Efesios 4:31 - CHUYA QELLQA La Biblia en Quechua de Ayacucho 2012

³¹ Qamkunamantayá kaykunata wischuychik: Piñakuyta, rabiakuyta, cheqnikuyta, qaqchakuyta, insultanakuyta chaynataq tukuy mana allin ruwaytapas.

Quechua Ayacucho Bible 1987

³¹ Amañayá kaychikchu piñapakuqqa, rabiakuqqa, cheqnikuqqa, qaqchanakuqqa, insultanakuqqa nitaq ima mana allin ruraqpas.

Chuya Qellqa 1992

³¹ Qamkunamantayá kaykunata wischuychik: Piñakuyta, rabiakuyta, cheqnikuyta, qaqchakuyta, insultanakuyta chaynataq tukuy mana allin ruwaytapas.

Efesios 4:31 Iomraidhean Croise

Génesis 27:41

Jacobta taytan bendeciykusqanraykum Esaú llumpayta cheqnikuruspan kaynata tantearqa: “Taytay wañuruptinmi wawqey Jacobta wañurachisaq”, nispa.

Génesis 37:21

Rubenñataqmi wawqenkunapa rimasqankuta uyariruspa paykunamanta librayta munaspan nirqa: Ama wañuchisunchikchu, nispa.

Génesis 37:4

Taytankupa llumpay kuyasqanta qawaspankum wawqenkunaqa Joseyta cheqnikurqaku, hinaspam allillaqa rimapayaqkupaschu.

Génesis 4:8

Huk punchawmi wawqen Abelta Caín nirqa: Hakuchik purikuq, nispa. Hinaspanmi chakraman chayarachispan maqachkaspalla wawqen Abelta wañurachirqa.

2~Samuel 13:22

Absalonpas wawqen Amnontaqa manam imatapas nirqachu, ichaqa panin Tamarta abusasqanmantam cheqnikurqa.

2~Samuel 19:27

Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

2~Samuel 19:43

Hinaptinmi Israel runakuna nirqaku: Rey Davidqa chunka kuti mastam qamkunamantaqa ñoqaykuman tupawanku, chaynaqa ¿imanasqataq despreciawankiku? ¿Manachu reyniykuta kutichimunaykupaqqa ñoqayku puntataqa ninakurqaniku? nispanku. Judá runakunam ichaqa Israel runakunamantapas aswan nanay simikunataraq rimarqaku.

Proverbios 10:12

Cheqninakuyqa piñanakuyllatam qosnirichin, kuyakuymi ichaqa maynaña huchatapas tapaykun.

Proverbios 10:18

Llulla runaqa cheqnikuynintapas pakanmi, mana yachayniyuq runaqa cuento qepim.

Proverbios 14:17

Chaylla piñakuruq runaqa mana allinkunallatam ruwan, allin tanteakuq runam ichaqa hawkalla kakun.

Proverbios 18:8

Cuento qepi runapa rimasqankunaqa miskillañam, tukuy ukukamaraqmi yaykukunpas.

Proverbios 19:12

Reypa piñakuyninqa malta leonpa qapariynin hinam, kuyapayakuyninñataqmi pastokunapi sulla hina.

Proverbios 25:23

Norte lawmanta hamuq wayraqa paratam apamun, cuento qepi runapa rimayninñataqmi runata piñachin.

Proverbios 26:20

Mana yanta kaptinqa ninapas wañurunmi, chaynam cuento qepi mana kaptinqa piñanakuypas tukurun.

Proverbios 29:22

Chaylla piñakuruq runaqa piñanakuyllatam hatarichin, chaylla rabiakuruq runaqa chaylla-chayllam huchaman wichin.

Proverbios 29:9

Mana yachayniyuq runawan yachayniyuq runa churanakuyta qallaykuspanqa, asispanpas otaq piñakuspanpas manam ima arreglomanpas chayanqachu.

Proverbios 6:19

llulla rimaq testigota, wawqentinta peleanachiqta.

Eclesiastés 7:9

Amayá chayllaqa piñakuruychu, chaylla piñakuruyqa mana yachayniyuqkunapa ruwayninmi.

Jeremías 6:28

Paykunaqa llapallankum mana kasukuq runakuna, llapallankum chinkaypi puriq cuento qepikuna. Bronce hina fierro hina mana sientiqmi kanku, llapallankum mana allin ruwaqkuna.

Jeremías 9:4

amistadnikipipas ama hapipakuychu, wawqekipipas ama confiakuychu, wawqepurapas engañanakunkum, amistadpurapas tunpanakunkum.

Hechos 21:30

Llaqtapi runakunam chayta uyariruspanku llapallanku kallpamurqaku. Pablota hapiruspankum templomanta hawaman aysarqaku, hinaspam templopa punkunta apurawllamanña wichqarurqaku.

