Efesios 2:12 - CHUYA QELLQA La Biblia en Quechua de Ayacucho 2012

¹² Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

Quechua Ayacucho Bible 1987

¹² Chay tiempokunapiqa Cristomanta karunchasqa kaspam *f**Israelpa mirayninkunamantapas rakisqa karqankichik, manamá yacharqankichikchu contratota ruraspan Diospa prometekusqantapas. Mana ima consuelollatapas suyaspam cheqap Diosmanta karunchasqa kay pachapi kawsarqankichik.

Chuya Qellqa 1992

¹² Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

Efesios 2:12 Iomraidhean Croise

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

2~Crónicas 15:3

Unay tiempom Israel runakunaqa mana cheqap Diosniyuq, mana sacerdotepa yachachisqan hinaspa mana kamachikuyniyuq karqaku.

Esdras 4:3

Chaymi Zorobabelwan Josué hinaspa Israel ayllukunapi kamachikuqkuna nirqaku: Qamkunawanqa manam huklla wakuy-mankuchu Diosniykupa templon hatarichinaykupaqqa. Israelpa yupaychasqan Tayta Diospa templontaqa ñoqallaykum hatarichisaqku, imaynam Persia nacionpa reynin Ciropa kamachimuwasqankuman hina, nispanku.

Éxodo 12:45

Huklaw llaqtayuqqa, samapakuqpas otaq llamkapakuqpas amam mikunqachu.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 45:20

Nacionkunamanta lluptiqkuna huñunakuspa asuykamuwaychik. Kullumanta idolokunata llaqllaruspa apaykachaqkunaqa mana serniyuq runakunam, mana salvay atiq idolokunata mañakuqkunaqa mana yuyayniyuq runakunam.

Isaías 61:5

Ovejankunatapas huklaw llaqtayuqkunam michinqaku, uvas chakraykichikkunapipas mana reqsisqa runakunam llamkanqaku.

Jeremías 14:8

Israelpa hapipakunan Diosnillayku, sasachakuy punchawkunapi salvaqnillayku, ¿imanasqataq kay nacionpi huklaw llaqtayuq hinallaña rikurirunki? ¿Imanasqataq samapakuq hinallaña rikurirunki?

Jeremías 17:13

Israelpa hapipakunan Dios Taytalláy, pipas qepanchakusuqnikiqa penqaypim tarikunqa. Qanmanta rakikuqkunaqa allpapi qellqasqa suti hinam chinkarunqa. Chaynaqa kanqaku, kallpaq mayu hina kachkaptiki qam Tayta Diosta saqerusqankuraykum.

Ezequiel 13:9

Chaynaqa, profeta tukuspa revelacionpi yanqa qawaqkunapa contranpim hinaspa llullata profetizaqkunapa contranpim hatarisaq, llaqtay huñunakuptinpas manam chaymanqa yaykunqakuchu. Sutinkupas manam Israelpa listanpiqa qellqasqachu kanqa; Israel allpamanpas manam paykunaqa kutinqakuchu. Chaynapim Tayta Dios kasqayta yachankichik.

Ezequiel 37:26

Hawka kawsakunankupaqmi pay-kunawan pactota ruwasaq. Chay pactoqa wiñaypaqmi kanqa. Paykunata anchallataña mirachispaymi temploytapas chawpinkupi wiñaypaq churasaq.

Ezequiel 47:22

Kay allpam tupa-suqnikichik herencia kanqa, qonkichiktaqmi chawpikichikpi yachaq huklaw llaqtayuqkunamanpas chaynataq churinkunamanpas. Paykunataqa Israel ukupi naceqta hinam qawankichik. Kay allpata partenakuspaykichikqa paykunamanpas tupaqnintam partenkichik.

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Números 18:19

Israelpa mirayninkuna ñoqa Tayta Diospaq sapaqchapuwasqan ofrendakunatam qanman qoyki chaynataq qanwan yachaq qari-warmi churikikunamanpas. Chayqa wiñaypaq kamachikuymi kanqa. Chaymi wiñaypaq pactoy kanqa, qampaqpas chaynataq miraynikikunapaqpas, nispa.

Lucas 1:72

ñawpaq taytanchikkunamanta llakipayarikuspan pacto ruwasqanta yuyarinanpaq.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 15:5

Ñoqam kani uvas planta, qamkunañataqmi kallmaykuna kankichik. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas ruwayta atiwaqchikchu.

Juan 4:22

Qamkunaqa manam yachankichikchu pitam yupaychasqaykichiktapas, ñoqaykum ichaqa pitam yupaychasqaykuta yachaniku, salvacionqa judiokunamantam hamun.

Hechos 2:39

Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Hechos 28:20

Chaynapim qayachimurqaykichik qamkunawan tupaykuptinchik willanaypaq. Israel miraykunapa suyasqanku hamurusqanmanta willasqayraykum kay cadenawan watasqa kachkani.

Hechos 3:25

Qamkunaqa profetakunapa castanmi kankichik, qamkunapaqmi pactota Dios ruwarqa ñawpaq taytaykichikkunawan, hinaspam Abrahamta nirqa: “Kay pachapi llapallan ayllukunam miraynikirayku chaninchasqa kanqaku”, nispa.

Romanos 9:8

Chaynaqa, manam imananchu pipa miraynin kaypas Diospa churin kanapaqqa. Aswanqa Diospa promesanman hina naceqkunallam Abrahampa cheqap mirayninkuna hinaqa kanku.

Gálatas 4:8

Ñawpaq tiempopiqa Diosninchikta mana reqsisqaykichikraykum, kay pachapi dioskunata servirqankichik.

Efesios 2:19

Qamkunaqa manañam huklaw llaqtayuq forasterokuna hinañachu kankichik, qamkunaqa Diosllapaqña kawsaqkunapa llaqtamasinñam hinaspa Diospa ayllunñam kankichik.

Efesios 4:18

Paykunaqa yuyayninku tutayasqa kaptinmi mana entiendenkuchu, Diospa qosqan musoq kawsaymantaqa karupim kachkanku, sonqonku rumiyasqa kasqanraykum mana yachayniyuq kachkanku.

Colosenses 1:21

Ñawpaqtaqa Diosmanta karun-chasqam karqankichik, mana allinkunata ruwaspam Diosta cheqnirqanchik, kunanmi ichaqa kikinpuni qamkunawan allinyanakuykun.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

1~Tesalonicenses 4:13

Wawqe-panillaykuna, munachkanikutaqmi wañuqkunamanta yacha-naykichiktapas, chaynapi mana suyakuyniyuqkuna hina ama llakikunaykichikpaq.

1~Tesalonicenses 4:5

Amayá aychaykichikpa mana allinkuna munaynintaqa ruwaychikchu, Diosta mana reqsiq runakuna hinaqa.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

1~Timoteo 1:1

Ñoqa Pablom Cristo Jesuspa apostolnin kani, salvaqninchik Dioswan hinaspa suyasqanchik Cristo Jesuspa kamachisqanman hina.

Hebreos 11:34

ninapipas manam ruparqakuchu, espadawan wañuchisqa kanankumantam lluptirqaku, mana kallpayuq kachkaspankupas kallpanchakurqakum, guerrapi peleaspankupas qarinchakuspankum huklaw llaqtayuq tropakunatapas qatikacharurqaku.

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

Hebreos 8:6

Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Pedro 3:15

Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

1~Juan 3:3

Pipas paypi confiakuspan suyaqqa huchankunamantam chuyanchakun, imaynam Jesucristopas mana huchayuq kasqanman hina.