Esdras 10:1 - CHUYA QELLQA La Biblia en Quechua de Ayacucho 2012

¹ Esdrasmi qonqorakuykuspan waqakuywan huchankuta willakuchkarqa Diospa templonpa ñawpaqninpi, hinachkaptinmi Israelpa mirayninkunamanta kaqkuna, qarikunapas, warmikunapas chaynataq warmakunapas paypa kasqanman huñunakaramurqaku, hinaspam sinchillataña waqakurqaku.

Quechua Ayacucho Bible 1987

¹ Diospa templonpa ñawpaqninpi qonqoranpa Esdras mañakuchkaptinmi chaynataq waqaspa huchankunata willakuchkaptinmi payman huñunakamurqa Israel castakunamanta achka-achka runakuna, qarikuna, warmikuna chaynataq warmakunapas, paykunam llakikuyllawanña waqarqaku.

Chuya Qellqa 1992

¹ Esdrasmi qonqorakuykuspan waqakuywan huchankuta willakuchkarqa Diospa templonpa ñawpaqninpi, hinachkaptinmi Israelpa mirayninkunamanta kaqkuna, qarikunapas, warmikunapas chaynataq warmakunapas paypa kasqanman huñunakaramurqaku, hinaspam sinchillataña waqakurqaku.

Esdras 10:1 Iomraidhean Croise

1~Reyes 8:30

Kay serviqnikipa chaynataq Israelpa mirayninkunapa mañakusqaykutayá uyariykullawayku. Kay wasikimanta mañakamuptiykumá hanaq pacha wasikimanta uyariykamullawankiku hinaspa pampachaykullawankiku.

1~Reyes 9:3

Hinaspanmi nirqa: Mañakuwasqaykitawan qayakuwasqaykitam uyariykuni. Kay templo ruwasqaykitam ñoqapaq sapaqcharuni chaypi wiñaypaq sutiyta reqsichinaypaq, sapa punchawmi nanachikuspay waqaychasaq.

2~Crónicas 20:13

Judá runakunañataqmi warmintinkama, churintinkama taksa wawakunapas, Tayta Diospa qayllanpi sayarqaku.

2~Crónicas 20:9

Sichum ñoqaykuman hamunqa ima ñakariypas chaynataq wañuchinakuypas, peste onqoypas chaynataq yarqaypas, kay templopi kasqaykiraykum ñawpaqnikiman asuykamusaqku, sasachakuyniykupi qayakamuptiykum uyariykuspa salvaykuwankiku, nispanku.

Esdras 10:6

Esdrasmi Diospa templonmanta lloqsispan Eliasibpa churin Johananpa cuartonman chayarurqa, chaypim tukuy tuta mana mikurqachu nitaq yakutapas tomarqachu, preso kasqankumanta kutimuqkunapa huchankunawan llumpay llakisqa kasqanrayku.

Nehemías 1:4

Chaykunata uyarispaymi tiyaykuspay waqarqani, achka punchawmi llakisqa karqani, hinaspaymi ayunaspay hanaq pachapi Tayta Diosta

Nehemías 1:6

Israel llaqtaykipaq kay serviqnikipa tuta punchaw qayakamusqantayá uyariykamullaway, qampa contraykipi Israel runaykikuna huchallikusqaykutam kunan willakamullayki, ñoqapas aylluykunawan kuskam huchallikuruniku.

Nehemías 10:28

Wakin runakunapas, sacerdote-kunapas, levitakunapas, punku nanachi-kuqkunapas, takiqkunapas, templopi servikuqkunapas chaynataq Diospa yachakuynintaña cumplinankupaq chay-lawpi runakunamanta sapaqchakuqkunapas warmintin hinaspa yuyayniyuq churinkunapiwanmi,

Nehemías 8:9

Hinaptinmi Diospa kamachikuyninta uyarispanku llapa runakuna waqakurqaku, chaymi gobernador Nehemiaswan sacerdote Esdras hinaspa levitakuna, llapa runakunata kaynata nirqaku: Amayá llakikuychikchu nitaq waqay-chikchu, kunanqa yupaychasqanchik Tayta Diospaq sapaqchasqa punchawmi, nispanku.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Daniel 9:20

Tayta Diosta mañakuspay huchay-kunatapas hinaspa llaqtamasiyku-napa huchantapas hinallaraq willa-kuchkaptiymi, sapaqchakusqan moqorayku mañakuchkaptiymi,

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 3:6

Chaymi huchankuta reqsikuspa willakuptinku, Juanñataq Jordán mayupi bautizaq.

Lucas 19:41

Jerusalenman hichpaykuspanmi, llaqtata qawarispan Jesús waqarqa:

Hechos 10:30

Chaymi Cornelioñataq nirqa: Tawa punchaw qepatam, kunan hina yaqa kimsa hora tardeykuyta kay wasiypi Diosta mañakuchkaptiy, suma-sumaq kancharichkaq pachayuq runa rikuriykuwarqa.

Hechos 21:5

Chay qanchis punchaw pasaruptinmi lloqsirqaniku, hinaptinmi lliw iñiqkuna warmipas qaripas warmakunapas llaqtapa patankama qatiwarqaku aviawanankupaq, chaymi lamar qochapa patanpi qonqorakuykuspa Diosta mañakurqaniku.

Romanos 9:2

Llumpa-llumpay llakisqam kachkani, sonqoypas tukuy tiempom nanasqa kachkan,

Deuteronomio 31:12

Llapallan runakunatam huñunkichik: Qaritapas, warmitapas, wawakunatapas chaynataq qamkunawan yachaq huklaw llaqtayuqkunatapas; chaynapi leesqanku yachachikuykunata uyarispanku Tayta Diosta manchakunankupaq hinaspa kay yachachikuykunata kasukunankupaq.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

Josué 8:35

Moisespa kamachisqan kaqkunataqa lliwtam Josué leerqa. Chaykunataqa leerqa llapallan Israel castakunapa qayllanpim, qarikunapa, warmikunapa, warmakunapa hinaspa paykunawan yachaq huklaw llaqtayuqkunapa qayllanpim.