Efesios 1:21 - CHUYA QELLQA La Biblia en Quechua de Ayacucho 2012

²¹ Hinaspam hatuncharun gobiernaqkunapa, kamachikuqkunapa, atiyniyuqkunapa, munaychakuqkunapa, chaynataq kunan tiempopi, hamuq tiempopi imaymana sutiyuqkunapa hawanpim hatuncharun.

Quechua Ayacucho Bible 1987

²¹ Paytaqa hatuncharun gobiernaqkunapas, kamachikuqkunapas, atiyniyoqkunapas, munaychakuqkunapas hinaspa imaymana sutiyoqkunapas mana igualay atinankamam, hatuncharurqaqa manamá kunan tiempollapaqchu aswanqa hamuq tiempopaqwanmi.

Chuya Qellqa 1992

²¹ Hinaspam hatuncharun gobiernaqkunapa, kamachikuqkunapa, atiyniyuqkunapa, munaychakuqkunapa. Chaynataq kunan tiempopi, hamuq tiempopi imaymana sutiyuqkunapa hawanpim hatuncharun.

Efesios 1:21 Iomraidhean Croise

Daniel 7:27

Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Mateo 12:32

Pipas runapa Churinpa contraypi rimaqqa pampachasqam kanqa, Chuya Espiritupa contranpi rimaqmi ichaqa mana pampachasqachu kanqa, kay tiempopipas nitaq hamuq tiempopipas.

Hechos 4:12

Jesusmanta hukpiqa manam salvación kanchu, kay pachapiqa manataqmi huk sutiqa kanchu salvakunapaqqa ichaqa Jesusllam, nispa.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Efesios 3:10

Chaynapim altokunapi atiyniyuqkunapas hinaspa munaychakuqkunapas iñiqkunata hukllamanña huñunasqata qawaspanku yachanqaku Diosninchikqa mana haypay atina yachayniyuq kasqanta.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Colosenses 2:10

Cristoman hukllawasqa kasqaykichikraykum Diosmanpas hukllawasqaña kachkankichik. Cristopa munayllanpim llapa kamachikuqkunapas chaynataq atiyniyuqkunapas kachkan.

Colosenses 2:15

Diosmi llapallanpa qayllanpi Jesucristontakama cruzpi vencespan, mana allin espiritupi atiyniyuqkunatawan, munayniyuqkunata penqayman churarun.

Hebreos 1:4

Chaynapim Diospa Churinqa admirakuypaq sutita herenciapi chaskisqanrayku angelkunamantapas aswan munayniyuq kachkan.

Hebreos 2:5

Nisqaypi hinapas Diosqa manam angelkunatachu churarqa kay pacha musoqyachisqa kaptin munaychakunanpaqa,

Hebreos 4:14

Diospa Churin Jesusqa Sumo sacerdotenchikmi, paymi hanaq pa-chaman yaykurqa. Chaynaqa, iñisqanchikpiyá takyasunchik.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.