Efesios 2:10 - CHUYA QELLQA La Biblia en Quechua de Ayacucho 2012

¹⁰ Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Quechua Ayacucho Bible 1987

¹⁰ Diosqa mosoqyachiwarqanchik Cristowan huklla kaspa allinkunata rurananchikpaqmi, chaykuna rurananchiktaqa ñawpaqmantaraqmi munarqa.

Chuya Qellqa 1992

¹⁰ Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 2:10 Iomraidhean Croise

Isaías 19:25

Tukuy Atiyniyuq Tayta Diosmi paykunata kaynata nispan bendecinqa: “Ñoqam bendecini Egipto runaykunata, bendecinitaqmi unanchasqay Asiria naciontapas chaynataq akllakusqay Israel naciontapas”, nispa.

Isaías 29:23

aswanqa mirayninkunam llaqtankupi imam ruwasqayta qawaspanku Chuya Dios kasqayta reqsinqaku, hinaspam ñoqata, Israelpa Diosninta manchakuwanqaku.

Isaías 43:21

Kay llaqtataqa kikiypaqmi unancharqani, chaynapi hatunchasqa kasqayta willakunankupaq.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Isaías 44:21

Jacobpa miraynin Israel llaqta, kaykunata yuyariy: Serviwaqniymi kanki, ñoqam unancharqayki, serviqniymi qamqa kanki; manam haykapipas qonqasqaykichu.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Juan 3:21

Cheqap kaqman hina kawsaqkunam ichaqa, achkiyman asuykamunku, Diospa munasqanman hina ruwasqankuta qawachikunankupaq.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

Hechos 9:36

Jope llaqtapim yacharqa Jesucristopi iñikuq Tabita sutiyuq warmi, paypa sutinmi griego rimaypi karqa Dorcas. Paymi allinkunata ruwaspan wakchakunata yanapaq.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

2~Corintios 5:5

Kayna kanapaq ruwawaqninchikqa Diosmi, paymi garantiata hina Chuya Espirituta qowarqanchik.

2~Corintios 9:8

Diosqa mirayniyuqtam mana imaykichikpas pisipusunaykichikpaq imatapas qosunkichik, chaynapi wakin runakunamanpas yanapanaykichikpaq.

Gálatas 6:15

Jesucristopiqa qari kayninpi señalasqa kaypas otaq mana señalasqa kaypas manam valenchu, musoq runaña kaymi valenqa.

Efesios 1:1

Diospa munasqanman hina Cristo Jesuspa apostolnin ñoqa Pablom, Éfeso llaqtapi Jesucristoman iñispa payllapaqña sapaqchakuspa kawsaqkunaman qellqamuykichik.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 2:13

Kunanmi ichaqa Jesucristoman hukllawasqaña kachkanchik yawarnin chaqchusqanrayku. Qamkunam ñaw-paqtaqa karupi karqankichik, kunan-mi ichaqa hichpallanpiña kachkan-kichik.

Efesios 2:15

Judiokunaman ñawpaq leykuna qosqantam, Señorninchik Jesucristo wañuspan mana valeqpaqña ruwarun, chaynapim judiokunatapas hinaspa mana judío kaqkunatapas kikinmanña asuykachispan musoq ayllutaña ruwarun. Chaynatam paykunamanqa hawkayayta qorqa.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Efesios 2:6

Diosqa Jesucristotawan kuskatam kawsariykachiwanchik, chaynataqmi hanaq pachapipas paywan kuskata tiyaykachiwanchikña.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Efesios 4:24

Hinaspayá musoq runawan pachakuychik, Diosman rikchakuq kanaykichikpaq, chayna runatam Diosqa unancharqa cheqaptapuni mana huchallikuq justo kananpaq.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

Deuteronomio 5:33

Señornikichik Tayta Diospa kamachisusqaykichikman hina allinta kawsaychik, chaynapi yachanaykichik allpapipas unay watakuna kawsanaykichikpaq.

Filipenses 1:6

Yachanipunim, qamkunapi allinkuna qallariq Diosninchikqa Jesucristo kutimunankama chay qallarisqanta tukunanta.

Filipenses 2:13

Diosmi munasqanman hina allin munayta hinaspa allin ruwayta qamkunapi hatarichin.

Colosenses 1:10

Mañakuchkanikuqa Señor-pa qatiqninkuna hina kawsaspa, paypa munasqanta ruwaspa allinta rurunaykichikpaqmi chaynataq aswan mastaraq Diosninchikmanta yachanaykichikpaqmi.

Colosenses 3:10

musoq runa hinañam aswan-aswanraq musoqyachisqa kachkankichik, unanchaqnikichikman rikchakunaykichikpaq, chaynapi payta allinta reqsinaykichikpaq.

2~Tesalonicenses 2:17

son-qoykichikta kallpanchachun hinaspa tukuy ruwaynikichikpiwan allin rimaynikichikpi takyachisunkichik.

1~Timoteo 2:10

Aswanqa allin kaqkunata ruwaspayá Diosta hatunchaq warmikuna hina qawachikuchunku.

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

1~Timoteo 5:25

Chayna-llataqmi runapa allinkuna ruwasqankunapas sutilla qawachikun, mana allinkuna ruwasqakunapas manataqmi pakasqachu kanqa.

1~Timoteo 6:18

Allin kaqkuna ruwanankupaq kamachiy, allinkuna ruwayninyá apu kayninkuqa kachun, kuyakuywan imallankupas qokuykuqyá kachunku.

2~Timoteo 2:21

Chaynam ñoqanchikpas mana allin kaqkunamanta sapaqchakuspanchikqa Señorninchikpa instrumenton kasunchik. Diosllapaqña sapaqchakuspam chaylla kasunchik paypa munasqanta imatapas allinta ruwananchikpaq.

2~Timoteo 3:17

Chaynapi Diospa runankunaqa yachayniyuq kaspa tukuy allinkunata ruwanankupaq.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Tito 2:7

Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy,

Tito 3:1

Iñiqkunatayá yuyarichiy, kamachikuqkunaman, autoridadkunaman sujetakunankupaq, kasukuqyá kachunku, allinkuna ruwayta chaylla ruwachunku.

Tito 3:14

Iñiqmasinchikkunapas allinkunata ruwaspa mana imayuqkunaman yanapaykuyta yachachunku, chaynapi ruwasqankuwan allin ruruchkaq hina kanankupaq.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Hebreos 10:24

Hukninchikmanta hukninchikkama yanapanakuytayá maskasunchik, tukuymanta llalliqtaqa kuyanakuspa allinkuna ruwayta.

Hebreos 13:21

munasqanman hina ruwanaykichikpaq tukuy allin kaqkunata qosunkichik. Jesucristoraykuyá Diospa agradonpaq ruwawasun. ¡Jesucristoyá wiña-wiñaypaq yupaychasqa kachun! Amén.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

1~Juan 2:6

“Dioswanmi hukllaña kachkani” niqqa Jesucristopa kawsasqanman hinam purinan.