Efesios 1:3 - CHUYA QELLQA La Biblia en Quechua de Ayacucho 2012

³ Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

Quechua Ayacucho Bible 1987

³ Señorninchik Jesucristopa Taytan Diostayá yupaychasun, paymi Cristowan huklla kasqanchikrayku Espiritupa tukuy yanapakuyninkunawan favorecewarqanchik hanaq pachapiñapas kachkachwanchik hina.

Chuya Qellqa 1992

³ Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

Efesios 1:3 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

1~Crónicas 29:20

Chaymantam huñunasqa runakunata David nirqa: Kunanyá Tayta Diosta yupaychaychik, nispa. Hinaptinmi llapallan huñunasqa runakuna ñawpaq taytankupa yupaychasqan Tayta Diospa ñawpaqninpi hinaspa reypa ñawpaqninpi qonqoranpa kumuykuspa yupaycharqaku.

1~Crónicas 4:10

Jabesmi Israelpa Diosninta mañakuspa nirqa: “Ruegakuykim bendeciykuwanaykipaq, hatun allpata qoykuwanaykipaq, yanapaykuwanaykipaq, mana allinmanta libraykuwanaykipaq, chaynapi mana ñakarinaypaq”, nispa. Chaymi mañakusqanta Dios qoykurqa.

2~Crónicas 31:8

Rey Ezequiaswan kamachikuqkunam hamuruspanku chay montonasqa ofrendakunata qawaykuspanku Tayta Diosta chaynataq Israel runakunatapas bendecirqaku.

Nehemías 9:5

Chay-mantam levitakunamanta Josueywan Cadmiel, Bani, Hasabnías, Serebías, Hodías, Seba-nías hinaspa Petaías, kaynata nirqaku: Hatarispa wiñaymanta wiñaykama yupaychasqanchik Tayta Diosta hatun-chaychik. Dios Taytallayku, tukuy imamantapas aswanqa sutikiyá hatunchasqa kachun.

Isaías 61:9

Miraynikikunapas huklaw nacionkunapa reqsisqanmi kanqaku, willkaykichikkunapas llaqtakunapa reqsisqanmi kanqaku. Llapallan rikuqninkunam yachanqaku “Tayta Diospa bendecisqan miraykuna” kasqankuta.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Lucas 2:28

Hinaptinmi Simeonñataq wawata marqakuykuspan Diosta kaynata yupaycharqa:

Juan 14:20

Chay punchawpim yachankichik Taytaypi kasqayta, qamkunañataq ñoqapi, ñoqañataq qamkunapi.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 20:17

Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Romanos 12:5

Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.

Romanos 15:6

chaynapi Señorninchik Jesucristopa Taytan Diosninchikta llapallaykichik huk similla yupaychanaykichikpaq.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 12:12

Runapa cuerponqa huklla kachkaspapas achka parteyuqmi, ichaqa achka parteyuq kachkaspapas huk cuerpollam, chaynam Cristopas.

2~Corintios 1:3

Señor Jesucristopa Taytan Dios-ninchikyá qapaqchasqa kachun, payqa llakipayakuq Taytam hinaspa sonqo tiyachiq Diosmi.

2~Corintios 11:31

Señor Jesuspa Taytan wiñaypaq hatunchana Diosmi mana llullakusqayta yachan.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Gálatas 3:9

Chaynaqa, haykam Abraham hina iñikuqkunaqa paywan kuskam bendecisqa kanqaku.

Efesios 1:10

Chaykunapi ruwananpaq tiempo chayaramuptinmi kay pachapi kaqkunatapas chaynataq hanaq pachapi kaqkunatapas llapallanta Dios hukllawanqa, chaykunata munaychakunanpaqmi Cristota churanqa.

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Efesios 1:20

Kay atiymi Cristota kawsarichispan alleqninpi hanaq pachapi tiyaykachirqa.

Efesios 2:6

Diosqa Jesucristotawan kuskatam kawsariykachiwanchik, chaynataqmi hanaq pachapipas paywan kuskata tiyaykachiwanchikña.

Efesios 3:10

Chaynapim altokunapi atiyniyuqkunapas hinaspa munaychakuqkunapas iñiqkunata hukllamanña huñunasqata qawaspanku yachanqaku Diosninchikqa mana haypay atina yachayniyuq kasqanta.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Filipenses 2:11

Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

Hebreos 8:5

Sacerdotekunapa ruwasqankunaqa llantuy hinallam hanaq pachapi kaqkunaman rikchakun. Diosman asuykuna carpata Moisés ruwananpaq kachkaptinmi, Diosqa Moisesta nirqa: Chaykunataqa ruwachinki Sinaí orqopi imaynam qawachisqayta hinam, nispa.

Hebreos 9:23

Hanaq pachapi kaqkunamanmi kay pachapi kaqkunaqa rikchakun. Kay pachapi kaqkunaqa animalpa yawarninwanmi chuyanchasqa kanan karqa. Hanaq pachapi kaqkunam ichaqa aswan allinnin sacrificiowanraq chuyanchasqa kanan karqa.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.