Efesios 5:14 - CHUYA QELLQA La Biblia en Quechua de Ayacucho 2012

¹⁴ Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Quechua Ayacucho Bible 1987

¹⁴ Chayraykum ninku: Rikchariy puñusqaykimanta. Kawsarimuy wañusqakunamanta hinaptinmi Cristo achkisunki.

Chuya Qellqa 1992

¹⁴ Chayraykum ninku: “¡Yaw puñuq, puñusqaykimanta rikchariy! wañusqakunamanta kawsarimuy, hinaptinqa Cristom achkiykusunki”, nispanku.

Efesios 5:14 Iomraidhean Croise

Isaías 26:19

Qampi wañukuqkunam kawsarinqaku, ayaykikunam hatarimunqaku. Allpa ukunpi kaqkunam rikcharimuspa kusikuyllawanña qaparinqaku, sullata hinaraq kanchaynikita chayachiptikim wañuqkuna allpa ukumanta hatarimunqaku.

Isaías 51:17

¡Jerusalén llaqta rikchariy, rikcharispa hatariy! Qanmi Tayta Diospa makinmanta piñakuynin copata chaskirunki, sinkanaykikamam upyarunki, tukunaykikamam vasopi kaqta tomarunki.

Isaías 52:1

¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Lucas 1:78

Diosninchikmi kuyapayawaspanchik hanaq pachamanta musoq punchawpa kanchariyninta qoykuwanchik,

Lucas 15:24

Kay churiyqa wañusqañam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa. Chaymi kusikuyllawanña fiesta ruwayta qallaykurqaku.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Juan 9:5

Kay pachapiraq kanaykamaqa runakuna achkiqmi kasaq, nispa.

Hechos 13:47

Señorqa kaynatam kamachiwarqaku: “Diosta mana reqsiqkunapaqmi achkiyta hina churaruyki, chaynapi tukuy hinastinpi kaqkunaman salvaq kasqaymanta willakunaykipaq”, nispa.

Romanos 6:13

Amataqyá mana allinta ruwananpaqqa cuerpoykichiktapas huchamanqa qoychikchu, aswanyá qamkunaqa wañusqamanta kawsarimuq hinaña cuerpoykichikta Diosman qoychik, chaynapi paypa munasqantaña ruwananpaq.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Efesios 2:1

Huchaykichikrayku wañusqa hina kachkaptikichikmi Diosqa kawsarichisurqankichik.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Colosenses 3:1

Sichum Cristowan kawsarichisqa kaspaqa hanaq pachapi, Diospa alleq lawninpi Cristopa tiyasqanpi kaqkunatayá maskaychik.

1~Tesalonicenses 5:6

Chaynaqa, amayá wakinkuna hinachu puñusun, aswanqa rikchan-rikchanllayá kasun.

2~Timoteo 1:10

Kunanmi salvawaqninchik Jesucristopa hamusqanwan kuyawasqanchikta qawaykachiwanchik, paymi wañuypa atiyninta chinkarachin hinaspam allin noticianwan wiñay kawsayta qoykuwanchik.

2~Timoteo 2:26

chaynapi pantaypi kasqankuta reqsikuspanku diablopa presochasqanmanta lluptinankupaq. Paykunaqa diablopa watasqanmi kachkanku paypa munayninta ruwanankupaq.