Romanos 3:14

Rimankupas ñakaytawan piñakuyllatam.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

1~Corintios 5:8

Chaynaqa, Pascua fiestapi mana levadurayuq tantatayá mikusun, chay mana levadurayuq tantaqa tukuy sonqowan ruwasqanchikmi hinaspa cheqap rimasqanchikmi. Amayá huchallikusunchu nitaq mana allintapas ruwasunchu ñawpaq levadurayuq tanta ruwasqanchikta hinaqa.

2~Corintios 12:20

Qamkunaman ha-muspayqa ichapas mana sonqoypaq hinachu tariramuykichikman, ñoqapas icha mana sonqoykichikpaq hinachu karuyman. Manchakuchkanim qamkuna ukupi: Liryanakuykuna, envidianakuykuna, piñanakuykuna, kikillanpaq munaq kaykuna, rakinakuykuna, cuento qepi kaykuna, pipapas qepanpi rimaykuna, hatun tukuq kaykuna hinaspa chaqwanakuykuna kananmanta.

Gálatas 5:20

ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna,

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Efesios 4:25

Chaynaqa, amaña llullakuspa cheqaptapuni runamasikichikwan rimaychik, llapanchikmi huk cuerpopa partellan kanchik.

Efesios 4:26

Piñakuspaqa amataqyá huchallikuychikchu, amayá inti seqaykunankamaqa piñakuruychikchu.

Colosenses 3:19

Qosakuna, warmikichikta kuyaychik, amayá nanay simikichikwanqa qaqchakachaychikchu.

Colosenses 3:8

Kunanqa qonqaychikñayá: Piñakuyta, piñasqalla kayta, mana allinllapi kawsayta, insultanakuyta, asipayanakuyta, mana allin rimayta,

1~Timoteo 3:11

Warmikunapas kachunku, allin respetanapaq hina, ama cuento qepichu, imamantapas allin yuyaywan kawsakuq hinaspa tukuy imapas ruwayman churaq.

1~Timoteo 3:3

upyakuykunapi mana purikuqmi, peleollapi mana purikuqmi, pacienciakuqmi, mana atipanakuqmi, qollqellaman mana qokuruqmi.

1~Timoteo 5:13

Mana imapas ruwananku kaptinmi wasin-wasin purinmanku, cuento qepi rikuriruspankum yanqakunaman chapukunmanku mana rimanakunata rimaspa.

2~Timoteo 2:23

Runakunapa yanqa atipanakusqanmanqa ama chapukuychu, yachasqaykipi hinapas chaykunaqa peleollatam hatarichin.

2~Timoteo 3:3

mana kuyakuqkuna, mana pampachakuy munaqkuna, runakunapa contranpi rimaqkuna, mana controlakuqkuna, mana llakipayakuqkuna, allin kaqta cheqnikuqkuna,

Tito 1:7

Iglesiapi nanachikuq ancianoqa Diospa mayordomon kasqanraykum kanan: Mana pipapas anyanan, mana hatun tukuq, mana piñakuq, upyaypi mana purikuq, mana piwanpas peleakuq, mana qollqella kuyaq.

Tito 2:3

Chaynallataq mayor señorakunapas, allin kawsakuytamyachachunku, amayá cuento qepichu kachunku, nitaq tomaymanqa qoku-ruchunkuchu, aswanqa allin ejem-ployá kachunku.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

Santiago 3:14

Sichum qamkunapi envidianakuykuna kaptinqa hinaspa kikillaykichikpaq imatapas munaspaqa, amayá hatun tukuychikchu yachayniyuq kasqaykichikmantaqa, chaynata ruwaspaqa cheqap kaqpa contranpim llullakuchkankichik.

Santiago 4:11

Wawqe-panillaykuna, huknikichikkunapa qepanpiqa amayá mana allintaqa rimaychikchu. Pipas runamasinpa qepanpi mana allinta rimaspaqa otaq juzgaspaqa, leypa contranpim rimachkan hinaspam leyta juzgachkan. Leyta juzgaspaqa manam leypa nisqantachu kasukuchkanki, aswanqa juezñam rikurirunki.

1~Pedro 2:1

Chaynaqa, saqeychikñayá mana allin ruwaykunata, engañakuykunata, iskay uya kayta, envidiakuykunata, cuento qepi kayta.

1~Juan 3:12

Amayá Caín hinachu kasun, payqa diablopa runanmi karqa, chaymi wawqenta wañurachirqa. ¿Imanasqataq wañurachirqa? Paypa ruwayninkuna mana allin kasqanraykum, Abelpa ruwayninkunañataqmi allin karqa.

1~Juan 3:15

Pipas iñiqmasinta cheqniqqa runa wañuchiqmi. Yachasqanchikpi hinapas runamasin wañuchiqqa manaraqmi wiñay kawsayniyuqchu.

Apocalipsis 12:10

Chaymantam hanaq pachapi kayna niq qayakuyta uyarirqani: “Kunanmi salvación chayaramuwanchik, chayaramuntaqmi Diospa atiyninwan, munaychakuyninpas chaynataq Cristopa munayninpas. Wawqe-paninchikkunapa contranpi tuta punchaw Diosman acusaq diabloqa ñam wischurachikamunña hanaq pachamanta.