Efesios 2:2 - CHUYA QELLQA La Biblia en Quechua de Ayacucho 2012

² Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Quechua Ayacucho Bible 1987

² Wañusqa hinaqa karqankichik kay pachapi mana allin rurayllapi kawsaspaykichikmi hinaspa mana rikuy atinakunapi munaychakuqpa kamachikusqanta kasukuspaykichikmi. Kunanpas chay munaychakuqmi Diosta mana kasukuqkunataqa kallpanchachkan.

Chuya Qellqa 1992

² Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa wayrapi mana allin espiritukunapa kamachikusqanta kasukuspaykichikmi. Kunanpas chay mana allin espirituqa Diosta mana kasukuqkunapim munaychakuchkan.

Efesios 2:2 Iomraidhean Croise

Jobwan Sutichasqa Libro 1:16

Manaraqpas chay runa willakuyta tukuchkaptinmi huk runapas chayaramuspan nirqa: Rayo wichiykamuspanmi llapa ovejakunatawan llapa michiqkunata kañarun. Ñoqallañam lluptiramuni qanman willanaypaq, nispa.

Jobwan Sutichasqa Libro 1:19

qonqaymanta chunniq lawmanta sinchi wayra rikuriramuspan churikikunapa kasqan wasita tawan esquinanmanta tuñirachin, hinaptinmi lliw wañurunku. Ñoqallañam lluptiramuni qanman willanaypaq, nispa.

Jobwan Sutichasqa Libro 1:7

chaymi Tayta Dios tapurqa: ¿Maymantataq hamuchkanki? nispa. Satanasñataqmi nirqa: Allpa pacha patan-patan muyumusqaymantam hamuchkani, nispa.

Jobwan Sutichasqa Libro 31:7

Sichum allin ñanmanta rakikuruptiyqa, sichum hukpa kaqta munapayaptiyqa, sichum runapa kaqta makiypi tariruptinqa,

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 57:4

¿Pimantataq asikurqankichik? ¿Pitataq simikichikwan hatunmanta kutipakurqankichik? ¿Pitataq qallupayarqankichik? Qamkunaqa mana kasukuq llulla miraykunam kankichik.

Jeremías 23:10

Kay nacionqa waqllikuq runakunapa huntasqanmi kachkan, ñakasqa kasqankuraykum allpapas llakisqa kachkan, chunniqpi pastokunapas chakisqam kachkan, chay profetakunaqa mana allinkuna ruwaypim kallpakachanku, atiyniyuq kasqankupas mana allinkuna ruwanallankupaqmi.

Oseas 10:9

Tayta Diosmi kaynata nin: Israelpa mirayninkuna, qamkunaqa mana allin runakunam kankichik; Gabaapi huchallikusqaykichikmantam kunankama huchallikuyta mana saqenkichikchu, chayraykum maymi huchallikusqaykichikpi chinkachisqa kankichik.

Mateo 11:19

Runapa Churin hamuspa mikuptin tomaptinñataqmi ninkichik: “Kay runaqa mikuysapa hinaspa vinolla upyakuqmi, impuesto cobraqkunapa hinaspa huchasapakunapa amistadninmi”, nispaykichik. Diospa yachayninqa ruwasqankunapim qawachikun, nispa.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Mateo 13:38

Chakrañataqmi kay pacha, allin muhum Diospa munaychakuyninpa churinkuna, vallikuñataqmi su-paypa churinkuna.

Marcos 4:19

ichaqa kay pachapi kaqkunamanta preocupakuykunam, qori-qollqella maskaykunam hinaspa tukuy ima munapayaykunam paymanta munaychakuruspan Diospa palabranta chinkarachin, chaynapi mana rurunankupaq.

Lucas 16:8

Hinaptinmi patronnin chay mana allin ruwaq mayordomopa sakri kaywan ruwasqanta allinpaq hapirqa. Arí, runamasinwan imatapas ruwanankupaqqa kay pachapi runakunam aswan sakri kanku Diospa churinkunamantaqa.

Lucas 22:31

Señorqa nirqataqmi: Simón, Simón, Satanasmi mañakurun trigota hina suysusunaykichikpaq,

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Juan 13:2

Jesusmi discipulonkunawan cenachkarqa, diabloqa Simonpa churin Judas Iscariotetam umacharurqaña Jesusta traicionananpaq.

Juan 13:27

Chayta mikuykuptillanmi Judasman Satanás yaykururqa. Chaymi Jesús nirqa: Chay ruwanaykita utqayman ruway, nispa.

Juan 14:30

Qamkunawanqa manañam unay-ñachu rimasaq, ñam hamuchkanña kay pachapi kamachikuq. Payqa manam imaniraqllatapas ñoqamantaqa munaychakunchu.

Juan 15:19

Kay pachapaq kaptikichikqa runakunachá kuyasunkichikman kikinkuta hina, ichaqa manam kay pachapi kaqñachu kankichik, aswanmi kay pachamanta akllakurqayki-chik, chayraykum runakunaqa cheq-nisunkichik.

Juan 16:11

juiciomantañataqmi reqsichinqa, kay pachallapi kamachikuqqa juzgasqaña kasqanmanta.

