Efesios 6:11 - CHUYA QELLQA La Biblia en Quechua de Ayacucho 2012

¹¹ Harkachikunaykichikpaq Diospa qosusqaykichik llapallan armakunawan pachallikuychik, chaynapi allinta takyaptikichik, wateqasuqnikichik diablo mana urmachisunaykichikpaq.

Quechua Ayacucho Bible 1987

¹¹ Harkachikunaykichikpaqyá Diospa llapallan qosusqaykichikwan pachakuychik chaynapi wateqasuqnikichik diablo mana urmachisunaykichikpaq.

Chuya Qellqa 1992

¹¹ Harkachikunaykichikpaq Diospa qosusqaykichik llapallan armakunawan pachallikuychik, chaynapi allinta takyaptikichik, wateqasuqnikichik diablo mana urmachisunaykichikpaq.

Efesios 6:11 Iomraidhean Croise

Nehemías 4:13

Chaymi murallapa qepanpi, tuñisqa lawkunapi hinaspa manaraq perqa ancha hatarichisqa lawkunapi runakunata ayllun-ayllun churarqani espadantintakama, lanzantintakama hinaspa flechantintakama.

Marcos 13:22

Cristo tukuqkunawan profeta tukuqkunam rikurimunqaku, hinaspam admirakuypaq milagrokunata ruwaspanku Diospa akllasqan kaqkunatapas engañanqaku.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

Romanos 13:14

Aswanqa Señorninchik Jesucristowan pachallikuychik, aychapa munaynintapas amaña ruwaychikchu.

1~Corintios 10:13

Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

2~Corintios 10:4

Peleanapaq armaykuqa manataqmi aychaman hina armallachu, aswanqa Diospa atiynin hina armam, chayna armaqa murallasqa llaqtakunatapas tuñirachinmanmi.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

2~Corintios 2:11

chaynapi Satanaspas mana vencewananchikpaq, ñoqanchikqa yachanchikmi payqa pantachikuqllaña kasqanta.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

2~Corintios 6:7

cheqapta willakuspayku hinaspa ichoqmanpas alleqmanpas Diospa atiyninwan allin kaqta ruwaspa defiendekuniku.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Efesios 4:24

Hinaspayá musoq runawan pachakuychik, Diosman rikchakuq kanaykichikpaq, chayna runatam Diosqa unancharqa cheqaptapuni mana huchallikuq justo kananpaq.

Efesios 6:13

Chaynaqa, Diospa qosusqaykichik llapallan armankunawanyá pachallikuychik, chaynapi urmachiy munasusqaykichik punchawpi allinta takyanaykichikpaq hinaspa lliwta venceruspaykichik qaqa hina sayanaykichikpaq.

Colosenses 3:10

musoq runa hinañam aswan-aswanraq musoqyachisqa kachkankichik, unanchaqnikichikman rikchakunaykichikpaq, chaynapi payta allinta reqsinaykichikpaq.

1~Tesalonicenses 5:8

Punchawmanta kaqkunaqa cuidakusunchik, soldadopa qasqon harkaqwan churakuq hinayá iñiyninchikwan chaynataq kuyakuyninchikwan harkachikusun, salvasqa kasqanchikyá harkawaqninchik casconchik kachun.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Santiago 4:7

Chaynaqa, Diostayá kasukuychik. Diablopa contranpi allinta sayaychik, hinaptinqa qamkunamantam ayqekunqa.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 2:24

Wakiqnikichik Tiatirapi kaqkunamanñataqmi nikichik: Qamkunaqa Jezabelpa yachachisqantaqa manam kasukurqankichikchu, manataqmi Satanaspa pakasqa hatun yachachikuynin nisqankutapas chaskirqankichikchu. Chaymi qamkunamanqa imapas sasa ruwaytaqa mana kamachisqaykichikchu.

Jueces 3:2

Chayraykum Israelpa mirayninkuna guerrapi peleayta yachanankupaq kay nacionkunata Tayta Dios puchuchirqa: