Esdras 10:18 - CHUYA QELLQA La Biblia en Quechua de Ayacucho 2012

¹⁸ Sacerdotekunapa mirayninkunamanta huklaw nacionniyuq warmikunawan casarakuq qarikunam kaykuna karqaku: Josadacpa churin Josueypa mirayninkunamanta hinaspa ayllunkunamanta Maasías, Eliezer, Jarib hinaspa Gedalías.

Quechua Ayacucho Bible 1987

¹⁸ Sacerdotekunapa castanmanta wakin nacionniyoq warmikunawan casarakuqkunam kaykuna: Josadacpa churin Josueypa mirayninmantawan chaynataq ayllunmantam karqa Maasias, Eliezer, Jarib hinaspa Gedalias.

Chuya Qellqa 1992

¹⁸ Sacerdotekunapa mirayninkunamanta huklaw nacionniyuq warmikunawan casarakuq qarikunam kaykuna karqaku: Josadacpa churin Josueypa mirayninkunamanta hinaspa ayllunkunamanta Maasías, Eliezer, Jarib hinaspa Gedalías.

Esdras 10:18 Iomraidhean Croise

Esdras 10:17

Chaynapim huklaw nacionniyuq warmikunawan casarakuq qarikuna juzgayta tukurqaku, watapa qallariynin abib killapa punta kaq punchawninpi.

Esdras 2:2

Kaykunam Zorobabelwan kuska kutimuqkuna: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum hinaspa Baana. Israel llaqtayuqkunamanta kutimuqkunam kaykuna:

Esdras 2:36

Josué ayllumanta kaq Jedaiaspa miraynin sacerdotekunamantam karqa isqon pachak qanchis chunka kimsayuq.

Esdras 3:2

Chaymi Josadacpa churin Josueywan, paypa sacerdotemasinkuna hinaspa Salatielpa churin Zorobabelwan waw-qenkuna, Tayta Diospa altarninta hata-richirqaku, chaynapi Diospa serviqnin Moisespa kamachisqanman hina lliw kañana sacrificiokunata ofrecenankupaq.

Esdras 3:8

Jerusalén llaqtaman chayamusqankumanta iskay wata qepatam, chay watapa iskay kaq killanpi, Salatielpa churin Zorobabelwan Josadacpa churin sacerdote Josué, Tayta Diospa templon hatarichiyta qallaykurqaku. Paykunatam yanaparqaku llapa sacerdotekuna, levitakuna hinaspa Babiloniamanta lliw kutimuqkuna. Llam-kaqkunata kamachinanpaqñataqmi churarqaku levitakunata iskay chunka watayuqmanta hanayman.

Esdras 5:2

Chaymi Salatielpa churin Zorobabelwan Josadacpa churin Josué, kaqllamanta Jerusalenpi Tayta Diospa templon ruwayta qallaykurqaku, paykunatam llapa profetakunapas yanaparqaku.

Esdras 9:1

Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Esdras 9:2

Paykunapas churinkupas chay nacionniyuq runakunapa warmi churinkunawanmi casarakurunku, chaynapim Diospa llaqtan huklaw llaqtayuq runakunawan chaqrukurunku. Kamachikuqkunawan gobernadorkunaraqmi puntataqa chay hucha ruwaytaqa qallaykurqaku, nispanku.

Nehemías 12:10

Jesuam karqa Joiacimpa taytan, Joiacimñataqmi Eliasibpa, Eliasibñataqmi Joiadapa.

Nehemías 13:28

Sacerdote Eliasibpa churin Joiadapa huknin churintam, Horón llaqtayuq Sanbalatpa masan kasqanrayku ladoymanta qarqorurqani.

Nehemías 8:4

Chay huñunakuypaqmi tablakunamanta huk tabladillota ruwarqaku, chaypa hawanpim Esdras sayarqa, alleq lawninpim sayarqaku Matatías, Sema, Anías, Urías, Hilcías hinaspa Maasías, ichoq lawninpiñataqmi sayarqaku Pedaías, Misael, Malquías, Hasum, Hasbadana, Zacarías hinaspa Mesulam.

Nehemías 8:7

Levitakunamanta Josueywan Bani, Serebías, Jamín, Acub, Sabetai, Hodías, Maasías, Kelita, Azarías, Jozabed Hanán hinaspa Pelaiañataqmi Diospa kamachikuyninta llapa runakunapa rimayninman tikraspa sumaqta entiendechirqaku. Llapa Runakuna maymi kasqankupi qasillalla sayaptinkum

Jeremías 23:10

Kay nacionqa waqllikuq runakunapa huntasqanmi kachkan, ñakasqa kasqankuraykum allpapas llakisqa kachkan, chunniqpi pastokunapas chakisqam kachkan, chay profetakunaqa mana allinkuna ruwaypim kallpakachanku, atiyniyuq kasqankupas mana allinkuna ruwanallankupaqmi.

Jeremías 23:11

Ñoqa Tayta Diosmi kaynata nini: Profetakunawan sacerdotekunapas millay runakunam, wasiypipunim mana allinkuna ruwachkaqta tarini.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Ezequiel 44:22

Payqa amam viudawanpas nitaq qosanmanta rakikuruq warmiwanpas casarakunqachu, casarakunqaqa Israelmanta kaq manaraq qari reqsiq sipaswanmi, otaq hukkaqnin sacerdotepa viudanwanmi.

Levítico 21:7

Chuchumika warmiwanqa, abusasqa warmiwanqa otaq qosanpa saqesqan warmiwanqa amam casarakunqakuchu. Sacerdotekunaqa ñoqallapaqña sapaqchasqam kananku.

Hageo 1:1

Rey Darío iskay wataña munaychakuchkaptinmi soqta kaq killapa punta kaq punchawninpi, profeta Hageontakama Tayta Dios rimapayarqa, Judapa kamachiqnin, Salatielpa churin Zorobabelta, chaynallataq Josadacpa churin sumo sacerdote Josueytapas.

Hageo 1:12

Hinaptinmi profeta Hageoman Tayta Diospa nisqanta imam kaqta uyariykuspanku, Salatielpa churin Zorobabelwan, Josadacpa churin sumo sacerdote Josué, chaynallataq puchuq runakunapas, Tayta Diosta kasukurqaku.

Hageo 2:4

Chaynaqa, Tayta Diosmi nin: “Zoro-babel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.

Zacarías 3:1

Chaymantam sumo sacerdote Josueyta visionpi rikurqani, Tayta Diospa angelninpa ñawpaqninpi sayachkaqta. Josueypa alleq lawninpiñataqmi Satanás sayachkasqa acusananpaq.

Zacarías 6:11

Chay qori-qollqe huñusqaykiwanmi coronakunata ruwanki, hinaspam Josadacpa churin sumo sacerdote Josueyta hukninwan coronachinki.

1~Timoteo 3:11

Warmikunapas kachunku, allin respetanapaq hina, ama cuento qepichu, imamantapas allin yuyaywan kawsakuq hinaspa tukuy imapas ruwayman churaq.