Efesios 2:15 - CHUYA QELLQA La Biblia en Quechua de Ayacucho 2012

¹⁵ Judiokunaman ñawpaq leykuna qosqantam, Señorninchik Jesucristo wañuspan mana valeqpaqña ruwarun, chaynapim judiokunatapas hinaspa mana judío kaqkunatapas kikinmanña asuykachispan musoq ayllutaña ruwarun. Chaynatam paykunamanqa hawkayayta qorqa.

Quechua Ayacucho Bible 1987

¹⁵ Judiokunaman ñawpaq kamachisqankunatam Cristo wañuspan mana valeqpaqña rikurirachin, chaynapim judiokunatapas hinaspa mana judio kaqkunatapas kikinmanña asuykachispan mosoq ayllumanña hukllawarun. Chaynapimá paykunataqa hawkayaykachirqa.

Chuya Qellqa 1992

¹⁵ Judiokunaman ñawpaq leykuna qosqantam, Señorninchik Jesucristo wañuspan mana valeqpaqña ruwarun, chaynapim judiokunatapas hinaspa mana judío kaqkunatapas kikinmanña asuykachispan musoq ayllutaña ruwarun. Chaynatam paykunamanqa hawkayayta qorqa.

Efesios 2:15 Iomraidhean Croise

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

Gálatas 3:10

Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 6:15

Jesucristopiqa qari kayninpi señalasqa kaypas otaq mana señalasqa kaypas manam valenchu, musoq runaña kaymi valenqa.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 2:14

Cristollam hawkayay apamu-waqninchikqa, paymi rakiwaqninchik perqata tuñirachispan judiokunatawan mana judío kaqkunata hukllawaruwanchik.

Efesios 2:16

Cristom cruzpi wañusqanwan Dios-wan allinyanachispan iskaynin llaqtakunata hukllamanña huñururqa, chaynataqa ruwarqa cheqninakusqankuta pasaypaqta chinkachispanmi.

Efesios 4:16

Cristom llapallan iñiqkunata huk cuerpollata ruwawanchik, chaynataqa ruwawanchik cuerpopa partenkuna yanapanakunanpaq ankukunawan tinkinachkaq hinam, chaynapim sapakama ima ruwananchikta allinta ruwaspa kuyakuywan kallpanchakuspa wiñasunchik.

Colosenses 2:14

Diosmi leyman hina huchanchikrayku castigasqa kananchikmanta lliwta pagaykun, hinaspam Cristopa cruzpi wañusqanwan libraykuwanchik.

Colosenses 2:20

Cristowan wañuspaykichikqa runakunapa costumbrenkuna ruwaytaqa saqerunkichikñam, hinaspaqa, ¿imanasqa-má kay pachapi mana allin ruwaykunaman hinallaraq kawsaspaykichikqa,

Colosenses 3:10

musoq runa hinañam aswan-aswanraq musoqyachisqa kachkankichik, unanchaqnikichikman rikchakunaykichikpaq, chaynapi payta allinta reqsinaykichikpaq.

Colosenses 3:11

Kunanqa manam imananñachu judío otaq mana judío kaypas, qari kayninpi señalasqa otaq mana señalasqa kaypas, huklaw nacionniyuq kaypas, mana leeq kaypas, esclavo kaypas otaq libre kaypas, tukuy imamantapas allinqa Cristollam, payqa lliw iñiqkunapim kawsachkan.

Colosenses 3:15

Cristopa hawkayayninyá sonqoykichikpi munaychakuchun, Diosqa qayasurqankichik huk cuerpolla kanaykichikpaqmi. Chaynaqa, agradecekuqyá kaychik.

Hebreos 7:16

Cristoqa manam runapa hapipakusqan tukuruqlla leyman hinachu akllasqaqa karqa, aswanqa mana haykapipas wañuq kasqanraykum.

Hebreos 8:13

Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.

Hebreos 9:23

Hanaq pachapi kaqkunamanmi kay pachapi kaqkunaqa rikchakun. Kay pachapi kaqkunaqa animalpa yawarninwanmi chuyanchasqa kanan karqa. Hanaq pachapi kaqkunam ichaqa aswan allinnin sacrificiowanraq chuyanchasqa kanan karqa.