Efesios 4:9 - CHUYA QELLQA La Biblia en Quechua de Ayacucho 2012

⁹ “Wicharirqam” nisqanqa, ¿ima ninantaq? Kaywanqa niwachkanchik puntataqa kay pachamanta aswan ukumanraq uraykusqantam.

Quechua Ayacucho Bible 1987

⁹ ¿Imatataq niwachkanchik “wicharirqam” nispaqa? Kaywanqa niwachkanchik puntataqa kay pachaman uraykamusqantam.

Chuya Qellqa 1992

⁹ “Wicharirqam” nisqanqa, ¿ima ninantaq? Kaywanqa niwachkanchik puntataqa kay pachamanta aswan ukumanraq uraykusqantam.

Efesios 4:9 Iomraidhean Croise

Génesis 11:5

Ichaqa Tayta Diosmi uraykamuspan runakunapa ruwasqan llaqtata chaynataq torretapas qawaykurqa.

Éxodo 19:20

Tayta Diosmi Sinaí orqoman uraykamurqa, hinaspam Moisesta chayman rinanpaq qayamurqa, chaymi Moisés seqarqa.

Proverbios 30:4

¿Pitaq hanaq pachaman qespiruspa uraykamurqa? ¿Pitaq wayrakunata makinwan putqorqa? ¿Pitaq yakukunata latapawan wisirqa? ¿Pitaq kay pachapa linderonkunata churarqa? ¿Yachaptikiqa imataq paypa sutin hinaspa churinpa sutin?

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Ezequiel 31:14

Manañam ima sachapas maynaña yakupa hawanpi kaspapas hatu-hatuntaqa wiñanqachu, maynaña parqosqa kaspapas manañam alto-altota wiñaspa puyukamaqa chayanqañachu. Llapallankum wañunankupaq sentenciasqa kachkanku, uku pachaman chayaspa wañuqkunawan huñunakunankupaq citasqam kachkanku, nispa.

Mateo 12:40

Imaynam Jonás kimsa punchaw kimsa tutan hatun challwapa wiksanpi karqa, chaynam runapa Churinpas kimsa punchaw kimsa tutan allpapa ukunpi kanqa.

Juan 20:17

Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Juan 3:13

Manam pipas hanaq pachataqa rirqachu, aswanqa runapa Churillanmi, paymi hanaq pachamanta uraykamurqa.

Juan 6:33

Diospa qosqan tantanqa hanaq pachamanta uraykamuqmi, chay tantaqa runakunamanmi kawsayta qon, nispa.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Juan 6:41

“Ñoqam kani hanaq pachamanta uraykamuq tanta” nispa Jesuspa nisqanmantam llapa judiokuna paypa contranpi kaynata rimapakurqaku:

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Juan 6:58

Kaymi hanaq pachamanta hamuq tantaqa. Ñawpaq taytaykichikkunaqa “maná” sutiyuq mikuyta mikuchkaspankupas wañurqakum, pipas kay tantamanta mikuqmi ichaqa wiñaypaq kawsanqa, nispa.

Juan 6:62

¿Imaniwaqchiktaq runapa Churinta ñawpaq kasqanman wichariqta rikuspaykichikqa?

Juan 8:14

Jesusñataqmi nirqa: Kikiypa allinllayta rimaptiypas nisqaykunaqa cheqapmi, ñoqaqa yachanim maymantam hamusqaytapas chaynataq maymanmi risqaytapas; qamkunam ichaqa maymantam hamusqaytapas nitaq maymanmi risqaytapas mana yachankichikchu.

Hebreos 2:7

Angelkunamantapas tumpa menosllatam runataqa ruwarqanki paytaqa coronawan churaq hinam ancha reqsisqata ruwaykunki,

Hebreos 2:9

Jesustam ichaqa rikunchik, Diosmi paytaqa angelkunamantapas tumpa menostaraq ruwarurqa, ñakarispa wañusqanraykum paytaqa coronasqata hinaña kanchariywan hatunchasqataña qawachkanchik. Runakunata Dios kuyaykuptinmi Jesusqa llapallanpa rantinpi wañurqa.