Efesios 1:18 - CHUYA QELLQA La Biblia en Quechua de Ayacucho 2012

¹⁸ Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Quechua Ayacucho Bible 1987

¹⁸ Mañakuchkanitaqmi allinta yuyanaykichikpaqpas chaynapi qayasusqaykichikrayku confianzawan suyasqaykichikta yachanaykichikpaq otaq Diosllapaqña kawsaqkunawan chay suma-sumaqllaña qosusqaykichik herenciamanta yachanaykichikpaq.

Chuya Qellqa 1992

¹⁸ Mañakuchkanitaqmi yuyaymanaynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Efesios 1:18 Iomraidhean Croise

Jobwan Sutichasqa Libro 42:5

Qanmantaqa kaykamam uyaylla-uyariq kani, kunanmi ichaqa ñawiywan rikuykuyki.

Isaías 11:2

Paymanmi Espiritunwan Tayta Dios huntaykunqa: Yuyayniyuq chaynataq yachayniyuq Espiritunwan, atiyniyuq chaynataq allin consejakuq Espiritunwan, yachayniyuq chaynataq Diosta kasukuq Espiritunwan.

Isaías 29:10

Tayta Diosmi qamkunaman sinchi puñunayayta kachaykamusunkichik. Profetakunapa ñawintapas wichqarunmi, visión rikuqkunapa umantapas velowanmi wankurun.

Isaías 29:18

Chay punchawpiqa mana uyariqkunapas librota leepuptinkum uyarinqaku, ñawsakunapas ancha tutayaypi kachkaspankupas rikukunqakum.

Isaías 32:3

Ñawinkutapas allinta kicharispam qawanqaku, rinrinkutapas allinta kicharispam uyarinqaku.

Isaías 42:7

Ñawsakunapa ñawinta kichanaykipaq, carcelpi kaqkunata hurqonaykipaq, tutayay calabozopi tiyaqkunata hurqonaykipaq, nispa.

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Mateo 13:15

Kay runakunapaqa sonqonkupas rumiyasqam kachkan, rinrinkupas upayasqam kachkan, ñawinkupas wichqasqam kachkan. Mana qawakunankupaqmi ñawinkutapas wichqarunku, mana uyarinankupaqmi rinrinkutapas taparunku, chaynapi mana entiendenankupaq nitaq ñoqaman kutirikamunankupaq, chaynapi ñoqapas mana sanoyachinaypaq”, nispa.

Marcos 10:17

Pasakunanpaqña Jesús kachkaptinmi, huk runa kallpaylla hamururqa, hinaspam ñawpaqninpi qonqorakuykuspan nirqa: Allin yachachikuq, ¿imatataq ruwasaq wiñay kawsayta haypanaypaq? nispa.

Lucas 24:45

Chaynata niruspanmi yuyayninkuta kichaykurqa Qellqapa nisqanta entiendenankupaq.

Hechos 16:14

Chaypim kachkarqa Tiatira llaqta-yuq Lidia, paymi achka preciopa chanin morado telakunata rantikuq. Payqa Diosta yupaychaq kasqanraykum allinta uyarichkarqa, hinaptinmi sonqonta Señor kichaykurqa Pablopa nisqanta kasukunan-paq.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 11:29

Diosqa kuyakuynin qowasqanchiktaqa manam kutichikunmanchu, nitaqmi qayakuynintapas qechuwachwanchu.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Gálatas 5:5

Ñoqanchikmi ichaqa Chuya Espiritupa yanapakuy-ninwan, mana huchayuqpaqña chaskisqa kananchikpaq iñiyllanchikwan suyachkanchik.

Efesios 1:11

Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Efesios 2:12

Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

Efesios 3:16

Taytanchiktam mañakuchkani hatu-hatun kayninman hina Espiritunpa atiyninwan sonqoykichikta kallpanchananpaq.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Efesios 4:4

Cuerpoqa hukllam, hukllataqmi Espiritupas, Diosqa huk sonqolla suyanaykichikpaqmi qayasurqankichik.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Filipenses 3:14

Maymi chayanaymanmi richkani llallinakuypi kallpachkaq hina, chaynapi Jesucristontakama Dios qayawaspan premio qowasqanta chaskinaypaq.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

Colosenses 3:15

Cristopa hawkayayninyá sonqoykichikpi munaychakuchun, Diosqa qayasurqankichik huk cuerpolla kanaykichikpaqmi. Chaynaqa, agradecekuqyá kaychik.

1~Tesalonicenses 2:12

kunarqaykikutaqmi Dios-pa churinkuna hina allinta kawsanay-kichikpaqpas. Diosmi munaychakuyninpi hatunchasqa kanaykichikpaq qayasur-qankichik.

1~Tesalonicenses 5:8

Punchawmanta kaqkunaqa cuidakusunchik, soldadopa qasqon harkaqwan churakuq hinayá iñiyninchikwan chaynataq kuyakuyninchikwan harkachikusun, salvasqa kasqanchikyá harkawaqninchik casconchik kachun.

2~Tesalonicenses 1:11

Chayraykum tukuy tiempo qamkunapaq Diosta mañapuykiku. Diosninchikyá allinpaq hapisuspaykichik qayasusqaykichik-man hina, atiyninwan tukuy allin munasqaykichikta cumplichun, cumplichuntaqyá iñiynikichikwan llamkasqaykichikpipas.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

1~Timoteo 6:12

Allin peleachkaq hinayá iñisqaykipi kallpanchakuy wiñay kawsayta haypanaykipaq. Chaypaqmi Dios qayasurqanki, iñisqaykimantapas willakurqankiñam achka testigokunapa qayllanpi.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Tito 3:7

Kuyawaspanchikmi payqa mana huchayuqtaña chaskiykuwanchik, chaynapi confianzawan suyasqanchik wiñay kawsayta chaskinanchikpaq.

Hebreos 10:32

Achkiy chaskisqaykichik punchawkunatayá yuyariychik, chay punchawkunapiqa llumpayta ñakarichkaspapas kallpancha-kuspam allinta sayarqankichik.

Hebreos 6:4

Huk kutinpi achkiy chaskiqkunataqa, Diospa atiyninta chaskiqkunataqa, Chuya Espíritu chaskiqkunataqa,

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Pedro 3:9

Mana allinmantaqa amayá mana allinwanqa kutichiychu, kamisuqnikichiktapas amayá kamiychikchu, aswanqa bendicionwanyá kutichiychik. Diosqa bendicionta chaskinaykichikpaqmi qayasurqankichik.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.