Efesios 3:17 - CHUYA QELLQA La Biblia en Quechua de Ayacucho 2012

¹⁷ Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Quechua Ayacucho Bible 1987

¹⁷ Chaynapim confiakuptikichik sonqoykichikpi Cristo kanqa hinaptinmi allin sapichakusqa hina hinaspa ukuneqpi cimientasqa hina kuyanakuypi takyankichik.

Chuya Qellqa 1992

¹⁷ Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Efesios 3:17 Iomraidhean Croise

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Mateo 13:6

ichaqa mana sumaq sapichakusqa kasqanraykum inti lloqsiramuspan chakirachirqa.

Lucas 6:48

taqrata tarinankama uch-kuspan chaypa hawanpi wasinpa cimientonta hatarichiq runamanmi. Lloqlla chayamuspanpas chay wasitaqa allin ruwasqa kasqanraykum mana tuñichiyta atinchu.

Juan 14:17

Cheqap Espiritutaqa kay pachapi kaqkunaqa manam chaskinmankuchu, paykunaqa manam rikunkuchu nitaqmi reqsinkuchu. Qamkunam ichaqa reqsinkichik qamkunawan kasqanrayku, payqa qamkunapitaqmi kanqa.

Juan 14:23

Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.

Juan 17:23

Ñoqam paykunapi kachkani, qamñataqmi ñoqapi, chaynapi paykunaqa hukllaña ka-nankupaq, chaynapim runakuna yachan-qaku qampuni kachamuwasqaykita, yachanqakutaqmi kuyawasqaykita hina paykuna kuyasqaykitapas.

Juan 6:56

Aychay mikuqqa hinaspa yawarniy tomaqqa ñoqapim kachkan, ñoqañataqmi paypi.

Romanos 5:5

Diospi hapipakuyñataqmi paypi takyachiwanchik, Diosmi kuyakuyninta sonqonchikman huntaykuwarqanchik qowasqanchik Chuya Espirituntakama.

1~Corintios 3:6

Ñoqam tarpurqani, Apolosñataqmi parqorqa, ichaqa Diosmi wiñachirqa.

1~Corintios 8:1

Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik.

2~Corintios 13:5

Sonqoykichikta tapukuykuychik, ¿cheqaptachu iñiynikichikpi takyachkankichik? Sumaqta tapukuychik ¿Manachu musyakunkichik sonqoykichikpi Jesucristo kasqanta? Diospa mana chaskisqan kaspallachá manaqa yachawaqchikchu.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 2:7

Paypi sapinchasqayá allinta takyaychik, yachachisqa kasqaykichikman hinayá iñiypi kallpachakuychik, Diosman graciasta qospa.

1~Juan 4:16

Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

Apocalipsis 3:20

Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.