Efesios 6:18 - CHUYA QELLQA La Biblia en Quechua de Ayacucho 2012

¹⁸ Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Quechua Ayacucho Bible 1987

¹⁸ Chuya Espiritupa yanapakuyninwan Diosninchikta tukuy tiempo mañakuspayá ruegakuychik hinaspa listolla kaychik, ama hukmanyaspayá llapallan iñiqkunapaqpas Diosta mañapuychik.

Chuya Qellqa 1992

¹⁸ Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Efesios 6:18 Iomraidhean Croise

1~Reyes 8:52

Kay serviqnikipa mañakuynintawan Israel runaykikunapa qayakuynintayá uyariy-kuy. Dios Taytallayku qamllatam qayakamullaykiku.

1~Reyes 8:54

Tayta Diospa altarninpa ñawpaqninpi altoman makinkunata hoqarispa qonqoranpa mañakusqanta tukuruspanmi Salomón sayarirurqa.

1~Reyes 8:59

Kay mañakusqayyá Señorninchik Tayta Diospa qayllanpi tuta punchaw kachun, chaynapi kay serviqninpaqpas chaynataq Israelpa mirayninkunapaqpas sapa punchaw necesitasqankuman hina allin arreglota ruwananpaq.

1~Reyes 9:3

Hinaspanmi nirqa: Mañakuwasqaykitawan qayakuwasqaykitam uyariykuni. Kay templo ruwasqaykitam ñoqapaq sapaqcharuni chaypi wiñaypaq sutiyta reqsichinaypaq, sapa punchawmi nanachikuspay waqaychasaq.

Ester 4:8

Qorqataqmi judío runakuna chinkachisqa kanankupaq Susa llaqtapi cheqechisqanku decretopa copiantapas, chaynapi Esterpas yachananpaq. Kunarqataqmi reyman asuykuspa castankunapa favorninpi mañakunanpaqpas.

Jobwan Sutichasqa Libro 27:10

Payqa manam Tukuy Atiyniyuq Diospipas kusikuyta tarinchu, Diostapas payqa manam sapa punchawchu qayakun.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Daniel 6:10

Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Daniel 9:20

Tayta Diosta mañakuspay huchay-kunatapas hinaspa llaqtamasiyku-napa huchantapas hinallaraq willa-kuchkaptiymi, sapaqchakusqan moqorayku mañakuchkaptiymi,

Oseas 12:4

Angelwan peleaspam kallpanman hina vencerurqa, bendeciykunanpaqmi weqenwan mañakurqa, Diospas Bet-elpi tariruspanmi payta rimapayarqa.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 17:21

[Kayna demoniotaqa ayunaspa hinaspa Diosta mañakuspallam qarqona], nispa.

Mateo 26:41

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, cuerpoykichikmi ichaqa mana kallpayuq kachkan, nispa.

Marcos 13:33

Chaynaqa, rikchan-rikchanlla kaspayá Diosta mañakuychik, manam yachankichikchu haykapim kutimunayta.

Marcos 14:38

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, aychaykichikmi ichaqa mana kallpayuq kachkan, nispa.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Lucas 22:46

Chaymi paykunata nirqa: ¿Imanasqataq puñuchkankichik? Hatariychik, Diosta mañakuychik tentacionman ama wichinaykichikpaq, nispa.

Lucas 3:26

Nagaiñataqmi Maatpa, Maatñataqmi Matatiaspa, Matatiasñataqmi Semeipa, Semeiñataqmi Joseypa, Joseyñataqmi Judapa,

Lucas 3:37

Lamecñataqmi Matusalenpa, Matu-salenñataqmi Enocpa, Enocñataqmi Jaredpa, Jaredñataqmi Mahalaleelpa, Mahalaleelñataqmi Cainanpa,

Hechos 1:14

Paykunam llapanku huñunakuqku huk sonqolla Diosta mañakunankupaq. Chaypitaqmi kachkarqa Jesuspa wawqenkunapas, maman Mariapas chaynataq wakin warmikunapas.

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 12:5

Chaynapim Pedroqa carcelpi allin cuidasqa karqa, llapa iñiqkunañataqmi paypaq tukuy sonqonkuwan Diosta mañakurqaku.

Hechos 6:4

Ñoqaykuñataqmi Dios mañakuytawan palabran yachachiyta ñawpaqman apasaqku, nispanku.

Romanos 12:12

suyasqaykichikpiyá kusikuychik, ñakarispapas pacienciakuychik, tukuy tiempo Diosta mañakuychik.

Romanos 8:15

Qam-kunaqa manam esclavo kanaykichikpaq espiritutachu chaskirqankichik huktawan manchakuypi kanaykichikpaqqa, aswanqa Diospa churinña kanaykichikpaq Espiritutam chaskirqankichik, chayraykum Diostapas: “Abba Padre” nispa ninchik.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Efesios 1:16

Chaymi mañakuyniykunapi tukuy tiempo qamkunamanta Diosman graciasta qoni.

Efesios 2:22

Cristopim qamkunapas perqasqa hina paywan hukllawasqa kachkankichik, chaypim Diosqa Espirituntakama yachachkan.

Efesios 3:18

Chaynapim llapallan iñiqkunawan kuska Cristopa kuyawasqanchikta yachankichik, mayna anchom, mayna largom, mayna ukum hinaspa mayna hatun kasqanta.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Efesios 6:19

ñoqapaqpas mañakuychiktaqyá palabranta Tayta Dios qomuwanapaq, chaynapi simiyta kicharispay mana manchakuywan pakasqa allin noticiata willakunaypaq.

Filipenses 1:4

Orakuspaymi kusikuywan tukuy tiempo llapallaykichikpaq Diosta mañakuchkani,

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Colosenses 1:3

Qamkunapaq Diosta mañakuspaykum Señorninchik Jesucristopa Taytan Diosninchikman graciasta qoniku.

Colosenses 1:4

Jesucristopi iñiyniyuq kasqaykichikmantawan iñiqkuna kuyasqaykichikmantam uyarirqaniku,

Colosenses 4:2

Ama pisipaspayá Diosta mañakuychik, rikchan-rikchanlla kaspayá graciasta qoychik.

1~Tesalonicenses 5:17

Diostayá tukuy tiempo mañakuychik.

1~Timoteo 2:1

Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik.

2~Timoteo 1:3

Tuta punchawmi qanmanta yuyarispay mañakuyniypi Diosman graciasta qoni, paytam chuya sonqolla servichkani ñawpaq taytaykuna hina.

Filemón 1:5

Qanmantam uyarini Señorninchik Jesucristo kuyasqaykita hinaspa paypi hapipakusqaykita, chaynallataq iñiqmasinchikkuna kuyasqaykitapas.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

Judas 1:20

Kuyasqay wawqe-panillaykuna, qamkunayá ichaqa chuyay-chuyay iñiynikichikpi wiñaychik, Chuya Espiritupa yanapakuyninwanyá Diosta mañakuychik.

1~Samuel 1:12

Chaynata Diospa qayllanpi Ana mañakuptinmi paypa siminta sacerdote Elí qawarqa.