Juan 7:7

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.

Juan 8:23

Jesusñataqmi nirqa: Qamkunaqa kankichik kay pachallaman-tam, ñoqañataqmi kani hanaq pachamanta. Qamkunaqa kankichik kay pachapi kaqmi, ñoqam ichaqa mana kay pachapi kaqchu kani.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Hechos 19:35

Hinaptinmi chay llaqtapa secretarion, chay runakunata upallarachispan nirqa: Llaqtamasiykuna, lliw runakunam yachanku kay Éfeso llaqtapi hatun mamacha Dianapa templon nanachikusqanchiktaqa, yachankutaqmi cielomanta uraykamuq imagennin nanachikusqanchiktapas.

Hechos 5:3

Hinaptinmi Pedro nirqa: Ananías, ¿imanasqamá Satanasqa sonqoykita munaychakurun, chaynapi chakra rantikusqayki qollqeta raki-kuykuspayki Chuya Espirituta llulla-kunaykipaqqa?

Romanos 12:2

Kay tiempopi runakunapa ruwasqantaqa ama qatipakuychikchu, aswanqa yuyaymanaynikichiktayá allinmanña tikraychik, chaynapi kawsaynikichik musoqña kananpaq. Chaynata kaw-saspam yachankichik imaynam Diospa munayninman hina hinaspa mana pantaspa paypaq hina kawsayta.

1~Corintios 5:10

Kaywanqa manam nichkaykichik kay pachapi llapallan huchapakuq runakunamanta, qollqella kuyaqkunamanta, suwakunamanta, ídolo yupaychaqkunamanta pasaypaq rakikurunaykichiktachu, chayna kaptinqa kay pachamantachiki lloqsikuchwanña.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Efesios 1:21

Hinaspam hatuncharun gobiernaqkunapa, kamachikuqkunapa, atiyniyuqkunapa, munaychakuqkunapa, chaynataq kunan tiempopi, hamuq tiempopi imaymana sutiyuqkunapa hawanpim hatuncharun.

Efesios 2:11

Chaynaqa, mana judío kaqkuna, imaynam ñawpaq tiempopi kasqaykichiktayá yuyariychik. Qari kayninpi señalasqa judiokunam qamkunata nisurqankichik: “Mana señalasqakuna”, nispanku.

Efesios 2:13

Kunanmi ichaqa Jesucristoman hukllawasqaña kachkanchik yawarnin chaqchusqanrayku. Qamkunam ñaw-paqtaqa karupi karqankichik, kunan-mi ichaqa hichpallanpiña kachkan-kichik.

Efesios 2:3

Ñawpaqtaqa lliwmi ñoqanchikpas kawsarqanchik mana allin piensasqanchikkunaman hina munasqallanchikpi purikuspa hinaspa aychapa munasqallanta ruwaspa, chayraykum llapa runakunawan kuska castigopaqña karqanchik.

Efesios 4:17

Señorninchikpa sutinpim nikichik: Amañayá Dios mana reqsiq runakuna hinaqa kawsaychikchu, paykunaqa mana allin piensasqankuman hinallam kawsachkanku.

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Colosenses 1:21

Ñawpaqtaqa Diosmanta karun-chasqam karqankichik, mana allinkunata ruwaspam Diosta cheqnirqanchik, kunanmi ichaqa kikinpuni qamkunawan allinyanakuykun.

2~Timoteo 4:10

Demaspas kay pachapi kaqkunallata kuyaruspanmi saqeruwan, hinaspam Tesalónica llaqtaman ripukun. Crescentem Galacia lawman pasan, Titoñataqmi Dalmacia lawman pasan.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

Santiago 1:7

Iskayrayaspa mañakuq runaqa amayá suyachunchu Señormanta imapas chaskiytaqa.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

1~Pedro 1:14

Kasukuq churinkuna hinayá kawsaychik, amañayá Diosta manaraq reqsispa ñawpaq vidaykichikpi hinaqa kawsaychikchu.

1~Pedro 4:3

Qamkunaqa unay tiempoñam huchallikurqankichik Diospi mana iñiqkunapa munasqan-ta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik.

2~Pedro 2:14

Warmitapas waqllikuy ñawinkuwan-mi qawanku, huchallikuytaqa manam aminkuchu, pisi iñiyniyuqkunatam enga-ñanku, sonqonpim runapa kaqninta muna-payanku, kaykunaqa ñakay runakunam.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

1~Juan 5:19

Yachanchikmi Diospaña kasqanchikta chaynataq kay pachapi kaqkunaqa diablopa makinpiña kasqantapas.

1~Juan 5:4

haykam Diosmanta naceqkunaqa kay pachapi mana allin kaqkunataqa vencerunñam. Iñiyninchikmi kay pachapi mana allin kaqkunata vencerachiwanchik.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 16:17

Qanchis kaq angelpas copa apasqantam wayraman talliykurqa, hinaptinmi hanaq pachapi kaq templopi Diospa trononmanta huk qapariy uyarikurqa: ¡Ruwasqañam kachkan! niq.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.