Efesios 5:2 - CHUYA QELLQA La Biblia en Quechua de Ayacucho 2012

² Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Quechua Ayacucho Bible 1987

² Cristopa kuyawasqanchikman hinayá kuyanakuspa kawsaychik. Paymi Diosman miski asnaq ofrenda hina ofrecekurqa ñoqanchikrayku wañuspan.

Chuya Qellqa 1992

² Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:2 Iomraidhean Croise

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Éxodo 29:18

Hinaspam altarpa hawanpi lliwchata kañanki, chaytaqa kañanki ñoqa Tayta Diospaq miski asnaq ofrenda kasqanraykum.

Éxodo 29:25

Chaymantam makinkumanta chaskiykuspa lliw kañana aychatawan kuskata altarpa hawanpi kañanki, chaykunaqa ñoqa Tayta Diospaq miski asnaq kasqanrayku. Chayqa ñoqapaq kañasqa ofrendam.

Levítico 1:13

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañaspa ofrecewanqa, chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:17

Sacerdoteñataqmi raprankunamanta hapiykuspan iskayman chitqarunqa, ichaqa amam iskaymanqa rakinarunqachu, hinaspanmi altarpi kañanqa. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:9

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañanqaku. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 3:16

Sacerdotem tukuy chaykunata altarpi kañanqa. Chayqa ñoqapaq kañasqa miski mikuy ofrendam, hinaspapas miskillaña asnariq ofrendam. Llapallan wirakunaqa ñoqa Tayta Diospaqmi.

Amós 5:21

Cheqninim, millakunim yupaychawanaykichikpaq fiestaykichiktapas, hatun huñunakuykuna ruwasqaykichiktapas manam munanichu.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Juan 13:34

Musoq kamachikuytam qoykichik, huknikichikmanta huknikichikkama kuyanakuychik. Imaynam ñoqa kuyaykichik chaynatayá qamkunapas huknikichikmanta huknikichikkama kuyanakuychik.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Romanos 15:16

Jesucristotaqa, servichkani mana judío kaqkunaman Diosmanta allin noticiakunata willakuspaymi, chaynapi paykunata Chuya Espíritu chuyanchaptin allin ofrendata hina Dios chaskinanpaq.

Romanos 4:25

Diospa munasqanman hinam Jesusqa huchanchikrayku wañuspan kawsarimurqa, chaynapi Diospa mana huchayuqpaqña chaskisqan kananchikpaq.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

Romanos 8:37

Astawanqa tukuy kaykunatam vencenchik kuyawaqninchik Señorninchik Jesucristontakama.

1~Corintios 16:14

Kuyakuywanyá tukuy imatapas ruwaychik.

1~Corintios 5:7

Wischuychikyá chay ñawpaq huchallichisuqnikichik levadurata, chaynapi musoq masamanta ruwasqa kanaykichikpaq. Qamkunaqa kankichik Pascua fiestapi mikuna mana levadurayuq tanta hinam. Kikin Cristom chakatasqa wañurqa ñoqanchikrayku, paymi Pascua Corderonchikqa.

2~Corintios 2:14

Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

2~Corintios 2:15

Ñoqanchikqa Diospaqqa Cristopa miskillaña asnariynin hinam kanchik salvasqakuna ukupiqa,

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Efesios 3:19

Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas, chaynapi Dioswan huntasqa kanaykichikpaq.

Efesios 4:15

Aswanqa kuyanakuspayá cheqap kaqta qatispa aswan-aswan Cristoman rikchakuq kananchikkama wiñasun, Cristoqa llapallan iñiqkunapa umanmi.

Efesios 4:2

Chaynaqa, uchuychakuspayá llampu sonqolla hinaspa pacienciakuq kaychik, imamanta pantanakuruspapas kuyakuywanyá aguantanakuychik.

Efesios 5:15

Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Efesios 5:25

Qosakuna, warmikichikta kuyaychik, imaynam Cristopas iñiqkunata kuyaspan paykunarayku vidanta qoykusqanta hina.

Filipenses 4:18

Ñoqaqa puchu-puchutaraqmi chaskiruni. Epafroditowan apachimuwasqaykichikwanmi achkaña kapuwachkan, apachimuwasqaykichikqa karqa Diospaq miski asnaq ofrenda hinam hinaspa paypa agradonpaq kañasqa animal hinam.

Colosenses 3:14

Tukuymanta llalliqtaqa kuyakuywanyá pachallikuychik, kuyanakuymi allin huklla kaytaqa ruwawanchik.

1~Tesalonicenses 4:9

Wawqe-panintin kuyanakuymanta qellqamunaykutaqa manañam nece-sitankichikñachu, Diosqa ñam yachachi-surqankichikña imaynam kuyanakunay-kichikmantaqa.

1~Timoteo 2:6

Paymi llapallanchikta salvawananchikpaq kikinmanta entregakurqa hinaspam rantinchikpi wañupuwarqanchik. Kayku-natam Dios reqsichiwanchik munasqan tiempopi.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 8:3

Llapa Sumo sacerdotekunaqa churasqa karqaku ofrendakunatawan sacrificiokunata Dios-man presentanankupaqmi. Chaynataqmi Cristopapas kan imapas ofrecenanpaq.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

Hebreos 9:23

Hanaq pachapi kaqkunamanmi kay pachapi kaqkunaqa rikchakun. Kay pachapi kaqkunaqa animalpa yawarninwanmi chuyanchasqa kanan karqa. Hanaq pachapi kaqkunam ichaqa aswan allinnin sacrificiowanraq chuyanchasqa kanan karqa.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

1~Pedro 4:8

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.

1~Juan 3:16

Kaywanmi yachanchik imaynam kuyakuy kasqanta, Jesucristom vidanta qorqa ñoqanchikrayku, chaynam ñoqanchikpas runamasinchikrayku vidanchikta qonanchik.

1~Juan 3:23

Kamachiwanchikqa Churin Jesucristoman iñinanchikpaqmi hinaspa kuyanakunanchikpaqmi.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.