Efesios 4:14 - CHUYA QELLQA La Biblia en Quechua de Ayacucho 2012

¹⁴ manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Quechua Ayacucho Bible 1987

¹⁴ manam kasunqa warmakuna hinañachu, warmakunaqa hukta-hukta creeruspam wayrawan apachikuchkaq hina runakunapa yachachisqanwan aysachikunku, paykunataqa sacre runakunam sumaqllataña rimaspa pantarachin.

Chuya Qellqa 1992

¹⁴ manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Efesios 4:14 Iomraidhean Croise

Isaías 28:9

Ñoqata kamiwaspankum ninku: ¿Pitataq yachachichkan? ¿Pitataq allin yachachikuykunata entiendechichkan? ¿Anukasqa wawakunatachu? ¿Ñuñuq wawakunatachu?

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Mateo 11:7

Paykuna pasakuptinmi, runakunaman Juanmanta willaspan Jesús nirqa: ¿Ima qawaqtaq purunta rirqankichik? ¿Wayrapa kuyuchisqan soqosta qawaqchu?

Mateo 24:11

Pantachikuq profetakunam achkallaña hatarinqaku, hinaspam achkaqta engañanqaku.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Hechos 23:21

Ichaqa amam creenkichu, tawa chunka masnin runakunam pakakuspa suyachkanku. Paykunam Diospa qayllanpi kaynata jurarunku: “Amam imatapas mikusunchu nitaq tomasunchu Pablota wañuchinanchikkama” nispanku. Listollañam suyachkanku pusachiptiki wañurachinankupaq, nispa.

1~Corintios 12:2

Qamkunaqa yachankichikmi, manaraq iñikuchkaspaykichikqa mana rimaq idolokunamanmi ñawsa hina aysasqa karqankichik.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

1~Corintios 3:19

Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina: “Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

Gálatas 3:1

¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Efesios 6:11

Harkachikunaykichikpaq Diospa qosusqaykichik llapallan armakunawan pachallikuychik, chaynapi allinta takyaptikichik, wateqasuqnikichik diablo mana urmachisunaykichikpaq.

1~Timoteo 3:6

Chayllaraq iñikuq runaqa manam iñiqkunamanta nanachikuqqa kanmanchu, yanqañataqmi hatun tukuruspan diablo hina castigasqa kanman.

2~Timoteo 1:15

Yachasqaykipi hinapas Asia law-manta kaqkunaqa llapallanmi saqeru-wanku, paykunawantaqmi Figelowan Hermogenespas saqeruwanku.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

2~Timoteo 4:3

Chayamunqam tiempokuna allin yacha-chikuykunata manaña chaskinankupaq, paykunaqa achkallaña yachachikuqkunata huñukuruspankum aychankuman hina munasqallankutaña uyarinqaku.

Hebreos 13:9

Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

Santiago 1:6

Ichaqa ama iskayrayaspayá mañakuychik, iskayrayaspa mañakuqqa lamar qochapa kayman chayman wayrapa apasqan olankunamanmi rikchakun.

Santiago 3:4

Qawariychikyá barcokunatapas, maynaña hatun kaptinpas hinaspa sinchi wayrapa apasqa kaptinpas, chullalla runam taksa timonwan munasqan lawman apan.

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

1~Juan 2:26

Qamkunata pantachiy munaqkunamantam qellqamuchkaykichikqa.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Judas 1:12

Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.