Efesios 6:13 - CHUYA QELLQA La Biblia en Quechua de Ayacucho 2012

¹³ Chaynaqa, Diospa qosusqaykichik llapallan armankunawanyá pachallikuychik, chaynapi urmachiy munasusqaykichik punchawpi allinta takyanaykichikpaq hinaspa lliwta venceruspaykichik qaqa hina sayanaykichikpaq.

Quechua Ayacucho Bible 1987

¹³ Chaynaqa harkachikunaykichikpaqyá Diospa qosusqaykichik llapallan armankunata hapiychik, chaynapim urmachiy munasusqaykichik punchawpi mana allinta venceruspaykichik qaqa hina sayankichik.

Chuya Qellqa 1992

¹³ Chaynaqa, Diospa qosusqaykichik llapallan armankunawanyá pachallikuychik, chaynapi urmachiy munasusqaykichik punchawpi allinta takyanaykichikpaq hinaspa lliwta venceruspaykichik qaqa hina sayanaykichikpaq.

Efesios 6:13 Iomraidhean Croise

Eclesiastés 12:1

Jovenllaraq kaynikipiyá unanchaqnikimanta yuyariy, sasachakuy punchawkuna manaraq chayaramuchkaptin, yanqañataq chayna punchawkuna chayamuptin niwaq: “Manam kusikuyta tariniñachu”, nispa.

Amós 6:3

Qamkunam piensankichik sasachakuy punchawta qamkunamanta asurachiyta, ichaqa aswanraqmi qayaypaq qayachkankichik ñakariy tiempokunata.

Malaquías 3:2

Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Lucas 8:13

Ranraman wichiqñataqmi Diospa palabranta uyariykuspa kusikuyllawanña chaskiqkuna, ichaqa manam sapichakunkuchu. Paykunaqa pisi tiempollapaqmi iñinku, chaynapim sasachakuykuna hamuruptin chaylla kutikunku.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

2~Corintios 10:4

Peleanapaq armaykuqa manataqmi aychaman hina armallachu, aswanqa Diospa atiynin hina armam, chayna armaqa murallasqa llaqtakunatapas tuñirachinmanmi.

Efesios 5:16

Tiempoykichiktapas amayá usuchiychikchu, kay punchawkunaqa mana allinllañam.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

Colosenses 4:12

Rimaykamusunkichiktaqmi Señorninchikta serviq llaqtamasikichik Epafraspas, paymi tukuy tiempo qamkunapaq tukuy sonqonwan Diosta mañakuchkan, Diospa munasqanman hina allinta sayanaykichikpaq, chaynapi ima kaqpipas Diosman hapipakunaykichikpaq.

Santiago 4:7

Chaynaqa, Diostayá kasukuychik. Diablopa contranpi allinta sayaychik, hinaptinqa qamkunamantam ayqekunqa.

1~Pedro 4:1

Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

Apocalipsis 3:10

Pacienciakunaykipaq kamachisqaytam kasuwarqanki, chayraykum ñoqapas hamuq sasachakuykunamanta waqaychasqayki. Chay sasachakuykunaqa hamunqa kay pachapi llapallan runakuna pruebasqa kanankupaqmi.

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.