtaman chaynataq Juda lawmanpas. Sapakamam kutirqaku llaqtankuman.

Chuya Qellqa 1992

¹ Rey Nabucodonosorpa Babiloniaman preso apasqankunamanta Jerusalenman, Judá nacionman, sapakama llaqtankuman kutimuqkunam kaykuna.

Esdras 2:1 Iomraidhean Croise

2~Reyes 25:11

Hinaspanmi reyta waqaychaq soldadokunapa capitannin Nabuzaradanqa Jerusalén llaqtapi puchuqkunatawan, Babilonia nacionpa reyninman kuskanchakuruq runakunata chaynataq wakin runakunatapas presocharuspan aparqa;

1~Crónicas 9:1

Kaynatam Israelpa mirayninkuna, ayllun-ayllun, Israelpi reykunapa libronpi listasqa karqaku. Judá nacionpi runakunam ichaqa, huchallikusqankurayku Babiloniaman apasqa karqaku.

1~Crónicas 9:2

Babilonia nacionmanta puntata kutimuspa chakrankuman hinaspa llaqtankuman yachanankupaq yaykuqkunaqa karqaku Israel castamanta wakin runakunawan, sacerdotekuna, levitakuna hinaspa templopi servikuqkunam.

Esdras 1:11

Qorimanta, qollqemanta llapallan serviciokunam karqa pichqa waranqa tawa pachaknin. Chaykunatam Sesbasar aparqa Babilonia nacionmanta Jerusalenman kutiqkunawan.

Esdras 2:2

Kaykunam Zorobabelwan kuska kutimuqkuna: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum hinaspa Baana. Israel llaqtayuqkunamanta kutimuqkunam kaykuna:

Esdras 2:70

Llapa sacerdotekunawan levitakuna, wakin llaqta runakuna, takiqkuna, punkukunawan nanachikuqkuna hinaspa templonpi servikuqkunam Jerusalén llaqtapi yacharqaku. Wakin Israel runakunañataqmi sapakama llaqtankupi yacharqaku.

Esdras 5:8

Kunanmi reynilláy willamuykiku, ñoqaykum Judá lawman rispayku Atiyniyuq Diospa templon ruwasqankuta rikuramuniku, perqankunatapas labrasqa hatun rumikunawanmi hatarichichkanku, vigankunapas churasqañam kachkan, utqayllamanña ruwaspankum qespiykachichkankuña.

Esdras 6:2

Chaymi Media law Ecbatana llaqtapi huk librota tarirurqaku, chaypim kayna niq qellqasqa kasqa:

Esdras 8:35

Chaymantam preso kasqankumanta kutimuqkuna Israelpa Diosninman lliw kañana sacrificiokunata ofrecerqaku. Israelpi sapa ayllupa rantinpim ofrecerqaku chunka iskayniyuq malta torokunata, isqon chunka soqtayuq carnerokunata, qanchis chunka qanchisniyuq malta carnerokunata hinaspa hucha pampachana ofrendapaq chunka iskayniyuq chivatokunata; chaykunatam Tayta Diosman lliw kañana sacrificiota ofrecerqaku.

Nehemías 12:1

Salatielpa churin Zorobabelwan hinaspa Josueywan kutimuq sacerdotekunawan levitakunam kaykuna karqaku. Sacerdotekunamantam karqaku Seraías, Jeremías, Esdras,

Ester 1:1

Rey Asuerom India nacionmanta Etiopía nacionkama pachak iskay chunka qanchisniyuq provinciakunapi munaychakurqa.

Ester 1:11

reina Vastita coronasqata reypa ñawpaqninman pusamunankupaq, chaynapi kamachikuqkunawan llapa runakuna buenamoza kasqanta qawanankupaq. Vastiqa ancha buenamoza warmim karqa.

Ester 1:3

Kimsa wataña munaychakuchkas-panmi, kamachikuypi yanapaqninkunapaq hatun convidota ruwachispan, Persia nacionpa, Media nacionpa tropakunapa kamachiqninkunata chaynataq provinciakunapi kamachikuqkunatapas qayachirqa.

Ester 1:8

Ichaqa reymi llapallan mayordomokunata kamachirqa pitapas mana upyay munaqtaqa ama hikutanankupaq, aswanqa munasqankuman hinalla sapakama upyakunankupaq.

Ester 8:9

Chaymi Siván sutiyuq kimsa kaq killapa iskay chunka kimsayuq punchawninpi reypaq qellqaqkunata qayachimurqaku, hinaptinmi Mardoqueopa tukuy kamachisqanta qellqarqaku judiokunaman, gobernadorkunaman chaynataq kamachikuqkunamanpas; Indiamanta qallaykuspa Etiopiakama pachak iskay chunka qanchisniyuq provinciakunaman, sapa provinciapa imaynam qellqankuman hina chaynataq rimayninkuman hina. Qellqarqakutaqmi judío runakunamanpas imaynam qellqasqankuman chaynataq rimayninkuman hina.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Jeremías 50:19

Israeltam pastonman kutichimusaq; Carmelo orqopi, Basán lawpi, Efraín orqokunapi hinaspa Galaad lawpi pastokunatam saksanankukama mikunqaku, nispa.

Lamentaciones 1:3

Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, nacionkunapa serviqninña rikurirun, Qatikachaqnin enemigonkunam hayparuspa ñakariyman churarun.

Lamentaciones 1:5

Enemigonkunam paykunapi munaychakuchkan, contranpi kaqkunam chaninchasqa kachkanku. Tayta Diosmi llumpay huchanmanta ñakarichichkan, wawankunam enemigonpa preso apasqan richkanku.

Lamentaciones 4:22

Sión llaqta, castigasqa kaynikiqa tukurunñam, Tayta Diosqa manañam presota apachisunkiñachu. Edom nacionpi kaqkuna, Tayta Diosmi huchaykichikmanta castigasunkichik, huchaykichiktam lliwman qawachinqa.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Hechos 23:34

Gobernador Felixñataqmi chay cartata leeruspan Pablota tapurqa maylaw llaqtayuq kasqanta. Cilicia lawmanta kasqanta yacharuspanmi