Efesios 6:20 - CHUYA QELLQA La Biblia en Quechua de Ayacucho 2012

²⁰ Cristopa rantinpi hamusqayraykum cadenakunawan presochasqa kachkani. Chaynaqa, mañapuwaychikyá mana manchakuspay willakunaypaq.

Quechua Ayacucho Bible 1987

²⁰ Cristopa rantinpi hamusqayraykum cadenakunawan presochasqa kachkani. Chaynaqa mañapuwaychikyá mana manchakuspay willakunaypaq.

Chuya Qellqa 1992

²⁰ Cristopa rantinpi hamusqayraykum cadenakunawan presochasqa kachkani. Chaynaqa, mañapuwaychikyá mana manchakuspay willakunaypaq.

Efesios 6:20 Iomraidhean Croise

Proverbios 13:17

Mana allin willakuq runaqa sasachakuytam apamun, imam kaqta willakuq runam ichaqa hampi hina.

Isaías 33:7

Mana manchakuq allinnin qari-qarikunapa callekunapi qaparkachasqantayá uyariychik, hawkayayta apamuqkunapa waqasqantayá uyariychik.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 1:17

Chaynaqa, weqawnikita allinta wataykuspa riy, lliw kamachisqaykunata paykunaman willamuy. Ama paykunataqa manchakuychu, mana chayqa, paykunapa qayllanpim katkatatarachisqayki.

Jeremías 40:1

Rey waqaychaq soldadokunapa kamachiqnin Nabuzaradanmi, Jeremiasta preso kasqanmanta Ramá llaqtapi kachaykurqa. Nabuzaradanmi Jeremiasta tarirurqa Jerusalenmanta chaynataq Judamanta Babiloniaman preso apasqakunawan kuska cadenasqa richkaqta. Chaypa qepallantam Jeremiasta Tayta Dios rimapayarqa.

Hechos 21:33

Soldadokunapa kamachiqninñataqmi asuykuspan Pablota presocharurqa, hinaspam iskay cadenawan watanankupaq kamachirqa, chaymantam tapurqa pim kasqanta, hinaspa imatam ruwarusqanta.

Hechos 26:29

Hinaptinmi Pablo nirqa: Asllamanta otaq achkamanta kaspapas Diosyá munachun ama qamllachu, aswanqa kaypi lliw uyariqniykunapas Cristoman ñoqa hina iñikunaykichikta, ichaqa amayá ñoqa hina cadenasqachu, nispa.

Hechos 28:20

Chaynapim qayachimurqaykichik qamkunawan tupaykuptinchik willanaypaq. Israel miraykunapa suyasqanku hamurusqanmanta willasqayraykum kay cadenawan watasqa kachkani.

Hechos 28:31

Mana manchakuspanmi Diospa munaychakuyninmanta willakuq, pipapas mana harkakusqanmi Señor Jesucristomanta yachachiq.

Hechos 5:29

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.

2~Corintios 3:12

Confianzawan suyasqaykuraykum mana manchakuspa willakuniku.

2~Corintios 5:20

Chaynaqa, Cristopa rantinpi willakunaykupaq churasqam kaniku, Diosmi ñoqaykutakama qamkunaman rimapayasunkichik. Cristopa sutinpim ruegakuykiku Dioswan allinyanakunaykichikpaq.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Efesios 6:19

ñoqapaqpas mañakuychiktaqyá palabranta Tayta Dios qomuwanapaq, chaynapi simiyta kicharispay mana manchakuywan pakasqa allin noticiata willakunaypaq.

Filipenses 1:20

Tukuy sonqoywanmi Diosman hapi-pakuchkani imamantapas mana pen-qachiwanankupaq hinaspa mana manchakuspa rimanaypaq, chaynapim ñawpaq tiempopi hina kunan tiempopipas, wañuptiypas otaq kawsaptiypas Jesucristoqa cuerpoypi hatunchasqa kanqa.

Filipenses 1:7

Qamkunamanta kayna piensayniyqa allinmi, qamkunatam sonqoypi apay-kichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Colosenses 4:3

Mañakuychiktaqyá ñoqaykupaqpas, punkuta Señorninchik kichananpaq, chaynapi Cristomanta pakasqa allin noticianta willakamunaykupaq, chayraykum ñoqapas preso kachkani.

Colosenses 4:4

Chaynataqyá Diosta mañakuychik imam kaqta paymanta willakunaypaq.

1~Tesalonicenses 2:2

Yachan-kichiktaqmi Filipos llaqtapi kamisqa, ñakarichisqa kachkaptiykupas Dios-ninchik kallpanchawasqankutapas, chay-mi mana manchakuspayku Diosmanta allin noticiata willarqaykiku, willarqaykikum achkallaña runakuna contraykupi sayarichkaptinkupas.

2~Timoteo 1:16

Onesi-foropa aylluntayá Señorninchik llakipa-yariykuchun, paymi achka kutipi kall-panchaykuwarqa, manataqmi preso kasqaywanpas penqakurqachu.

2~Timoteo 2:9

chayraykum ñakariykunata aguantani, runa wañu-chiqta hinam cadenaruwanku, Diospa palabranmi ichaqa mana cadenasqachu kachkan.

Filemón 1:10

churiy Onesimopaq ruegakamuyki, payqa carcelpi kaspa iñichisqaymi.

Filemón 1:9

ichaqa kuyakuywanmi ruegakamuyki. Ñoqa Pabloqa machuñam kani, kunanñataqmi Jesucristorayku preso kaspay

1~Juan 3:16

Kaywanmi yachanchik imaynam kuyakuy kasqanta, Jesucristom vidanta qorqa ñoqanchikrayku, chaynam ñoqanchikpas runamasinchikrayku vidanchikta qonanchik.

Judas 1:3

Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik.