Efesios 1:13 - CHUYA QELLQA La Biblia en Quechua de Ayacucho 2012

¹³ Cheqap allin noticiata uyarispam Cristoman iñikurqankichik salvo kanaykichikpaq, chayraykum Diosllapaqña kanaykichikpaq prometekusqan Chuya Espirituwan sellasqa kachkankichik.

Quechua Ayacucho Bible 1987

¹³ Salvo kanaykichikpaqqa cheqap noticiata uyarispam Cristoman iñikurqankichik, chayraykum Diosllapaqña kanaykichikpaq prometekusqan Chuya Espirituwan sellosqa kachkankichik.

Chuya Qellqa 1992

¹³ Cheqap allin noticiata uyarispam Cristoman iñikurqankichik salvo kanaykichikpaq, chayraykum Diosllapaqña kanaykichikpaq prometekusqan Chuya Espirituwan sellasqa kachkankichik.

Efesios 1:13 Iomraidhean Croise

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Lucas 11:13

Sichum qamkuna mana allin runakuna kachkaspa churikichikman allin kaqkunata qochkaptikichikqa, ¿mana-chum hanaq pachapi kaq Taytaykichikqa Chuya Espiritunta mañakuptikichikqa qoykusunkichikman? nispa.

Lucas 24:49

Qamkunamanmi Taytaypa prometesusqaykichikta kachamusaq, chaykamayá kay Jerusalén llaqtallapi suyaykuychik, hanaq pachamanta hamuq atiywan pachallisqa kanaykichikkama, nispa.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 14:26

Kallpanchakuq Chuya Espíritu ñoqapa sutiypi Taytaypa kachamusqanmi ichaqa qamkunaman tukuy imata yachachisunkichik, hinaspam tukuy ima nisqaykunata yuyachisunkichik.

Juan 15:26

Ichaqa kallpanchasuqnikichik cheqap Espiritutam Taytaypa rantinpim kachamusaq, paymi ñoqamanta willasunkichik.

Juan 3:33

Pipas willakusqanta chaskiqmi ichaqa Diospa rimasqanqa cheqap kasqanta willakun.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Hechos 1:4

Lliw apostolninkunawan kachkaspanraqmi paykunata Jesús nirqa: Jerusalén llaqtamantaqa amaraqyá lloqsiychikraqchu, uyariwasqaykichikman hinayá Taytaypa promesan cumplikunanta suyaychik.

Hechos 13:26

Abrahampa mirayninmanta kaq wawqellaykuna hinaspa Diosta kuyas-pa kasukuqkuna, kay allin noticiaku-natam Dios apamuwarqanchik salva-kunanchikpaq.

Hechos 2:33

Chaynapim Diosqa Jesusta hatunchaykuspan alleq lawninpi chaskiykurqa, Tayta Diospa prometekusqanman hinam Chuya Espirituta Jesús chaskirqa, chay Chuya Espirituntam chaqchurimuwarqanchik, chaytam qawachkankichik hinaspa uyarichkankichik.

Romanos 1:16

Jesucristomanta allin noticia willakuytaqa manam penqakunichu, chayqa Diospa atiyninmi haykam iñiqkunata salvananpaq, puntataqa judiokunata chaynataq mana judiokunatapas.

Romanos 4:11

Chaymantañam Abrahamqa señalachikurqa iñisqanrayku mana huchayuqpaqña Diospa chaskisqan kasqanta qawachikunanpaq. Chaynapim Abrahamqa mana señalachikuq llapallan iñikuqkunapa taytankuña rikurirun. Chayna iñikuptillankum Diosqa paykunatapas mana huchayuqpaqña chaskin.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

2~Corintios 1:22

Paytaqmi sellowan marcawarqanchik hinaspa Chuya Espiritutapas sonqonchikman garantiata hina qoykuwarqanchik.

2~Corintios 6:7

cheqapta willakuspayku hinaspa ichoqmanpas alleqmanpas Diospa atiyninwan allin kaqta ruwaspa defiendekuniku.

Gálatas 3:14

Kaykunaqa pasakurqa Abrahamman Diospa prometesqan bendicionta mana judío kaqkunapas Jesucristontakama chaskinankupaqmi, chaynapi Diospa promesanman hina iñiyllawan Chuya Espirituta llapallanchik chaskinanchikpaqmi.

Efesios 4:21

sichum cheqaptapuni paymanta yachachikuyta uyarirqankichik hinaspa Jesuspi cheqap kasqanman hina chaskispaqa.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

1~Tesalonicenses 2:13

Chayraykum ñoqaykupas Diosman tukuy tiempo graciasta qoniku. Ñoqayku willaptiykum Diospa palabranta chaskirqankichik, ichaqa manam runapa rimasqanta hinallachu aswanqa Diospa cheqap palabranta hinam, chay palabraqa qamkuna ukupim allinta ruruchkan.

2~Timoteo 2:15

Kallpanchakuyá Diospa chaskisqan kanaykipaq, allin llamkaq hinayá mana imamantapas penqakuspa Diospa cheqap palabranta allinta yachachiy.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Tito 2:11

Diosmi kuyakuyninta qawachi-warqanchik llapallan runakuna salvasqa kanankupaq.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

Santiago 1:21

Tukuy mana allin ruwaykunata hinaspa millay munapayaykunata saqespa, Diospa siminta llampu sonqowan chaskiychik. Paypa palabranqa almaykichikta salvaykunapaq atiyniyuqmi.

1~Pedro 2:10

Ñawpaqtaqa manam llaqtanchu karqankichik, kunanmi ichaqa Diospa llaqtanña kankichik. Ñawpaqtaqa mana llakipayasqam karqankichik, kunanmi ichaqa Diospa llakipayasqanña kachkankichik.

Apocalipsis 7:2

Rikurqanitaqmi huk angeltapas intipa qespimunan lawmanta hamuchkaqta, paymi kawsaq Diospa señalanan sellonta hapichkasqa, hinaspam kay pachata lamar qochata dañananpaq atiy chaskiq tawa angelkunata hatunmanta qaparispan nirqa: