Efesios 4:2 - CHUYA QELLQA La Biblia en Quechua de Ayacucho 2012

² Chaynaqa, uchuychakuspayá llampu sonqolla hinaspa pacienciakuq kaychik, imamanta pantanakuruspapas kuyakuywanyá aguantanakuychik.

Quechua Ayacucho Bible 1987

² Humillakuspayá llampu sonqolla hinaspa pacienciakuq kaychik, imamanta faltanakuruspapas kuyakuywanyá aguantanakuychik.

Chuya Qellqa 1992

² Chaynaqa, uchuychakuspayá llampu sonqolla hinaspa pacienciakuq kaychik, imamanta pantanakuruspapas kuyakuywanyá aguantanakuychik.

Efesios 4:2 Iomraidhean Croise

Proverbios 16:19

Wakchakunawan uchuychakuymi aswan allin hatun tukuqkunawan apuyanamantaqa.

Proverbios 3:34

Burlakuqkunamantaqa Tayta Diospas burlakunmi, llampu sonqokunatam ichaqa kuyapayan.

Eclesiastés 7:8

Imapas qallariymantaqa imapas tukupayninmi aswan allinqa; hatun tukuq kaymantaqa pacienciakuymi aswan allinqa.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Números 12:3

Moisesqa llapallan runakunamantapas llumpay uchuychakuqmi karqa.

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Marcos 9:19

Jesusñataqmi nirqa: ¡Mana iñiyniyuq runakuna! ¿Hayka-pikamataq qamkunawan kasaq? ¿Hay-kapikamataq aguantasqaykichik? Chay warmata apamuychik, nispa.

Hechos 20:19

Llapa judiokuna imataña ruwawayta munaptinkupas humillakuspaymi waqastinpas hinaspa ñakaristinpas Señorninchikta servirqani.

Romanos 15:1

Iñiyninchikpi kallpayuq kaqkunam pisi iñiyniyuqkunata yanapananchik, ama kikillanchikpaq imatapas munaspa.

1~Corintios 13:7

Tukuytam ñakarin, tukuytam creen, tukuytam suyan, tukuytam aguantan.

Gálatas 6:2

Ima sasachakuynikichik kaptinpas yanapanakuspayá, Jesucristopa kamachikuyninta ruwayman churaychik.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Colosenses 1:11

Mañakuchkanikutaqmi hatu-hatun atiyninwan kallpanchasunaykichikpaqpas, chaynapi ima mana allintapas pacienciakuspa kusikuywanraq aguantanaykichikpaq,

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

Santiago 1:21

Tukuy mana allin ruwaykunata hinaspa millay munapayaykunata saqespa, Diospa siminta llampu sonqowan chaskiychik. Paypa palabranqa almaykichikta salvaykunapaq atiyniyuqmi.

1~Pedro 3:15

Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.