Esdras 1:4 - CHUYA QELLQA La Biblia en Quechua de Ayacucho 2012

⁴ Judiokunamanta maymi yachasqankupi qepaqkunatañataqmi kamachini haykam riqkunata qoriwan, qollqewan, imapas kapuqninkuwan hinaspa animalkunawan yanapanankupaq; kamachinitaqmi Jerusalenpi Tayta Diospa templonpaq sonqonkumanta ofrendakunata qonankupaqpas, nispa.

Quechua Ayacucho Bible 1987

⁴ Maypim *f**yachasqankupi Tayta Diospa runankunamanta llapallan puchuqkunayá yanapachunku riy munaq runakunata, yanapachunkuyá qori-qollqewan, imapas kapuqninkuwan, animalkunawan hinaspa munasqankuman hina Jerusalen llaqtapi kaq Diospa templonpaq ofrendakunawan.

Chuya Qellqa 1992

⁴ Judiokunamanta maymi yachasqankupi qepaqkunatañataqmi kamachini haykam riqkunata qoriwan, qollqewan, imapas kapuqninkuwan hinaspa animalkunawan yanapanankupaq; kamachinitaqmi Jerusalenpi Tayta Diospa templonpaq sonqonkumanta ofrendakunata qonankupaqpas.

Esdras 1:4 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

1~Crónicas 29:3

Tukuy ima alistasqaymantapas, Diosniypa templonta kuyasqayraykum kikiypa kaqmantapas qoni: Qorita, qollqeta,

1~Crónicas 29:9

Chay qosqankuwanmi llapa runakuna kusikurqaku, tukuy sonqomanta Tayta Diosman qosqankurayku, rey Davidpas anchatam kusikurqa.

2~Crónicas 31:14

Leví ayllumanta kaq Imnapa churin Coreyñataqmi intipa qespimunan lawpi kaq punku waqaychaq karqa, paymi nanachikurqa Diospaq kikinkumanta apamusqanku ofrendakunata, hina paytaqmi rakinarqa Tayta Diospaq apamusqanku ofrendakunatawan Diosllapaqña sapaqchasqa kaqkunatapas.

Esdras 1:3

Chaynaqa, qamkuna ukupi pipas Tayta Diospa llaqtan kaspaqa, Judá nacionpi kaq Jerusalenman kutichun, Tayta Diosmi paywan kanqa, hinaspayá Israelpa yupaychasqan Tayta Diospa templonta hatarichimuchun, payqa Jerusalén llaqtapim yachakun.

Esdras 1:5

Jerusalén llaqtapi Tayta Diospa templon ruwaq rinankupaqmi Judá ayllupa chaynataq Benjamín ayllupa kamachiqninkunawan sacerdotekuna hinaspa levitakuna hatarirqaku, hatarirqakutaqmi haykam Tayta Diospa sonqochasqan runakunapas paykunawan rinankupaq.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Éxodo 35:29

Israelpa mirayninkunam, qaripas warmipas tukuy sonqonkumanta llapa imata apamurqaku, Moisesta Tayta Diospa kamachisqanman hina ruwanankupaq. Tayta Diosmami Tukuy sonqomanta ofrendankuta apamurqaku.

Isaías 10:21

Jacobpa castanmanta as puchuqkunallam Atiyniyuq Diosman kutirikunqaku.

Hechos 24:17

Unay watakunamantañam nacionniyman kutirqani wakcha judiokuna yanapanaypaq qollqeta apaspay chaynataq Diosmanpas ofrendaykunata qonaypaq.

Gálatas 6:2

Ima sasachakuynikichik kaptinpas yanapanakuspayá, Jesucristopa kamachikuyninta ruwayman churaychik.