Efesios 2:11 - CHUYA QELLQA La Biblia en Quechua de Ayacucho 2012

¹¹ Chaynaqa, mana judío kaqkuna, imaynam ñawpaq tiempopi kasqaykichiktayá yuyariychik. Qari kayninpi señalasqa judiokunam qamkunata nisurqankichik: “Mana señalasqakuna”, nispanku.

Quechua Ayacucho Bible 1987

¹¹ Yuyariychikyá imaynam ñawpaq tiempopiqa kasqaykichikta. Qamkunaqa manam judio castachu kankichik. Cuerponkupi *f**señalasqa judiokunam ninku: —Ñoqaykuqa señalasqam kaniku, qamkunañataqmi mana señalasqa runakuna kankichik —nispa.

Chuya Qellqa 1992

¹¹ Chaynaqa, mana judío kaqkuna, imaynam ñawpaq tiempopi kasqaykichiktayá yuyariychik, qamkunatam “qari kayninpi señalasqa judiokuna, mana señalasqakuna, nispa” nisurqankichik.

Efesios 2:11 Iomraidhean Croise

Ezequiel 20:43

Chaypim tukuy mana allinkuna ruwasqaykichikta yuyarispa ñakakunkichik, tukuy mana allin ruwasqaykichikraykum kikikichikmantapunipas millakunkichik.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Mateo 20:7

Chaymi paykuna nirqaku: “Llam-kanaykupaqqa manam pipas minkawankuchu”, nispanku. Hinaptinmi nirqa: “Qamkunapas chakrayman rispa llamkamuychik, imam kaqtam pagasqaykichik”, nispa.

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

Romanos 2:26

Sichum pipas mana señalasqa kachkaspan leyman hina kasukuspanqa, mana señalasqa kachkaspapas señalasqapaq hapisqam kanqa.

Romanos 2:27

Cuerponpi mana señalasqa kachkaspan leyta kasukuqqa, cuerponpi señalasqa kachkaspan chaynataq leyta yachachkaspan mana kasukuqtam juzganqa.

1~Corintios 12:2

Qamkunaqa yachankichikmi, manaraq iñikuchkaspaykichikqa mana rimaq idolokunamanmi ñawsa hina aysasqa karqankichik.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

Gálatas 2:15

Ñoqanchikqa nacesqanchikmantapunim judío kanchik, manam huklaw llaqtayuq huchasapa runakuna hinachu.

Gálatas 6:12

Sichum pipas señalachi-kuychik nisuspaykichikqa, runakunawan allin lloqsiyta munaspam obligasuchkankichik, chaynapi Jesucristoqa cruzpi wañusqanmanta willakuspa mana qatikachasqa kanankupaqmi.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Deuteronomio 15:15

Egipto nacionpi esclavo kasqaykichik-manta Señornikichik Tayta Dios hurqomususqaykichiktam yuyarinkichik. Chayraykum chaynata kunan kamachikichik.

Deuteronomio 16:12

Egipto nacionpi esclavo kasqaykichikta yuyarispam kay kamachikuykunata kasukunkichik.

Deuteronomio 5:15

Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Deuteronomio 9:7

Kaytayá yuyariychik: Señornikichik Tayta Diosta chunniqpi piñachisqaykichiktaqa amam haykapipas qonqarunkichikchu. Egipto nacionmanta lloqsimusqaykichikmanta kayman chayamunaykichikkamam Tayta Diostaqa mana kasurqankichikchu.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Colosenses 1:21

Ñawpaqtaqa Diosmanta karun-chasqam karqankichik, mana allinkunata ruwaspam Diosta cheqnirqanchik, kunanmi ichaqa kikinpuni qamkunawan allinyanakuykun.

Colosenses 2:11

Paypi kasqaykichikraykum qarikaynikichikpi señalasqaña rikurirunkichik, ichaqa manam makiwanchu, aswanqa Diospunim Cristopi señalarusunkichik, chaywanmi huchallikuqllaña kaynikichikta wischurun.

Colosenses 2:13

Ñawpa vidaykichikpim huchaykichikwan hinaspa mana señalasqa kasqaykichikwan wañusqa hina karqankichik. Kunanmi ichaqa tukuy huchaykichikta pampachaykusunkichikña, hinaspam Diosqa kawsarirachisunkichikña Cristotawan kuskata.

Colosenses 3:11

Kunanqa manam imananñachu judío otaq mana judío kaypas, qari kayninpi señalasqa otaq mana señalasqa kaypas, huklaw nacionniyuq kaypas, mana leeq kaypas, esclavo kaypas otaq libre kaypas, tukuy imamantapas allinqa Cristollam, payqa lliw iñiqkunapim kawsachkan.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?