Efesios 4:25 - CHUYA QELLQA La Biblia en Quechua de Ayacucho 2012

²⁵ Chaynaqa, amaña llullakuspa cheqaptapuni runamasikichikwan rimaychik, llapanchikmi huk cuerpopa partellan kanchik.

Quechua Ayacucho Bible 1987

²⁵ Chaynaqa amaña llullakuspayá cheqaptapuni rimaychik runamasikichikwan, lliwchanchikmi kanchik huk cuerpopa partenkuna hinalla.

Chuya Qellqa 1992

²⁵ Chaynaqa, amaña llullakuspa cheqaptapuni runamasikichikwan rimaychik, llapanchikmi huk cuerpopa partellan kanchik.

Efesios 4:25 Iomraidhean Croise

1~Reyes 13:18

Ichaqa chay yuyaqña profetam llullakuspan nirqa: Ñoqapas qam hina profetam kani. Tayta Diospa angelninmi niwarqa wasiyman pusaspay mikuchinaypaq hinaspa yakuta tomachinaypaq, nispa.

Éxodo 23:7

Llullakuspa yanqamanta tumpakuqmanqa amam hukllawakunkichu, amataqmi mana huchayuq runataqa wañuyman sentenciankichu. Huchayuqtaqa castigasaqpunim.

Proverbios 12:17

Allin testigoqa cheqap kaqtam willakun, mana allin testigom ichaqa llullata willakun.

Proverbios 12:19

Cheqap rimaq runaqa wiñaypaqmi takyanqa, llulla rimaq runam ichaqa chaylla chinkarunqa.

Proverbios 12:22

Tayta Diosqa cheqninmi llulla runakunataqa, cheqap rimaqkunatam ichaqa kuyan.

Proverbios 21:6

Llullakuywan huñusqa qori-qollqeqa wañuy maskaqkunapa yanqa munayllanmi.

Proverbios 24:28

Runamasikipa contranpiqa ama yanqamantaqa testigakuychu, amataq llullakunatapas paymantaqa rimaychu;

Proverbios 6:17

Hatun tukuyta, llullakuyta, mana huchayuq runa wañuchiyta,

Proverbios 8:7

Simiyqa cheqap kaqkunallata rimaqmi, mana allin kaqkuna rimaytaqa millakunim.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Isaías 9:15

Ancianokunapiwan reqsisqa runakunam chay animalpa uman hina, mana cheqap kaqta willakuq profetakunañataqmi chay animalpa chupan hina.

Oseas 4:2

Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Levítico 19:11

Amam suwakunkichikchu, amam engañankichikchu, amataqmi llullakunkichikchu.

Zacarías 8:16

Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Romanos 12:5

Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.

1~Corintios 10:17

Tantaqa chullallam, ñoqanchikñataqmi achkallaña kachkaspapas huk cuerpolla kanchik, llapallanchik huk tantallamanta mikusqanchikrayku.

2~Corintios 7:14

Titoman willaspa qamkunamanta alabakuspayqa manam penqakurqanichu. Aswanqa tukuy ima qamkunamanta payman nisqaykuqa cheqapmi, cheqaptaqmi Titoman qamkunamanta alabakusqaykupas.

Efesios 4:15

Aswanqa kuyanakuspayá cheqap kaqta qatispa aswan-aswan Cristoman rikchakuq kananchikkama wiñasun, Cristoqa llapallan iñiqkunapa umanmi.

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Efesios 4:31

Qamkunamantayá kaykunata wischuychik: Piñakuyta, rabiakuyta, cheqnikuyta, qaqchakuyta, insultanakuyta chaynataq tukuy mana allin ruwaytapas.

Efesios 5:30

paypa cuerponpa partenmi kanchik, aychanwan tullunmi kanchik.

Colosenses 3:8

Kunanqa qonqaychikñayá: Piñakuyta, piñasqalla kayta, mana allinllapi kawsayta, insultanakuyta, asipayanakuyta, mana allin rimayta,

Colosenses 3:9

amataqyá llullakunataqa rimaychikchu. Ñawpaq imaynam kawsaynikichiktawan tukuy mana allin ruwaynikichiktaqa saqerunkichikñam,

1~Timoteo 1:10

waqllikuqkunapaqmi, qaripura kakuqkunapaqmi, runamasin suwaqkunapaqmi, llullakuqkunapaqmi, yanqapas-yanqa Diospa sutin rimaqkunapaqmi hinaspa allin yachachikuykunapa contranpi kaqkunapaqmi.

1~Timoteo 4:2

iskay uya llulla runakunataña uyarinqaku, chay runakunapaqa concienciankupas qarayasqañam kachkan.

Tito 1:12

Paykunamanta hukkaqnin profetanmi kaynata nirqa: “Cretamanta runakunaqa llullallañam kanku, purun animal hina hinaspa mikuysapa qellakunam”, nispa.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 12:1

Chaynaqa, ñoqanchikpas, muyu-riqninchikpi puyu hinaña testigokuna kachkaptinqa, llasawaq-ninchik qepita saqechkaq hinayá llapa huchanchikkunata saqesunchik, hinas-payá pacienciawan puntaman kallpasunchik maymi kallpananchikta.

Santiago 1:21

Tukuy mana allin ruwaykunata hinaspa millay munapayaykunata saqespa, Diospa siminta llampu sonqowan chaskiychik. Paypa palabranqa almaykichikta salvaykunapaq atiyniyuqmi.

1~Pedro 2:1

Chaynaqa, saqeychikñayá mana allin ruwaykunata, engañakuykunata, iskay uya kayta, envidiakuykunata, cuento qepi kayta.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.

Jueces 16:11

Hinaptinmi Sansón nirqa: Sichum musoq waskakunawan teqoy-teqoyta chaqnaruwaptinkuqa kallpay pisiruptinmi wakin runakuna hinallaña rikurirusaq, nispa.