Efesios 4:11 - CHUYA QELLQA La Biblia en Quechua de Ayacucho 2012

¹¹ Paypunitaqmi atiytapas qorqa, wakin-man: Apóstol kananpaq, profeta kananpaq, evangelista kananpaq, michiq kananpaq hinaspa yachachikuq kananpaq.

Quechua Ayacucho Bible 1987

¹¹ Paypunitaqmi atiytapas qorqa wakinman *f**apostol kanankupaq, wakinmanñataq Diosmanta willakunankupaq, wakinmanñataq Jesucristomanta allin noticiata willakunankupaq hinaspa wakinmanñataq iñiqkunata yachachispa michiq kanankupaq.

Chuya Qellqa 1992

¹¹ Paypunitaqmi atiytapas qorqa, wakinman: Apóstol kananpaq, profeta kananpaq, evangelista kananpaq, michiq kananpaq hinaspa yachachikuq kananpaq.

Efesios 4:11 Iomraidhean Croise

2~Crónicas 15:3

Unay tiempom Israel runakunaqa mana cheqap Diosniyuq, mana sacerdotepa yachachisqan hinaspa mana kamachikuyniyuq karqaku.

Jeremías 3:15

Sonqoypa munasqanman hina michisuqnikichiktam qosqaykichik, paykunam yachaywan chaynataq yuyaywan michisunkichik.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Hechos 13:1

Antioquiapi iñiqkunawanmi kachkarqa profetakunawan yacha-chiqkuna. Paykunam karqa Bernabé, Nigerwan sutichasqanku Simón, Cire-nemanta kaq Lucio, Herodeswan kuska uywasqa Manaén, hinaspa Saulo.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Hechos 21:8

Paqarinnintin punchawñataqmi Cesarea llaqtakama rirqaniku. Chaypim watukurqaniku evangelista Felipeta, payqa karqa Jerusalenpi ñawpaqtaraq akllasqanku qanchis diaconokunapa hukninmi. Paypa wasinpim samakurqaniku.

Romanos 12:7

servinapaq qowaptinchikqa, servikusunyá, yachachinapaq qowaptinchikqa, yachachisunyá,

1~Corintios 12:4

Tukuy rikchaq atiykunam kan, Espiritum ichaqa hina kaqlla.

Efesios 2:20

Qamkunaqa apostolkunapa hinaspa profetakunapa hawanpi perqasqa wasi hinam kankichik, chay cimientopa esquinanpi hapiq rumiñataqmi kikin Jesucristo.

Efesios 3:5

Kaykunataqa ñawpaq tiempopi runakunamanqa Diosqa manam reqsichirqachu, kunanmi ichaqa sapaqchakusqan apostolninkunaman hinaspa profetakunaman Espirituntakama reqsichin.

Efesios 4:8

Chaymi Qellqa kaynata nin: “Altoman wicharispanmi, presokunata aparikurqa, runakunamanmi atiyta qorqa”, nispa.

2~Timoteo 4:5

Qamyá ichaqa tukuy imapi allin yuyayniyuq kay, sasachakuytapas aguantaspa allin noticiata willakuy chaynata ruwaspaykiyá llamkaynikita cumpliy.

Hebreos 5:12

Qamkunaqa unayña iñisqaykichikrayku hukkunamanpas yachachinaykichikña kachkaptinmi, qallariyninpi Diosmanta yachachikuy kaqkunallataraq huktawan uyariyta munachkankichik. Qamkunaqa wawakuna hinam lechellamantaraq kachkankichik, manaraqmi yuyayniyuq runakunapa mikunantaqa mikuwaqchikchu.

Judas 1:17

Kuyasqay wawqe-panillaykuna, Señorninchik Jesucristopa apostol-ninkunapa ñawpaqmantaraq kaykuna nisusqaykichiktayá yuyariychik.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 21:14

Llaqtapa muyuriqninpi perqakunapas kasqa chunka iskaynin cimientoyuqmi, sapa cimientopiñataqmi qellqasqa kasqa Corderopa chunka iskayniyuq apostolninkunapa sutinkupas.