Efesios 3:19 - CHUYA QELLQA La Biblia en Quechua de Ayacucho 2012

¹⁹ Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas, chaynapi Dioswan huntasqa kanaykichikpaq.

Quechua Ayacucho Bible 1987

¹⁹ Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas chaynapi Dioswan huntasqa kanaykichikpaq.

Chuya Qellqa 1992

¹⁹ Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas, chaynapi Dioswan huntasqa kanaykichikpaq.

Efesios 3:19 Iomraidhean Croise

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Juan 1:16

Paypa tukuy kapuqninmantam chani-chaninta mana imallapaq chaskinchik.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Romanos 8:35

¿Pitaq Cristopa kuyakuyninmanta rakiwachwan? ¿Sasachakuychu, llakikuychu, qatikachasqa kaychu, yarqaychu, wakchayaychu, wañuypa patanpiña kaychu, icha wañuychu?

Romanos 8:39

altopi kaqpas, uku-ukupi kaqpas, nitaq ima unan-chasqa kaqkunapas, Señorninchik Jesucristontakama Diospa kuyakuynin qowasqanchikmantaqa manam imapas rakiwasunchu.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Efesios 1:23

Llapallan iglesiakunaqa Cristopa cuerponmi, cuerpowan umaqa hukllam, chaynam iñiqkunapas Cristowanqa huklla kachkanku, payllam lliwpi llimparichkan.

Efesios 3:18

Chaynapim llapallan iñiqkunawan kuska Cristopa kuyawasqanchikta yachankichik, mayna anchom, mayna largom, mayna ukum hinaspa mayna hatun kasqanta.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:25

Qosakuna, warmikichikta kuyaychik, imaynam Cristopas iñiqkunata kuyaspan paykunarayku vidanta qoykusqanta hina.

Filipenses 1:7

Qamkunamanta kayna piensayniyqa allinmi, qamkunatam sonqoypi apay-kichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Filipenses 4:7

Diosninchikmi hawkayayta qosunkichik, chaytaqa manam runaqa entiendeyta atinchu, chay hawkayaymi sonqoykichiktawan yuyaymanaynikichikta Jesucristopi waqaychanqa.

Colosenses 1:10

Mañakuchkanikuqa Señor-pa qatiqninkuna hina kawsaspa, paypa munasqanta ruwaspa allinta rurunaykichikpaqmi chaynataq aswan mastaraq Diosninchikmanta yachanaykichikpaqmi.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.