Efesios 4:13 - CHUYA QELLQA La Biblia en Quechua de Ayacucho 2012

¹³ Chaynapim iñisqanchikpipas chaynataq Diospa Churin reqsisqanchikpipas llapallanchik wiñaspa hukllaña kasunchik, chaynapim yuyayniyuq runa hinaña kaspa mana imapapas pisisqan Cristo hinaña kasunchik,

Quechua Ayacucho Bible 1987

¹³ Chaynapim iñisqanchikpipas chaynataq Diospa Churin reqsisqanchikpipas llapallanchik wiñaspa hukllaña kasunchik, yuyayniyoq runa hinaña kaspam mana imapapas pisisqan Cristo hina cabal kasunchik,

Chuya Qellqa 1992

¹³ Chaynapim iñisqanchikpipas chaynataq Diospa Churin reqsisqanchikpipas llapallanchik wiñaspa hukllaña kasunchik, chaynapi yuyayniyuq runa hinaña kaspa mana imapapas pisisqan Cristo hinaña kasunchik,

Efesios 4:13 Iomraidhean Croise

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Sofonías 3:9

Chay punchawkunapim ñoqa Tayta Diosta qayakamuwanankupaq runakunapa siminta chuyanchaykusaq, hinaptinmi huk sonqollaña serviwanqaku.

Zacarías 14:9

Tayta Diosmi kay pachapi munaychakunqa. Pay sapallanmi Dios kanqa, sutinpas sapallanpam reqsisqa kanqa.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Juan 1:16

Paypa tukuy kapuqninmantam chani-chaninta mana imallapaq chaskinchik.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 6:69

Ñoqaykuqa ñam creenikuña, yachanikutaqmi kawsaq Diospa Churin kasqaykitapas, nispa.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

1~Corintios 2:6

Yachaymantaqa rimaniku iñiyninkupi wiñasqakunawanmi, ichaqa manam kay pachapi yachaytachu, nitaq kay pachapi kamachikuqkunapa yachaynintachu, chaykunaqa tukuruqllam.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Efesios 1:23

Llapallan iglesiakunaqa Cristopa cuerponmi, cuerpowan umaqa hukllam, chaynam iñiqkunapas Cristowanqa huklla kachkanku, payllam lliwpi llimparichkan.

Efesios 2:15

Judiokunaman ñawpaq leykuna qosqantam, Señorninchik Jesucristo wañuspan mana valeqpaqña ruwarun, chaynapim judiokunatapas hinaspa mana judío kaqkunatapas kikinmanña asuykachispan musoq ayllutaña ruwarun. Chaynatam paykunamanqa hawkayayta qorqa.

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Efesios 4:3

Chuya Espiritupa yanapakuyninwanyá huk sonqolla kaychik, tukuy tiempopi hawkalla kawsanaykichikpaq.

Efesios 4:5

Hukllam Señorqa, hukllam iñiypas, hukllataqmi bautismopas.

Filipenses 3:10

Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

Colosenses 1:28

Chaymi ñoqaykuqa llapa runakunata anyaspa hinaspa tukuy yachaywan yachachispa Cristomanta willakuniku, chaynapi llapa runakuna Cristo hina kanankupaq

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

Hebreos 5:14

Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.

2~Pedro 1:4

Chaynintakamam ancha valorniyuq hatun promesankunata qowarqanchik, chaynapi Dioswan huklla kananchikpaq hinaspa kay pachapi mana allin ruway munasqanchikmanta ayqenanchikpaq.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.