Efesios 3:20 - CHUYA QELLQA La Biblia en Quechua de Ayacucho 2012

²⁰ Chaynaqa, Diosllatayá hatunchasun, payllam ñoqanchikpiqa atiyninwan ruwan mañakusqanchikmantapas hinaspa piensasqanchikmantapas aswan llim-parichkaqtaraq.

Quechua Ayacucho Bible 1987

²⁰ Chaynaqa Diosllatayá hatunchasun, payllam ñoqanchikpiqa atiyninwan ruran mañakusqanchikmantapas hinaspa piensasqanchikmantapas aswan llimparichkaqtaraq.

Chuya Qellqa 1992

²⁰ Chaynaqa, Diosllatayá hatunchasun, payllam ñoqanchikpiqa atiyninwan ruwan mañakusqanchikmantapas hinaspa piensasqanchikmantapas aswan llimparichkaqtaraq.

Efesios 3:20 Iomraidhean Croise

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 18:4

Yakuta aparachimuptiyá chakikichikta mayllakuykuspa kay sachapa llantunpi samariychik.

2~Samuel 7:19

Chaypas asllapaqraq rikchakapusuptikim kay serviqnikipa mirayninkuna imaynam kananmantapas rimapayaykuwankiraq. Señor Diosnilláy, ruwasqaykita hinaqa manam ima runapas ruwanchu.

1~Reyes 3:13

Qoykitaqmi mana mañawasqayki kaqkunatapas, apuyachispaymi ancha reqsisqata ruwasqayki, kawsanaykikamaqa manam qam hinaqa huk reyqa kanqachu.

2~Crónicas 25:9

Hinaptinmi Diospa profetanta Amasías tapurqa: ¿Imatataq ruwasaq Israel nacionniyuq tropakunapaq kimsa waranqa kimsa pachaknin kilo qollqe qosqaymantaqa? nispa. Diospa profetanñataqmi nirqa: Tayta Diosmi chaymantaqa aswan masta kutichipusunki, nispa.

2~Crónicas 9:12

Rey Salomonpas Sabá nacionpa reinanmanmi tukuy ima munasqantawan mañakusqanta qoykurqa, apamusqanmantapas mastaraq; hinaptinmi reinaqa serviqninkunapiwan nacionninman kutikurqa.

Éxodo 34:6

Moisespa ñawpaqninta pasaspanmi Tayta Dios nirqa: “¡Ñoqaqa Tayta Diosmi kani, llakipayakuq, kuyapayakuq Diosmi kani, ñoqaqa llampu sonqom kani, mana chaylla piñakuruqmi kani, cheqap kuyapayakuqmi kani!

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Isaías 35:2

Sumaqta waytaspam kusikunqa, kusikuymantam qaparinqa; kuyayllapaq kayninmantam hatunchasqa kanqa, Líbano montepas, Carmelo orqopas, Sarón pampapa hatunchasqa kasqanta hina; chaypim paykuna, Tayta Diospa atiyniyuq kayninta rikunqaku.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Jeremías 32:27

Ñoqaqa llapallan runakunapa yupay-chanan Tayta Diosmi kani. ¿Yaqachu ñoqapaq imapas mana ruway atinay kanman?

Daniel 3:17

Rupachkaq hornoman wischuykachiwaptikikupas yupaychasqayku Diosniykum libra-wanqaku, librawanqakutaqmi maki-kimantapas.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Mateo 3:9

Amayá niy-chikchu: “Ñoqaykuqa Abrahampa mirayninmi kaniku”, nispaykichikqa; Diosqa kay rumikunamantapas Abrahampa mirayninkunataqa hatarirachinmanmi.

Juan 10:10

Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

Romanos 4:21

Chikantapas mana iskayrayaspam nikurqa: Diosqa llumpay atiyniyuqmi imam prometekusqantaqa cumplinqapunim, nispa.

1~Corintios 2:9

Imaynam Qellqapa kayna nisqanman hina: “Diosmi kuyaqninkunapaq prepararqa, mana pipapas rikusqanta, mana pipapas uyarisqanta, mana pipapas piensasqanta”.

2~Corintios 9:8

Diosqa mirayniyuqtam mana imaykichikpas pisipusunaykichikpaq imatapas qosunkichik, chaynapi wakin runakunamanpas yanapanaykichikpaq.

Efesios 1:19

Mañakuchkanitaqmi Diospa mana imawanpas tupachiy atina atiyninmanta yachanaykichikpaqpas, chay atiyninwanmi Diosqa iñiqkunata kallpanchawanchik, chay atiynintam Diosqa sinchi kallpanwan qawachikurqa.

Efesios 3:7

Diosmi kuyakuyninpi atiyninta qoykuwarqa, Jesucristomanta allin noticiata willakunaypaq.

Colosenses 1:29

Chayraykum Cristopa qowasqan hatun atiywan sinchita kallpanchakuspay llamkachkani.

1~Timoteo 1:14

Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

Hebreos 11:19

Abrahamqa yacharqam wañusqatapas Diosqa atiyninwan kawsarichiq kasqanta. Chayraykum Abrahamqa wañusqamanta kawsarimuqta hinaña churinta chaskiykurqa.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Santiago 4:12

Diosllam leytaqa qorqa, payllam juezpas, payllataqmi salvawaqninchikpas chaynataq condenawaqninchikpas, hinaptinqa, ¿pitaq qamqa kanki runamasiki juzganaykipaqa?

2~Pedro 1:11

Chaynapim Diosninchikqa hatun kuyakuywan chaskisunkichik Salvakuq Señorninchik Jesucristopa wiña-wiñaypaq munaychakuyninpi.

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.