Efesios 5:11 - CHUYA QELLQA La Biblia en Quechua de Ayacucho 2012

¹¹ Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik.

Quechua Ayacucho Bible 1987

¹¹ Tutayaypi hina kawsaqkunapa mana allin rurasqantaqa amataqyá ruraysiychikchu, aswanqa mana allin rurasqankumantayá qaqchapaychik.

Chuya Qellqa 1992

¹¹ Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik.

Efesios 5:11 Iomraidhean Croise

Génesis 20:16

Saratapas nirqataqmi: Kunanmi chunka hukniyuq kilo parten qollqeta turikiman qoni, chaymi kanqa qanwan llapallan kaqkunapa qayllanpi chaynataq lliwpa qayllanpi honorniki mana penqaypi kananpaq, chaynapi respetasqa kanaykipaq, nispa.

Proverbios 1:10

Churilláy, huchasapakuna engañayta munasuptikiqa ama kasuychu.

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Proverbios 13:18

Yachachikuyta qepanchaq runaqa sasachakuypi wakchayaypim tukunqa, corregichikuq runam ichaqa ancha reqsisqa kanqa.

Proverbios 15:12

Mana kasukuq runaqa qaqchaykuqnintapas cheqninmi, yachayniyuq runakunawanpas manam hukllawakunchu.

Proverbios 19:25

Burlakuq runata castigaptikiqa mana yuyayniyuqpas yuyaytam hapinqa, yachayniyuqta qaqchaptikiqa aswan yachayniyuqmi rikurinqa.

Proverbios 25:12

Qorimanta anillo hinam, akllasqa qorimanta collar hinam, kasukuq runata yachaywan qaqchaykuyqa.

Proverbios 28:4

Kamachikuyta qepanchaqkunaqa mana allin ruwaqkunatam alaban, kamachikuyta kasukuqkunam ichaqa mana allin ruwaqkunapa contranpi churakunku.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Jeremías 15:17

Aychan kusichiqkunawanqa manam hukllawakurqanichu, akllawasqayki punchawmantam sapallayña karqani, piñakuynikiwan huntaykuwasqaykimantam mana piwanpas hukllawakurqanichu.

Levítico 19:17

Runamasikitaqa amam sonqoykipiqa cheqninkichu, anyana kaptinqa anyaykunkim, huchallikusqanwan ama qampas huchallikurunaykipaq.

Mateo 18:15

Sichum runamasiki contraykipi huchallikuruptinqa, rispayki sapallanpi rimapayaykamuy. Pantasqanta reqsikuptinqa paywanmi allinyanakurunki.

Lucas 3:19

Herodestapas wawqen Felipepa warmin Herodiaswan casarakusqanmantam hinaspa tukuy mana allinkuna ruwasqanmantam qaqcharqa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 13:12

Tutam pasachkanña, ñam achkiramunqaña. Chaynaqa, tutayaypi ruwasqanchikkunataqa saqesunña hinaspa kanchaywan pachallisqa purisun.

Romanos 16:17

Wawqe-panillaykuna, ruegakamuy-kichikmi yachachikuykuna chaskisqaykichikpa contranpi kaqkunamantayá cuidakuychik. Paykunaqa iñiqkunata rakinachispankum pantachikuyllata ruwachkanku, paykunamantaqa karunchakuychik.

Romanos 6:21

¿Huchapa munaychakusqanpi kawsaspaqa ima allintataq hurqokurqankichik? Aswanqa wañuyman apakuq kaqkunallatam. Chaykunamantam kunanqa penqakunkichik.

Gálatas 6:8

Aychapa munasqallan tarpuqqa aychaman hinallam wañuyta cosechanqa. Chuya Espirituman hina tarpuqmi ichaqa, Chuya Espirituman hina wiñay kawsayta cosechanqa.

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Efesios 5:12

Paykunapa imapas pakakuspalla ruwasqankumanta rimayqa penqakuypaqmi.

Efesios 5:7

Amayá paykunapa mana allin ruwaqmasinqa kaychikchu.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

1~Tesalonicenses 5:7

Puñuqkunaqa tutam puñunku, sinkaqkunapas tutataqmi sinkanku.

2~Tesalonicenses 3:14

Sichum kay cartantakama nimusqaykuta pipas mana kasukup-tinqa, chay runataqa allinta reqsiykuychik hinaspa ama hukllawakuychikchu chaynapi penqakunanpaq.

2~Tesalonicenses 3:6

Wawqe-panillaykuna, Señor Jesu-cristopa sutinpim kamachimuykiku, qella wawqe-panikunamanta karunchakunaykichikpaq, paykunaqa manam yachachisqaykuman hinachu kawsachkanku.

1~Timoteo 5:20

Ñataq-ñataq huchapi puriqkunataqa llapallankupa qayllanpiyá qaqchay, chaynapi hukkunapas manchakunankupaq.

1~Timoteo 5:22

Manaraq sumaqta reqsiykuchkaspaykiqa amayá chayllaqa pimanpas makikitaqa churaychu kamachikuq kananpaqqa, chaynapi paykunapa huchanwan ama qachachakunaykipaq. Qamqa chuya sonqollayá kawsay.

1~Timoteo 6:5

millay pensamientoyuq runakunapa atipanakuyninkuna, cheqap kaq mana yachaykuna, Diosta servispayqa apuyarusaqmi niykuna. [Chaykunamanta karunchakuy]

2~Timoteo 3:5

yanqallam Diosta serviq tukunqaku, paykunaqa ruwayninkuwanmi cheqap kaqpa atiyninta wischupakunqaku. Chayna runakunawanqa ama hukllawakuychu.

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.

Tito 2:15

Tukuy kaykunatam yachachinayki, kallpanchaspa, mana kasukuqkunata atiywan anyaspa. Amayá piwanpas pen-qaypiqa kaychu.

Apocalipsis 18:4

Huktawanmi hanaq pachamanta uyarirqani kayna qayakuyta: Kuyasqay runallaykuna, chay llaqtamanta lloqsiychik, paykunapa huchallikuqmasin ama kanaykichikpaq, chaynapi ima ñakariyninkupas ama haypamusunaykichikpaq.