Efesios 1:4 - CHUYA QELLQA La Biblia en Quechua de Ayacucho 2012

⁴ Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Quechua Ayacucho Bible 1987

⁴ Manaraqpas kay pacha unanchasqa kachkaptinmi Diosqa Cristorayku akllawarqanchikña chaynapi paypa qayllanpi mana chikanpas huchayoq kaspa payllapaqña kawsananchikpaq.

Chuya Qellqa 1992

⁴ Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 1:4 Iomraidhean Croise

2~Samuel 22:24

Qayllaykipiqa chuyatam kawsakurqani, mana allinkunamantam karunchakurqani.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Levítico 20:7

Chuyanchakuspayá ñoqallapaqña sapaqchakuychik, ñoqa Tayta Diosmi Diosnikichik kani.

Mateo 24:22

Sichum chay ñakariy punchawkuna mana asllayachisqa kaptinqa manachá pipas wañuymanta librakunmanchu. Ichaqa akllasqakunaraykum chay punchawkunaqa asllayachisqa kanqa.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Hechos 13:48

Mana judío kaqkunañataqmi chaykunata uyarispa kusikurqaku, hinaspam Señorta palabranmanta yupaycharqaku, chaymi wiñay kawsanankupaq akllasqa kaqkuna Jesucristoman lliw iñikurqaku.

Hechos 15:18

Ñawpaqmantaraq kaykunata reqsichiq Diosmi chaynata nin”, nispa.

Hechos 18:10

Ñoqam qanwan kachkani, manam pipas imanasunkichu. Kay llaqtapiqa achkallañam kachkan akllasqaykuna, nispa.

Romanos 8:33

Diosmi mana huchayuqtaña ruwawaqninchikqa, hinaptinqa, ¿pitaq Diospa akllasqankunata acusanman?

1~Corintios 1:8

Paytaqmi tukupay tiempokama takyachisunkichik, Señor-ninchik Jesucristo kutimuptin mana pipapas acusasqan kanaykichikpaq.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Efesios 4:2

Chaynaqa, uchuychakuspayá llampu sonqolla hinaspa pacienciakuq kaychik, imamanta pantanakuruspapas kuyakuywanyá aguantanakuychik.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:27

Chaynataqa ruwarqa iñiqkunata kancharichkaqta hina kikinman pusaykunanpaqmi, paykunaqa kanan manam qachachasqachu, qapichusqachu nitaq chayman rikchakuqchu, paykunaqa kanan payllapaqña kawsaspa mana imaniraqpas huchayuqmi.

Filipenses 2:15

chaynapim mana culpayuq hinaspa mana huchayuq kaspaykichik Diospa churin chuya sonqo kankichik millakuypaq huchallikuq runakunapa chawpinpi. Qamkunaqa tutapi kanchaq chaska hinam sutilla lliwpa reqsisqan kachkankichik.

Colosenses 1:22

Chaynaqa, karun Cristopa runa kayninpi wañus-qallanwanmi. Payqa wañurqa chuyanchasqata, mana qachayuqta hinaspa pasaypaq mana huchayuqtaña Diospa qayllanman pusaykusunaykichikpaqmi

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

1~Tesalonicenses 3:12

Señoryá huknikichikmanta huknikichikkama kuyanakuynikichikta llimparichichun, chaynallataq llapallan runakuna kuyanaykichikpaqpas, imaynam qamkunapaq kuyakuyniykuta hina.

1~Tesalonicenses 4:7

Diosqa manam millakuypaq hucha ruwaypi purinapaqchu qayawarqanchik, aswanqa payllapaqña kawsanapaqmi.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

2~Timoteo 2:10

Chaymi akllasqankunata kuyasqayrayku tukuyta ñakarispay aguantachkani, chaynapi paykunapas Cristo Jesusnintakama salvakuspanku wiñay kawsayta haypanankupaq.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Pedro 1:20

Chaynata wañunanpaqqa manaraqpas kay pacha unanchasqa kachkaptinmi citasqaña karqa, ichaqa kay tukupay tiempokunapim kuyasusqaykichikrayku rikurimurqa.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

2~Pedro 3:14

Kuyasqay wawqe-panillaykuna, kaykunata suyachkaspaqa utqaymanyá huchaykichikmanta chuyanchakuychik, chaynapi Diospas mana huchayuqta hinaspa hawkayaypi kachkaqta tari-musunaykichikpaq.

1~Juan 4:16

Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.