Efesios 6:4 - CHUYA QELLQA La Biblia en Quechua de Ayacucho 2012

⁴ Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Quechua Ayacucho Bible 1987

⁴ Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Chuya Qellqa 1992

⁴ Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Efesios 6:4 Iomraidhean Croise

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

1~Crónicas 29:19

Churiy Salomonmanpas allin sonqotayá qoykuy, chaynapi kamachikuynikikunata decretoykikunata, yachachikuynikikunata kasukuspan kay alistasqay kaqkunawan temploykita ruwananpaq, nispa.

Proverbios 19:18

Warmaykitaqa manaraq imamanpas chayaruchkaptinyá corregiykuy, wañuyman chayaruptin ama ñakakunaykipaq.

Proverbios 22:15

Mana allinkuna ruwayqa warmakunapa sonqonpim tarikun, ichaqa latigowanmi corregikunqa.

Proverbios 22:6

Warmataqa imaynam kawsanantayá yachachiy, yuyaqña kaspapas chay yachasqanmantaqa manam sapaqchakunqachu.

Proverbios 29:15

Qaqchakuywan azoteqa yachaytam qokun, munaysapa warmam ichaqa mamanta penqayman churan.

Proverbios 29:17

Churikita corregispaykiqa hawka kawsakuytawan kusikuytam tarinki.

Isaías 38:19

Kawsaqkunam ichaqa yupaychasunki imaynam kunan yupaychamusqayta hina. Hapipakunapaq kaynikimantam churinkuman taytan yachachin.

Efesios 6:3

chaynapi allin kanaykipaq hinaspa kay pachapi unay wata kawsanaykipaq.

Deuteronomio 4:9

Amam ima rikumusqaykichikman-tapas qonqarunkichikchu, kawsanaykichikkamaqa amam sonqoykichikmantapas chinkarachinkichikchu, chay-kunataqa churikichikkunamanpas willkaykichikkunamanpas yachachinkichikmi.

Deuteronomio 6:7

hinaspam churikikunaman sapa kutilla yachachinki wasipi kaspa, ñanpi purispa, puñuq yaykuspa chaynataq hatarispaykipas.

Colosenses 3:21

Tayta-mamakuna, ama piñachiychikchu wawa-churikichikta chaynapi ama hukmanyarunankupaq.

2~Timoteo 1:5

Cheqap iñiyniyuq kasqaykitam yuyarini, abuelayki Loidawan mamayki Eunicepas ñawpaqmantaraqmi iñiyniyuq karqaku, chaymi confiakuchkani qampas chayna iñiyniyuq kasqaykimanta.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Jueces 13:12

Hinaptinmi Manoa nirqa: Nisqaykikuna cumplikuptinqa, ¿imaynatataq chay wawata uywasaqku? ¿Imatataq chay wawa ruwanqa? nispa.