Efesios 1:7 - CHUYA QELLQA La Biblia en Quechua de Ayacucho 2012

⁷ Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Quechua Ayacucho Bible 1987

⁷ Llumpa-llumpayta favorecewaspanchikmi Diosqa Churin Jesucristopa yawarninwan librawarqanchik otaq huchanchikkunata pampachaykuwarqanchik.

Chuya Qellqa 1992

⁷ Diosmi kuyawaspanchik Churin Jesucristopa yawarninwan huchanchikkunata pampachaykuwaspanchik librawarqanchik.

Efesios 1:7 Iomraidhean Croise

Jobwan Sutichasqa Libro 33:24

chay runamanta llakipayarikuspanyá Diosta kaynata nichun: “Wañuymanta libraykuy, payqa tarirunñam salvaqninta”, nispa.

Éxodo 34:7

Ñoqaqa waranqantin miraykunakama kuyapayakuqmi kani, mana allin ruwaqtapas, mana kasukuqtapas, huchallikuqtapas pampachaykuqmi kani. Huchayuq runatam ichaqa, Tayta-mamakunamanta qallaykuspa willkanpa willkankunakama castigasaq”, nispa.

Isaías 43:25

Ñoqam ichaqa Diosniki kasqayrayku lliw mana kasukuynikikunata pampachayki, huchaykikunatapas manañam yuyasaqñachu.

Jeremías 31:34

Ñoqa Tayta Diosmi kaynata nini: Ñoqata reqsiwanankupaqqa, ayllupurapas, reqsinakuqpurapas, manañam yachachinakunqakuñachu; aswanqa llapallankuñam warmakunapas chaynataq yuyayniyuqkunapas reqsiwanqaku. Mana allinkuna ruwasqankuta pampachaspaymi huchankutapas manaña mastaqa yuyarisaqñachu, nispa.

Daniel 9:19

¡Señorlláy, uyariykullawayku! ¡Diosnilláy, pampachaykullawayku! ¡Señorlláy, uyariykuspa yanapay-kullawayku! Diosnilláy, kikikirayku, Jerusalén llaqtaykirayku, sutikita hatunchaq runaykikunarayku ama unamuychu, nispa.

Daniel 9:9

Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Zacarías 9:11

Yawarwan pactota ruwasqanchikraykum, mana yakuyuq pozokunapi presochasqa kasqankumanta runaykikunata libramusaq.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Mateo 26:28

Kayqa musoq pactota ruwasqay yawarniymi. Kay yawarmi achkaqpa rantinpi chaqchusqa kanqa, chaynapi huchanku pampachasqa kananpaq.

Mateo 6:12

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina.

Marcos 14:24

Chaymi Jesús nirqa: Kaymi qamkunawan musoq pacto ruwasqay yawarniy, kay yawarmi achkaqpa rantinpi chaqchusqa kanqa.

Lucas 1:77

Hinaspam llaqtanman willamunki huchankumanta pampachasqa kaspa salvasqa kanankuta.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Juan 20:23

Huchakuna pampachasqaykichikqa pampachasqam kanqa, mana pampachasqaykichikqa manataqmi pampachasqachu kanqa, nispa.

Hechos 10:43

Llapa profetakunapas Jesusmantam kaynata nirqaku: “Payman llapallan iñiqtaqa Diosmi huchanmanta pampachanqa”, nispanku.

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Hechos 3:19

Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

Romanos 3:24

Diosmi ichaqa kuyapayakuyninpi mana imallapaq, Cristo Jesús rantin-chikpi wañusqanrayku mana huchayuqtaña ruwaykuwanchik.

Romanos 3:25

Diosmi ñawpaq huchanchikkunata pampachawananchikpaq Jesucristota churarqa, wañuspa yawarnin chaqchusqanwan salvasqa kananchikpaq, chaytaqa iñiyllawanmi haypanchik. Chaynatam Diosqa pacienciayuq kasqanta qawachiwanchik.

Romanos 9:23

Chaynataqmi kuyayllapaq mankamanta hina ñoqanchikmantapas kuyapayarikurqa llumpay hatun atiyninta qawachikunanpaq. Ñawpaqmantapunim preparawachkanchik payman rikchakuqña sumaq kancharichkaq kananchikpaq.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Efesios 1:14

Chuya Espirituqa herencia chaskinanchiktam garantizan llapallan rantisqankunata Dios libranankama, chaynapi hatun sumaq kancharichkaq kayninmanta yupay-chananchikpaq.

Efesios 1:18

Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

Efesios 1:8

Diosmi kuyakuyninta ñoqanchikman llimpariqta qowarqanchik, chaynapi yachayniyuq hinaspa allin yuyayniyuq kananchikpaq.

Efesios 2:4

Ichaqa llakipayakuq Diosmi llumpayta kuyawaspanchik,

Efesios 2:7

Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi.

Efesios 3:16

Taytanchiktam mañakuchkani hatu-hatun kayninman hina Espiritunpa atiyninwan sonqoykichikta kallpanchananpaq.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Filipenses 4:19

Diosniymi tukuy ima pisipususqaykichikta qosunkichik sinchi kapuqninman hina, Jesucristopi tukuy iman kapusqanman hina.

Colosenses 1:14

Paypa wañusqallanwanmi huchanchikkunamanta pampachaykuspa libraykuwarqanchik.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 2:13

Ñawpa vidaykichikpim huchaykichikwan hinaspa mana señalasqa kasqaykichikwan wañusqa hina karqankichik. Kunanmi ichaqa tukuy huchaykichikta pampachaykusunkichikña, hinaspam Diosqa kawsarirachisunkichikña Cristotawan kuskata.

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

1~Timoteo 2:6

Paymi llapallanchikta salvawananchikpaq kikinmanta entregakurqa hinaspam rantinchikpi wañupuwarqanchik. Kayku-natam Dios reqsichiwanchik munasqan tiempopi.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Tito 3:6

Salvaqninchik Diosninchikmi Jesucristontakama Chuya Espiritunta chaqchurimuwarqanchik.

Hebreos 9:22

Leyman hinaqa yaqa llapallanmi yawarwan chuyanchasqa karqa. Yawar mana chaqchusqa kaptinqa huchaqa manam pampachasqachu kanman.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Juan 2:12

Churillaykuna, qamkunamanmi qellqamuykichik Jesucristopa sutinpi huchaykichikkunata Dios pampachas-qanrayku.

1~Juan 2:2

Paymi huchanchikrayku castigasqa kananchikmanta wañurqa, manataqmi ñoqallanchikpaqchu aswanqa kay pachapi llapallan runakunapaqwanmi.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.