Efesios 5:8 - CHUYA QELLQA La Biblia en Quechua de Ayacucho 2012

⁸ Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Quechua Ayacucho Bible 1987

⁸ Ñawpaqtaqa tutayaypi hinam purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa allintayá kawsaychik.

Chuya Qellqa 1992

⁸ Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Efesios 5:8 Iomraidhean Croise

Isaías 2:5

Jacobpa mirayninkuna hakuchik, Tayta Diospa kanchayninpiña purisunchik.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Isaías 49:9

presokunatapas: “Lloqsiychik kacharisqam kankichik”, ninaykipaq; Tutayaypi tarikuqkunatapas: “Qawachikuychikña”, ninaykipaq. Ñankunapim mikunankupaq pastota tarinqaku, chunniq orqokunapim pastota tarinqaku, sumaq michisqam kanqaku.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Isaías 9:2

Tutayaypi kawsaqkunam hatun achkiyta rikuykunku, llumpay tutayaypi yachaqkunamanmi achkiy kanchariykun.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Mateo 3:8

Huchaykichikmanta wanakusqaykichikta kawsaynikichikpi qawachikuychik.

Mateo 4:16

Tutayaypi kawsaq llaqtam hatun achkiyta rikurun, wañuypa llantuyninpi kawsaqkunatam achkiy kanchaykun!” nispa.

Lucas 1:79

chaynapi nisyu tutayaypi kaqkunata kancharinanpaq, hinaspa ñoqanchiktapas hawkayay ñanninta pusawananchikpaq, nispan.

Lucas 16:8

Hinaptinmi patronnin chay mana allin ruwaq mayordomopa sakri kaywan ruwasqanta allinpaq hapirqa. Arí, runamasinwan imatapas ruwanankupaqqa kay pachapi runakunam aswan sakri kanku Diospa churinkunamantaqa.

Juan 1:9

Llapa runakunata kanchariq cheqap achkiymi kay pachaman hamurqa.

Juan 12:35

Jesusñataqmi nirqa: Achkiyqa as punchawllapas qamkuna-wanraqmi kanqa, chaynaqa achkiypiyá puriychik qamkunawanraq kachkap-tiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Juan 12:36

Qamkunawanraq achkiy kachkaptinqa achkiymanyá iñiychik, chaynapi achkiypa churinkuna kanaykichikpaq. Kaykunata niruspanmi pasakuspan Jesús paykunamanta pakakururqa.

Juan 12:46

Ñoqa achkiymi kay pachaman hamurqani, chaynapi pipas ñoqapi iñiqqa manaña tutayaypi kananpaq.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Hechos 17:30

Ñawpaq tiempokunapim runakunapa huchallikusqanta Dios pacienciakurqa, kunanmi ichaqa kay pachapi llapallan runakunata huchankumanta wanakunankupaq kamachin.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

Romanos 2:19

Qanmi ñawsakuna pusaqpaq hapikunki, tutayaypi kaqkunapaqpas “achkiymi kani” ninkim.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

2~Corintios 6:14

Amayá kuskanchakuychikchu Señorpi mana iñiqkunawanqa, mana tupaqnintin yunta watarusqa hinam kawaqchik. Allin ruwaqqa manam kuskanchakunmanchu huchallapi puriqkunawanqa, nitaqmi achkiypas kuskanchakunmanchu tutayay-manqa.

Gálatas 5:25

Sichum Chuya Espirituman hina kawsaspaqa, Chuya Espirituman hinataqyá purisunpas.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Efesios 4:18

Paykunaqa yuyayninku tutayasqa kaptinmi mana entiendenkuchu, Diospa qosqan musoq kawsaymantaqa karupim kachkanku, sonqonku rumiyasqa kasqanraykum mana yachayniyuq kachkanku.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

Colosenses 1:13

Diosmi tutayaypa atiyninmanta libraykuwarqanchik, hinaspam kuyasqan Churinpa munaychakusqanmanña churaykuwanchik.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.