Esdras 10:6 - CHUYA QELLQA La Biblia en Quechua de Ayacucho 2012

⁶ Esdrasmi Diospa templonmanta lloqsispan Eliasibpa churin Johananpa cuartonman chayarurqa, chaypim tukuy tuta mana mikurqachu nitaq yakutapas tomarqachu, preso kasqankumanta kutimuqkunapa huchankunawan llumpay llakisqa kasqanrayku.

Quechua Ayacucho Bible 1987

⁶ Diospa templonpa ñawpaqninmanta Esdras hatariruspanmá pasarqa Eliasibpa churin Johananpa cuartonman. Chaypim mana mikurqachu nitaq yakuta tomarqachu. Preso kasqankumanta kutiqkuna Diosta traicionasqankuraykum llakisqa karqa.

Chuya Qellqa 1992

⁶ Esdrasmi Diospa templonmanta lloqsispan Eliasibpa churin Johananpa cuartonman chayarurqa, chaypim tukuy tuta mana mikurqachu nitaq yakutapas tomarqachu, preso kasqankumanta kutimuqkunapa huchankunawan llumpay llakisqa kasqanrayku.

Esdras 10:6 Iomraidhean Croise

Esdras 10:1

Esdrasmi qonqorakuykuspan waqakuywan huchankuta willakuchkarqa Diospa templonpa ñawpaqninpi, hinachkaptinmi Israelpa mirayninkunamanta kaqkuna, qarikunapas, warmikunapas chaynataq warmakunapas paypa kasqanman huñunakaramurqaku, hinaspam sinchillataña waqakurqaku.

Esdras 10:7

Chaymantam preso kasqankumanta kutimuspa Judá nacionpi hinaspa Jerusalén llaqtapi yachaqkunata kaynata nichimurqaku: “Jerusalenman huñunakamuychik,

Esdras 9:4

Preso kasqankumanta kutimuqkunapa huchanrayku Israelpa yupaychasqan Tayta Diospa Chuya siminta manchakuqkunam ñoqaman huñunakamurqaku. Ñoqañataqmi tardeykuyta sacrificio ruwana horakama hina llakisqalla karqani

Nehemías 12:10

Jesuam karqa Joiacimpa taytan, Joiacimñataqmi Eliasibpa, Eliasibñataqmi Joiadapa.

Nehemías 12:22

Eliasibpa, Joiadapa, Johananpa hinaspa Jaduapa tiemponpi levitakunam sapa ayllupi kamachikunankupaq listasqa karqaku, chaynallataqmi sacerdotekunapas, Persia nacionpi rey Dariopa tiemponkama.

Nehemías 13:28

Sacerdote Eliasibpa churin Joiadapa huknin churintam, Horón llaqtayuq Sanbalatpa masan kasqanrayku ladoymanta qarqorurqani.

Nehemías 13:5

paypaqmi huk hatun cuartota alistapurqa. Chay cuartopim pasaq tiempokunapi waqaychaqku ofrendakunata, inciensota, serviciokunata chaynataq trigomanta, vinomanta hinaspa aceitemanta diezmokunatapas; chaykunataqa levitakunaman, punku nanachikuqkunaman hinaspa takiqkunamanmi qorqaku, chaypitaqmi churaqku sacerdotekunapaq ofrendakunatapas.

Nehemías 3:1

Sumo sacerdote Eliasibmi sacer-dotemasinkunapiwan hatarispan-ku Ovejawan sutichasqa punkuta hatarichirqaku. Vigankunatawan punkun-kunata churaspankum perqankunatapas Pachakwan sutichasqa torremanta qallaykuspa Hamea sutiyuq torrekama ruwarqaku, hinaspam Tayta Diospaq sapaqcharqaku.

Nehemías 3:20

Qatiqnintam allicharqa Zabaipa churin Baruc, esquinamanta qallaykuspa sumo sacerdote Eliasibpa wasinpa punkunkama.

Jobwan Sutichasqa Libro 23:12

Kamachisqantaqa mana qepanchaspam kasukurqani, rimarisqankunataqa mikunaymantapas aswanraqmi waqaycharqani.

Éxodo 34:28

Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Daniel 9:3

Hinaptinmi ayunakuspay Señor Diosta mañakurqani, paytaqa mañakurqani hawaypi uchpallaña luto pachayuqmi.

Deuteronomio 9:18

Chaymantam Tayta Diospa qayllanpi qonqorakuykurqani, hinaspam ñawpaqta hina tawa chunka punchaw hinaspa tawa chunka tuta mana mikurqanichu nitaq yakutapas tomarqanichu. Chaynatam Tayta Diospa contranpi huchallikuspa piñachisqaykichikmanta ruwarqani.