Efesios 4:29 - CHUYA QELLQA La Biblia en Quechua de Ayacucho 2012

²⁹ Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

Quechua Ayacucho Bible 1987

²⁹ Rimaspaykichikqa amayá qacha simichu kaychik, aswanqa allin kaqkunallatayá rimaychik chaynapi uyariqnikichikkunapas allinninpaq kaptin aswan-aswan wiñanankupaq.

Chuya Qellqa 1992

²⁹ Rimaspaykichikqa amayá qacha simichu kaychik, aswanqa allin kaqkunallatayá rimaychik, chaynapi uyariqnikichikkunapa allinninpaq kaptin iñiyninkupi aswan-aswan wiñanankupaq.

Efesios 4:29 Iomraidhean Croise

Proverbios 12:13

Mana allin runaqa kikinpa llullakusqallanwanmi chaqnarachikun, allin runam ichaqa sasachakuymantapas lluptinqa.

Proverbios 15:23

Runaqa tupaqninpi contestasqanwanmi kusikun, ¡mayna allinraqmi tiempollanpi rimayqa!

Proverbios 15:7

Allin yachayniyuq runakunapa siminqa yachaytam tarpun, mana yachayniyuq runakunam ichaqa mana chaynataqa ruwankuchu.

Proverbios 16:21

Yachayniyuq runataqa “yachayniyuq” nispam sutichanku, miski simi runaqa yachaytam mirachin.

Eclesiastés 10:12

Yachayniyuqpa rimasqankunaqa uyarinapaq hinam; mana yachayniyuqpa rimasqanmi ichaqa kikintapunipas sasachakuyman apan,

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Lucas 4:22

Jesusmanta allinta rimaspankum sumaqllaña yachachikuyninkunata uyarispanku admirasqallaña karqaku, hinaspam ninakurqaku: ¿Payqa manachum Joseypa churin? nispanku.

Juan 1:37

Chaymi Juanpa iskay discipulonkuna chayta uyariykuspanku Jesusta qatikurqaku.

Romanos 14:19

Chaynaqa, hawkalla kawsakuytayá maskasun, chaynapi iñiqmasinchikkunawan aswan wiñachinakunanchikpaq.

Romanos 15:2

Sapakamayá runamasinchikpa allinninta ruwasun, chaynapi allinpaq hapispanku iñisqankupi wiñanankupaq.

1~Corintios 14:19

iglesiapa huñunakuyninpim ichaqa munani pichqa palabrallatapas entiendenankupaq hina rimayta, chaynapi wakinkunamanpas yachachinankupaq, mana yachasqanku rimaypi chunka waranqa palabrakuna rimanaymantaqa.

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Efesios 4:16

Cristom llapallan iñiqkunata huk cuerpollata ruwawanchik, chaynataqa ruwawanchik cuerpopa partenkuna yanapanakunanpaq ankukunawan tinkinachkaq hinam, chaynapim sapakama ima ruwananchikta allinta ruwaspa kuyakuywan kallpanchakuspa wiñasunchik.

Colosenses 4:6

Rimasqaykichikpas kachiwan kachichasqa hinayá kachun, chaynapim yachankichik sapakamaman imaynam contestayta.

1~Tesalonicenses 5:11

Chaynaqa, kunan ruwasqaykichikpi hinayá kallpanchanakuychik hinaspa yanapanakuychik.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 3:1

Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikta qawaspa iñikunqaku.

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.