Efesios 2:4 - CHUYA QELLQA La Biblia en Quechua de Ayacucho 2012

⁴ Ichaqa llakipayakuq Diosmi llumpayta kuyawaspanchik,

Quechua Ayacucho Bible 1987

⁴ Aswanqa kuyapayarikuqllaña Diosmi llumpa-llumpayta kuyawaspanchik,

Chuya Qellqa 1992

⁴ Aswanqa llakipayakuq Diosmi llumpayta kuyawaspanchik,

Efesios 2:4 Iomraidhean Croise

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Isaías 63:7

Tayta Diospa kuyakuyninmantam willakusaq, ñoqanchikrayku tukuy ima ruwasqankunata yuyarispam, Israelta tukuy imapi bendecisqanta yuyarispam, llakipayakuyninman hina ruwasqanmanta yuyarispam, llumpay kuyapayakuyninta yuyarispam takisaq.

Jeremías 31:3

Tayta Diosqa unayñam rikuriwarqa, hinaspam kaynata niwarqa: Wiñaypaq kuyakuywanmi kuyarqayki, chay kuyakuyniyman hinallam kuyapayachkayki.

Daniel 9:9

Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Lucas 1:78

Diosninchikmi kuyapayawaspanchik hanaq pachamanta musoq punchawpa kanchariyninta qoykuwanchik,

Romanos 10:12

Chaynaqa, judiokunawan mana judío kaqkunapas chay hinallam kanku. Señorninchikqa lliwchanchikpaqmi chullalla. Payqa haykam mañakuqkunamanmi chaninninpi qon.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

Romanos 5:8

Diosmi ichaqa kuyakuyninta qawachiwanchik huchasapa kachkaptinchikpas ñoqanchikrayku Cristo wañupuwas-qanchikwan.

Romanos 9:23

Chaynataqmi kuyayllapaq mankamanta hina ñoqanchikmantapas kuyapayarikurqa llumpay hatun atiyninta qawachikunanpaq. Ñawpaqmantapunim preparawachkanchik payman rikchakuqña sumaq kancharichkaq kananchikpaq.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Efesios 2:7

Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

2~Tesalonicenses 2:13

Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.

1~Timoteo 1:14

Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.