Efesios 4:32 - CHUYA QELLQA La Biblia en Quechua de Ayacucho 2012

³² Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Quechua Ayacucho Bible 1987

³² Aswanqa sumaq sonqo kaspayá kuyapayanakuychik, Diospas Cristoraykum pampachasurqankichik, chaynayá qamkunapas pampachanakuychik.

Chuya Qellqa 1992

³² Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Efesios 4:32 Iomraidhean Croise

2~Samuel 7:21

Prometewasqaykiman hinaspa munasqaykiman hinam tukuy kay admirakuypaq kaqkunata ruwarunki, chaykunatam kay serviqnikiman reqsiykachiwanki.

Proverbios 12:10

Allin ruwaq runaqa uywankunatapas nanachikunmi, mana allin runam ichaqa mana llakipayanchu.

Proverbios 19:11

Pacienciakuyqa yachayniyuqpa ruwayninmi, alabasqa kayqa runamasinpa pantarusqanta mana kaqpaq hapiymi.

Proverbios 19:22

Runamantaqa suyanchik hapipakunapaq hina kanantam, llulla runamantaqa wakcha runam aswan allinqa.

Isaías 57:1

Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Jeremías 38:12

Hinaspanmi nirqa: Chay latapakunata wallwaykiman waskakunawan hapichiy, nispa. Chaynatam Jeremías ruwarqa.

Mateo 6:12

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina.

Marcos 11:25

Diosta mañakuspaykichikqa piwanpas piñanakusqaykichiktayá puntataqa pampachaychik, chaynapi hanaq pachapi kaq Taytaykichikpas huchaykichikta pampachasunaykichikpaq.

Lucas 1:78

Diosninchikmi kuyapayawaspanchik hanaq pachamanta musoq punchawpa kanchariyninta qoykuwanchik,

Lucas 11:4

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina. Amayá tentacionmanqa kachaykuwaykuchu, mana allinmantayá hurqoykuwayku, nispa.

Lucas 17:4

Sichum huk punchawpi qanchis kutikama pantarusunkiman hinaspa pampachaykunaykipaq qanchis kutikama hamuptinqa, pampachaykuyá, nispa.

Lucas 6:35

Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi.

Lucas 6:37

Amayá runamasikichiktaqa juzgaychikchu chaynapi mana juzgasqa kanaykichikpaq. Amayá pitapas condenaychikchu chaynapi mana condenasqa kanaykichikpaq. Runamasikichiktaqa pampachaychikyá chaynapi pampachasqa kanaykichikpaq.

Hechos 28:2

Chay islapi yachaqkunam kuyakuyllawanña chaskiykuwarqaku, paraptin chirimusqanraykum ninata ratachispa niwarqaku: Lliwchaykichikyá qonikuychik, nis-panku.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

1~Corintios 13:4

Pipas kuyakuyniyuqqa pacienciakuqmi, imapas qokuykuqmi, manam envidiosochu, manam hatun tukuqchu, manam alabakuqchu,

2~Corintios 2:10

Pitapas pampachasqaykichiktaqa ñoqapas pampachanim, pitapas pampachaspayqa Cristopa qayllanpim qamkunarayku pampacharqani,

2~Corintios 2:7

Chaynaqa, pampachaykuspayá kall-panchaykuychik, manaña llakipa intus-qa kananpaq.

2~Corintios 6:6

Chaynataq chuyanchakuspayku, cheqap kaqta reqsispayku, pacienciakuspay-ku, sumaq sonqo kaspayku, Chuya Espirituyuq kaspayku, cheqapta kuyaspayku,

Efesios 5:1

Diospa kuyasqan churinkunam kankichik, chaynaqa payman rikchakuqyá kaychik.

Santiago 5:11

Ñoqanchikqa ñakarispa pacienciakuqkunataqa kusi-kuyniyuqpaqmi hapinchik. Uyarirqan-kichikmi Job sutiyuq runapa pacien-cianmanta, yachankichiktaqmi ñaka-riyninkuna tukuruptin Señorqa paywan imam ruwasqanmantapas, Señorqa kuyapayakuqmi hinaspa llakipayakuqmi.

2~Pedro 1:7

Dios yupaychaymanñataq, wawqe-panintin kuyanakuyta; wawqe-panintin kuyanakuymanñataq, runamasin kuyayta.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

1~Juan 2:12

Churillaykuna, qamkunamanmi qellqamuykichik Jesucristopa sutinpi huchaykichikkunata Dios pampachas-qanrayku.

Rutwan Sutichasqa Libro 2:20

Noemiyñataqmi llumchuyninta nirqa: Diosyá payta bendecichun. Diosqa bendeciykuwanchikmi ñoqanchikta hinaspa wañukuqninchikunatapas. Chay runaqa qosaypa ayllunmi, payqa nanachikunanmi ñoqanchikmantapas, nispa.