Efesios 4:16 - CHUYA QELLQA La Biblia en Quechua de Ayacucho 2012

¹⁶ Cristom llapallan iñiqkunata huk cuerpollata ruwawanchik, chaynataqa ruwawanchik cuerpopa partenkuna yanapanakunanpaq ankukunawan tinkinachkaq hinam, chaynapim sapakama ima ruwananchikta allinta ruwaspa kuyakuywan kallpanchakuspa wiñasunchik.

Quechua Ayacucho Bible 1987

¹⁶ Llapallan iñiqkuna cuerpon kaptinchikmi Cristo hukllanchawanchik, chaynataqa rurawanchik cuerponpa partenkunata yanapanakunanpaq tinkinachkaq hinam, sapakamam rurananchikta allinta ruraspa kuyakuywan kallpanchakuspa sumaqta wiñananchik.

Chuya Qellqa 1992

¹⁶ Cristom llapallan iñiqkunata huk cuerpollata ruwawanchik, chaynataqa ruwawanchik cuerpopa partenkuna yanapanakunanpaq ankukunawan tinkinachkaq hinam, chaynapim sapakama ima ruwananchikta allinta ruwaspa kuyakuywan kallpanchakuspa wiñasunchik.

Efesios 4:16 Iomraidhean Croise

Juan 15:5

Ñoqam kani uvas planta, qamkunañataqmi kallmaykuna kankichik. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas ruwayta atiwaqchikchu.

Romanos 12:4

Imaynam cuerponchikpi achkallaña partenkuna kachkan, ichaqa manam llapallankuchu hina chaynallata ruwanku.

1~Corintios 10:17

Tantaqa chullallam, ñoqanchikñataqmi achkallaña kachkaspapas huk cuerpolla kanchik, llapallanchik huk tantallamanta mikusqanchikrayku.

1~Corintios 13:13

Kunanqa takyachkan iñiyllam, confianzawan suyayllam hinaspa kuyakuyllam. Kay kimsanmanta aswan allinqa kuyakuyllam.

1~Corintios 8:1

Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Efesios 3:7

Diosmi kuyakuyninpi atiyninta qoykuwarqa, Jesucristomanta allin noticiata willakunaypaq.

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Efesios 4:15

Aswanqa kuyanakuspayá cheqap kaqta qatispa aswan-aswan Cristoman rikchakuq kananchikkama wiñasun, Cristoqa llapallan iñiqkunapa umanmi.

Filipenses 1:9

Kaytam mañakuchkani, Diospa kuyakuynin qamkunapi aswan-aswan wiñananpaq chaynataq yachaytawan yuyayta qosunaykichikpaq,

Colosenses 2:19

Paykunaqa manam Cristoman hukllawasqachu kachkanku, ñoqanchikmi ichaqa cuerpon kanchik payñataqmi umanchik, cuerponchikqa moqokunawan hinaspa ankukunawan hukllaman huñusqam kachkan, chaynatam ñoqanchiktapas Cristo hukllawaruwanchik hinaspam wiñachiwanchik Diospa munasqanman hina.

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

1~Tesalonicenses 1:3

Yuya-rinikutaqmi Dios Taytanchikpa qayllanpi iñiynikichikman hina llamkasqaykichikta, kuyakuynikichikman hina servisqaykichikta hinaspa Señorninchik Jesucristorayku ñakarispa qaqa hina sayasqaykichiktapas.

1~Tesalonicenses 2:13

Chayraykum ñoqaykupas Diosman tukuy tiempo graciasta qoniku. Ñoqayku willaptiykum Diospa palabranta chaskirqankichik, ichaqa manam runapa rimasqanta hinallachu aswanqa Diospa cheqap palabranta hinam, chay palabraqa qamkuna ukupim allinta ruruchkan.

1~Tesalonicenses 3:12

Señoryá huknikichikmanta huknikichikkama kuyanakuynikichikta llimparichichun, chaynallataq llapallan runakuna kuyanaykichikpaqpas, imaynam qamkunapaq kuyakuyniykuta hina.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

1~Timoteo 1:5

Kay kamachikuykunaqa cheqaptapuni kuyanakunanchikpaqmi, chay kuyanakuyqa hamun, chuya sonqomanta, allin concienciayuqmanta hinaspa cheqap iñiyniyuqkunamantam.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Juan 4:16

Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.