Esdras 1:2 - CHUYA QELLQA La Biblia en Quechua de Ayacucho 2012

² Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Quechua Ayacucho Bible 1987

² Persia nacionpi ñoqa Rey Cirom kaynata nini: Hanaq pachapi Tayta Diosmi qowarqa kay pachapi nacionkunata hinaspam kamachiwarqa Juda lawpi kaq Jerusalen llaqtapi templota hatarichipunaypaq.

Chuya Qellqa 1992

² Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Esdras 1:2 Iomraidhean Croise

1~Reyes 8:27

Ichaqa Dios Taytalláy, ¿cheqaptachu kay pachapi qam yachawaq? Cielokunapas hatu-hatun kachkaspapas manam kamasunkimanchu, chaynaqa ¿imaynataq kay wasi ruwasqaypiqa yachawaq?

2~Crónicas 2:12

Kay pachatapas hanaq pachatapas unanchaq Israelpa Diosninyá yupaychasqa kachun. Paymi rey Davidman qoykurqa yachaysapa, allin tanteoyuq, allin yuyayniyuq churita, chaynapi Tayta Diospa templontawan yachanan palaciota ruwananpaq.

Esdras 1:5

Jerusalén llaqtapi Tayta Diospa templon ruwaq rinankupaqmi Judá ayllupa chaynataq Benjamín ayllupa kamachiqninkunawan sacerdotekuna hinaspa levitakuna hatarirqaku, hatarirqakutaqmi haykam Tayta Diospa sonqochasqan runakunapas paykunawan rinankupaq.

Esdras 3:7

Hinaptinmi albañilkunamanwan carpinterokunaman qollqeta qorqaku; Sidón hinaspa Tiro llaqtayuqkunamanpas mikuyta, vinota hinaspa aceitetam qorqaku, chaynapi Líbano montemantaraq lamar qochanta Jope llaqtakama cedro qerukunata apamunankupaq. Chaytaqa ruwarqaku Persia nacionpa reynin Ciropa kamachikusqanman hinam.

Esdras 4:3

Chaymi Zorobabelwan Josué hinaspa Israel ayllukunapi kamachikuqkuna nirqaku: Qamkunawanqa manam huklla wakuy-mankuchu Diosniykupa templon hatarichinaykupaqqa. Israelpa yupaychasqan Tayta Diospa templontaqa ñoqallaykum hatarichisaqku, imaynam Persia nacionpa reynin Ciropa kamachimuwasqankuman hina, nispanku.

Esdras 5:15

Sesbasartam rey Ciro kamachirqa: Jerusalenman rispaykiyá Tayta Diospa templonta musoqmanta maymi kasqanpi hatarichimuy, hinaspayá chay temploman kay serviciokunata churamuy, nispa.

Esdras 6:10

Chaynapi hanaq pachapi munaychakuq Diosman sacrificiokunata ofrecespa allin kanaypaq chaynataq churiykunapaqpas Tayta Diosta mañakunankupaq.

Esdras 6:3

Rey Ciropa munaychakuyta qallarisqan watapim kikin rey Ciro kaynata kamachikurqa: Tayta Diospa Jerusalenpi templonmantam kaynata nini: Cimientonkunata churaspayá perqankunapas musoqmanta hatarichisqa kachun, chaypi Tayta Diospaq lliw kañana sacrificiokunata ofrecenankupaq. Sayayninmi kanqa iskay chunka qanchisniyuq metro, anchonñataqmi iskay chunka qanchisniyuq metro.

Esdras 7:12

Reykunapa reynin ñoqa Arta-jerjesmi rimaykamuyki qam sacerdote Esdrasta, qamqa kanki hanaq pachapi munaychakuq Diospa leynin yachachikuqmi, hawkayay qanwan kachun.

Nehemías 1:4

Chaykunata uyarispaymi tiyaykuspay waqarqani, achka punchawmi llakisqa karqani, hinaspaymi ayunaspay hanaq pachapi Tayta Diosta

Nehemías 1:5

kaynata mañakurqani: Hanaq pachapi munaychakuq Diosnilláy, qamqa hatun manchakuypaq Diosmi kanki, pacto ruwasqaykita mana qonqaqmi kanki, kuyasuspayki kamachisqaykikuna kasukuqtaqa kuyapayaqmi kanki.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Isaías 41:2

¿Pitaq intipa qespimunan lawmanta imapipas allinllaña lloqsiq reyta hatarichimurqa? ¿Pitaq nacionkunatapas reynintinta payman hapiykachirqa? Chay reymi paykunapi munaychakuspa espadanwan polvota hina ruwarunqa, flechana arconwan ñuturuspam wayrapa apanan qopata hina cheqechinqa.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Isaías 45:1

Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Isaías 66:1

Tayta Diosmi kaynata nin: Hanaq pachaqa tiyanay tronoymi, kay pachañataqmi sarupakunay. ¿Maypitaq wasita ruwapuwankichikman? ¿Maypitaq samarinaypaq allichapuwankichikman?

Jeremías 10:11

Israelpa mirayninkuna, chay mana reqsiwaqniy nacionkunata kaynata nimuychik: Kay pachatawan hanaq pachata mana unanchaq dioskunaqa, kay pachamantam chinkachisqa kanqaku, manam mayqanninpas puchunqachu, nispaykichik.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 29:10

Tayta Diosmi kaynata nin: Babilonia nacionpi qanchis chunka wataña karup-tikichikmi, prometesqayman hina kuyapayakuyniyta qamkunaman chayachimusaq, hinaspam Jerusalén llaqtaman kutichimusqaykichik.

Daniel 1:21

Chaynapim Danielqa servikurqa rey Ciro munaychakuyta qallarisqan watakama.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Daniel 2:28

Ichaqa kachkanmi hanaq pachapi Dios, payllam kayna pakasqa kaqkunataqa reqsichin, hinaspam qanmanpas reynilláy Nabucodonosor hamuq punchawkunapi imam pasakunanmanta reqsichisunki. Ñoqam mosqoynikipi visión chaskisqaykita willasqayki.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Daniel 6:25

Chaymi rey Darío huk cartata llaqtakunaman, nacionkunaman, tukuy rikchaq rimayniyuqkunaman kayna niqta apachirqa: Ñoqa rey Dariom munachkani hawkalla tarikunaykichikta.

Jonás 1:9

Hinaptinmi Jonás willakurqa: Ñoqaqa hebreo castam kani, lamar qochatapas chaynataq allpa pachatapas unanchaq Tayta Diostam yupaychani, nispan.