Efesios 5:15 - CHUYA QELLQA La Biblia en Quechua de Ayacucho 2012

¹⁵ Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Quechua Ayacucho Bible 1987

¹⁵ Hinaptinqa allintayá qawakuychik imaynam kawsasqaykichikta. Amayá kawsaychikqa mana yachayniyoqkuna hinachu aswanqa yuyayniyoqkuna hinayá.

Chuya Qellqa 1992

¹⁵ Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Efesios 5:15 Iomraidhean Croise

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

Jobwan Sutichasqa Libro 2:10

Hinaptinmi Job nirqa: ¡Mana yuyayniyuq warmikuna hinam rimarunki! Allin kaqkunata Diosmanta chaskichkaspaqa, ¿manachum mana allin kaqkunataqa chaskichwan karqa? nispa. Tukuy chaykuna rimasqanwanpas Jobqa manam huchallikurqachu.

Éxodo 23:13

Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Proverbios 14:8

Yachayniyuq runataqa yachaymi imaynam kawsananta yachachin, mana tanteoyuq runatam ichaqa mana yachayniyuq kaynin pantachin.

Proverbios 15:21

Mana yachayniyuq runaqa pantasqanwanmi kusikun; yachayniyuq runam ichaqa pantaruspanpas allin ñanman kutirikun.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 25:2

Pichqam karqaku allin yachayniyuq sipaskuna, pichqañataqmi mana yachayniyuqkuna.

Mateo 27:24

Hatun chaqwata qawaykuspanmi Pilato mana ima ruwaytapas atirqachu. Chaymi yakuta aparachimuspan runakuna qawachkaptin makinta mayllakururqa, hinaspam nirqa: Kay runapa wañusqanmantaqa manam huchayuqchu kasaq, qamkunam huchayuqqa kankichik, nispa.

Mateo 27:4

kaynata nirqa: Huchallikurunim, mana huchayuq runatam wañuchinaykichikpaq qamkunaman entregaykuykichik, nispan. Chaymi paykunañataq nirqaku: ¿Imataq qokuwanku ñoqaykutaqa? ¡Chayqa qampiñam! nispanku.

Mateo 8:4

Chaymi Jesús nirqa: Amam pimanpas willakunkichu, aswanqa sacerdoteman rispaykim paykunawan qawachikamunki, hinaspam sanoña kasqaykimanta yachanankupaq Moisespa kamachisqanman hina ofrendata qomunki, nispa.

Lucas 24:25

Chaymi Jesusñataq paykunata nirqa: Mana yuyayniyuq runakuna, qamkunaqa profetakunapa willakusqantapas sasallaña creeqmi kankichik.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

Gálatas 3:1

¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Gálatas 3:3

¿Paqway mana yachayniyuqchu rikurirunkichik? Espirituman hina qallarispachu, kunanqa aychaman hinaña tukurunkichik.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:33

Chaynaqa, kikikichikta hinayá warmikichiktapas sapakama kuyaychik, warmiñataqyá qosanta kasukuchun.

Filipenses 1:27

Jesucristomanta allin noticia uyarisqaykichikman hinayá vidaykichik kachun. Watukamuspay otaq maypiña kaspaypas qamkunaman-tam uyariyta munani huk sonqolla qaqa hina sayaspa vencesqaykichikmanta, iñisqaykichik allin noticiata willaku-naykichikpaq kallpanchakusqaykichik-manta hinaspa

Colosenses 1:9

Chaymi yachaykusqayku punchaw-mantapacha ñoqaykupas Dios Tay-tanchikta mana pisipaspa mañapuch-kaykiku, chaynapi imam paypa munas-qanta entiendenaykichikpaq, yachay-niyuq kanaykichikpaq hinaspa Espi-ritumanta kaqkunata lliw reqsinaykichikpaq.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

1~Timoteo 6:9

Apuyaylla munaqkunaqa tentachikuspam trampaman hina mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Santiago 3:13

Qamkuna ukupi yachayniyuq hinaspa allin entiendeq runa kaspaqa allin kawsakuyninwan hinaspa llampu sonqo kayninwanyá yachayniyuq kasqanta reqsichikuchun.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.